2014年7月30日 星期三

香檸迷迭香焗燒雞 (附食譜)

好耐好耐都無玩過焗燒雞, 所以親星期日有時間加上 Honey 親戚來食飯, 我有自家製造了一款焗燒雞. 家人及親戚都好喜歡這個燒雞, 香噴噴檸檬香味, 嫩滑雞肉, 令人食慾大增.

2014年7月29日 星期二

茄汁蝦 (附食譜)


星期日煮了這個茄汁蝦招呼 Honey 親戚, 煮蝦我經驗不多, 所以對於我來講事前要剪鬚腳及挑蝦腸都是一件唔簡單事. 幸好都順利完成, 煮出嚟個買相都不錯. 味道大家都滿意.

2014年7月28日 星期一

黃咖喱菠蘿薯仔鴨 (附食譜)


昨日即興約了 Honey 親戚來我們家晚飯, 立即去街市預備晚飯材枓. 但以往約親戚朋友來我家飯聚都必需要預先諗定煮什麼小菜, 寫定要買食材才敢去街市買食材及煮餸. 但今次我已經可以好淡淡定去到街市見到有什麼食材, 就即時能諗到要煮什麼小菜繼而就買晒所需食材煮飯餸啦. 對我自己來講絕對係一個突破.

2014年7月25日 星期五

香辣煙肉蘆筍意粉 (附食譜)



今次這個意粉我本人好 Like, 原因佢夠辣, 配埋香口煙肉一齊食就更加開胃. 但如果妳/你本人係唔食得辣, 就只需唔加指天椒及辣油就得啦. 辣度係可以隨個人口味加減的. 

2014年7月24日 星期四

日式料理@椰菜花炒肉片 (附食譜)

昨日天氣真係好熱. 又適逢是 "大暑", 又熱又焗. 真係好容易會中暑. 相信好多人都有煲番過 "冬瓜湯" 來消暑. 我自己早幾日前已經煲咗嚟飲, 所以昨晚只係煮幾個簡單小菜就算. 其中這味餸就是用了我喜愛日式醬料來煮的.

2014年7月23日 星期三

香辣肉碎茄子 (附食譜)

以前我係一名勁唔鍾意食茄子的人, 但唔知係咪真係年紀大咗, 宜家連對討厭食物都會慢慢變得有興趣. 魚香茄子煲是我近年其中一款喜歡茄子餸菜. 今次我都係煮類似呢個煲仔餸, 只係無用個 "煲" 啫.

這個餸簡單易煮, 又唔油膩, 送飯一流!

2014年7月22日 星期二

香茅椰汁雞 (附食譜)

椰汁雞好多年前仍是新手時煮過, 但當時煮得麻麻地亦無椰汁香味. 而今次我嘗試加入香茅, 檸檬葉, 並在水份放面調節一下. 果然煮出嚟效果非常之好. 香噴噴椰香味配埋嫩滑雞肉, 我自己就好滿意喇! Yummy! Yummy!

2014年7月21日 星期一

味菜炒牛柳絲 (附食譜)

書展已經開始咗, 大家行咗未呢? 有無買到心頭好書籍? 今年多咗好多煮飯 blog 友出不同種類食譜書. 在此恭喜妳/你們! 祝妳/你們食譜書越賣越多. 越賣越紅. 其實當看見越嚟越多人出食譜書, 又時都會幻想自己會不會都有出書一日? 哈哈.........Sorry! 我又係到發白日夢.

2014年7月18日 星期五

麵醬南瓜炒鴕鳥肉 (附食譜)

這幾天都因約了探訪教會幾位癌病團友及返祈禱會, 所以都無玩過煮飯仔. 但我都為大家預備了我自己好喜歡舊文章食譜來同大家分享! 希望妳/你地都喜歡啦!

駝鳥肉是低脂、低熱量、低膽固醇的肉類, 更有豐富的鐵質、蛋白質和多元不飽和脂肪酸, 對人體健康好有益. 

2014年7月15日 星期二

蒸水蛋 (附食譜)


今晚一路跑步, 一路看著好光猛好靚月光, 就讓我想起早幾日蒸的水蛋, 所以今日揾番出嚟同大家分享一下. 呢個煮法我家奶奶極之欣賞, 大讚我蒸得好靚又嫩滑滑.

我個人食時候喜歡加老抽一齊食, 覺得特別好味d架. 睇下d 蛋幾嫩滑滑.

2014年7月14日 星期一

梅子排骨醬蒸雞翼 (附食譜)

雞翼煮法真係好多樣化. 今次我專登用蒸排骨的 "梅子排骨醬" 來蒸雞翼, 效果非常好好. 在蒸之前先將雞翼斬件, 讓醃料更入味, 然後拎去蒸熟就食得. 成了!

2014年7月11日 星期五

鬆弛熊魚蛋片灼唐生菜 (附食譜)

係超市見到好可愛 "鬆弛熊魚蛋片" 即係買番嚟揾佢做主角配唐生菜. 一個個可愛鬆弛熊樣子好得意呀! 配埋唐生菜, 好colorful! 令人食得更開懷又happy.

2014年7月10日 星期四

冷簥麥麵 (附食譜)


天氣真係好熱呀! 熱到好似個火爐. 熱死我!!! 連係廚房玩煮飯都變咗係一件苦差! 所以今晚煮得超簡單, 但有食得超健康, 簥麥麵是低脂食物, 營養價值好高, 伴冷麵汁食好 "正" 架.

2014年7月9日 星期三

豆角炒煙鴨胸肉 (附食譜)

今日突然想起好似好耐未食過豆角, 所以就買了嚟嘗試配搭炒煙鴨胸肉. 估不到味道有不錯喎! 夠惹味!

2014年7月8日 星期二

豬腩肉片炒翠肉瓜 (附食譜)

星期六除了嘆過咖啡, 仲去咗行街街, 經過見到 Francfranc 就入咗去睇吓 d 靚靚杯杯碟碟, 見到一套 "心型" 湯碗巧鍾意呀! 一套共有 3 隻不同 size "心型" 湯碗. 價錢 $190/套. 可惜只是得白色, 如果能多幾隻顏色選擇就更好. 除了湯碗亦有餐碟款的. 但我本人比較喜歡湯碗造型. 今晚就用咗佢嚟玩煮飯仔啦! 靚唔靚呀???

2014年7月7日 星期一

開心外食@The Coffee Bean & Tea Leaf

星期六與友人又去咗銅鑼灣 The Coffee Bean & Tea Leaf 嘆咖啡上網傾吓計, 這裡環境好舒服. 侍應生服務態度亦都好好. 而最重要是咖啡品質絕對係非常好味. 其實此店在美國已有好多年歷史. 在全球亦有好多分店. 現在銅鑼灣及旺角都有它的蹤影了. 它們除了咖啡, 亦有茶類或沙冰飲品. 並有小食供應.

2014年7月4日 星期五

蕃茄炆牛脷 (附食譜)


呢款牛脷第一次在公司附近凍肉店買, 成六十幾蚊才得約13 條, 真係一點都唔平宜. 但決定都買嚟試吓. 肉質不錯, 而且唔需煮好耐就熟透食得. 配蕃茄汁食夠晒開胃.

2014年7月3日 星期四

泡菜炒豬頸肉 (附食譜)


自從上次追完套韓劇後, 發覺自己都多咗留意同韓國有關東西, 例如: 食物, 韓劇或者它們本土美食. (哈哈........又係同食有關, 無辦法, 我太愛食啦!) 今次呢個餸我勁 Like 呀! 因為容易煮至於, 用嚟送飯煲韓劇一流呀!

孜然粉焗豬肋骨 (附食譜)


上一篇介紹過用 "香草" 焗豬肋骨後. 今次輪到介紹用 "孜然粉" 焗的豬肋骨. 焗後味道好似孜然羊肉串. 呢個我同 Honey 都鍾意食.

2014年7月2日 星期三

香草焗豬肋骨 (附食譜)

豬肋骨已經煮過幾次, 而每次都會有少少改變. 嘗試用唔同材料及煮法. 今次我配搭了兩種不同配方來做了兩款豬肋骨, 我家人食後各有喜好不同. 奶奶喜歡今次介紹香草味焗法, 而 Honey 喜歡孜然粉焗法. 所以我會分開兩個食譜同大家分享. 而在焗時間上我亦嘗試有所調整. 效果都 OK.
Related Posts Plugin for WordPress, Blogger...