2014年10月31日 星期五

My Coffee@Cafe Corridor


剛過去星期日同友人一齊來了 Cafe Corridor 嘆靚啡. 這裡地方不太大, 但有一種好休閒自在感覺. 咖啡好香濃, 如果妳/你是一名咖啡精一定會好喜歡 (或許大家都已經來嘆過了). 這個好地方我一定會再去嘆過.

地點: 銅鑼灣羅素街 26A 地下 (時代廣場對面)

2014年10月30日 星期四

鯪魚肉炒直菇 (附食譜)


好喜歡食直菇, 越食越鍾意, 尤其是這款在日式超市買韓國直菇, 口感好爽口, 好特別. 而且用它來配任何食材都得又好好味. 可惜忘記影底個包裝給大家睇. 下次一定會影底佢.

2014年10月29日 星期三

蘆筍拌雞肉粒 (附食譜)

這兩天好大風, 明顯地涼咗好多, 大家要穿多件外套保暖. 同樣這兩天時時諗緊秋冬又可以煮一些比較特別美食. 例如: 羊腩煲 (嗯!.....講起哩個餸我發覺大部份男人都好鍾意食) 

雖然唔明白他們點解咁鍾意, 但確實羊腩煲真係冬天最多人愛煮愛食美食. 所以嚟緊星期六有親戚到訪, 到時就會煮番個秋冬之寶 ~ 羊腩煲來招呼吓大家喇!

2014年10月28日 星期二

蝦仁炒蛋 (附食譜)


今晚早早食完晚飯, 休息了一陣, 就落街去運動, 除了能出一身汗, 亦可舒發一下心中一肚子激氣事 (近來有d好唔開心又激氣事頂住頂住!!!) 果然跑完個人真係舒服好多. Blog 友們, 如果妳/你們都有一肚子激氣事, 又唔知點去發洩, 不妨去做下運動真係可以幫到妳/你架!

2014年10月27日 星期一

日式咖喱雞 (附食譜)

很久沒有食日式咖喱, 見家中有盒咖喱磚, 就用它煮了一大碟咖喱來做餸兼撈飯食, 香口食物果然係會令人食慾大增. 今餐有食多咗啦! 

2014年10月24日 星期五

梅子排骨醬蒸倉魚 (附食譜)

買咗條倉魚, 原本諗住用豆豉來蒸煮, 忽然諗到不如用海子排骨醬來試試攪攪新意思. 嘻嘻.....估不到出來味道也不錯喎!

2014年10月23日 星期四

焗韓辣雞翼 (附食譜)


好友送來一樽韓國辣椒醬, 內裡有一粒一粒麵豉粒. 今晚我就嚐試用來焗雞翼, 味道非常香辣惹味, 送飯一流.

2014年10月22日 星期三

西芹炒鴕鳥肉 (附食譜)

忙碌完一整天工作, 只想簡簡單單煮些自己喜歡又健康美食來慰勞一下自己. 西芹及駝鳥肉都是最佳健康食物, 再用埋最簡單烹調方法. 讓自己從美食中得著心靈快樂.

2014年10月21日 星期二

開心外食@潮人飯堂

昨晚無玩煮飯仔, 因有一位癌友肢體身體不適需要入院觀察, 所以同幾位主內弟兄姊妹一起探訪關顧肢體. 探訪完畢就順到去醫肚. 去咗附近一間叫 "潮人飯堂" 食晚飯. 其實以前都來食過晚飯, 覺得它們食物味道仍然 keep 得不錯. 仲食了它們好好味 "杏仁茶"  但 blog 主因掛住傾計及食忘記影相!!!

2014年10月20日 星期一

木瓜紅蘿蔔粟米豬骨湯 (附食譜)

秋涼日子, 至緊要煲番個老火湯來潤一潤, 買咗盒湯包, 再加多個木瓜一齊煲, 嘩! 清甜滋潤. 連鹽都唔駛落.

2014年10月17日 星期五

香煎三文魚拌什菜粒 (附食譜)

 
見超市新鮮三文魚好肥美又大塊就買了一塊回家, 只需用最簡單食材醃製, 煎一煎就食得. 埋位開飯啦!

2014年10月16日 星期四

痛心 (附食譜)


心情真係麻麻地!!! 其實我這平台通常只講煮飯仔或街外食, 但今日我都想講一兩句嘢! 原來以前電視劇集裡講 d 差人鍾意就打人, 仲有上頭包庇嘅橋短都不是虛構, 是真實地發生在我們這都市中. 唉!.....為我所愛都市.........痛心!!!

2014年10月15日 星期三

蒜蓉蒸勝瓜 (附食譜)


雖然已經入秋, 但見街市仍有賣勝瓜冬瓜等等食物. 剛巧今晚好想好想食勝瓜. 只需加蒜蓉來蒸煮. 味道已非常好好味, 清清甜甜. 不知不覺就食晒了.     

2014年10月14日 星期二

又有禮物收喇@Seewide 香港特搜

哈哈...........首先要再一次謝謝 Seewide 香港特搜送給我精美禮物.

點解會有禮物? 嘻嘻..........因本人有幸又再七月及八月份成為其中一位 "人氣瀏覽量之王"  謝謝各位 Blog 友對我支持, 巧感動!

更要多謝Seewide 製作的極之有心思禮物, 等我同大家分享一下. 

2014年10月13日 星期一

菠蘿咖喱炆薯仔雞翼 (附食譜)

 
用了之前從新加坡買回來咖喱醬包煮咗個咖喱薯仔雞翼食. 夠晒辣又香濃咖喱味, 不知不覺又食多咗飯啦! > <"

2014年10月9日 星期四

日式醬料炒椰菜花 (附食譜)

 
我家人都好喜歡食椰菜花. 原來它的營養價值好高, 當中含有豐富的抗癌成分. 有研究發現長期食用可減低患乳癌、直腸癌及胃癌的風險. 而且它的纖維對促進腸道的蠕動好好架, 能幫助預防便秘. 咁有益美食當然要同大家分享喇!

2014年10月8日 星期三

甘荀青茄子炒牛肉絲 (附食譜)

 
 雖然個心仍留在韓國, 但始終都要回歸現實, 繼續努力為家人送上我的愛心晚餐. 食飽了, 休息夠了, 做好工作, 儲夠錢, 再去旅行享受過. Yeah! Yeah! Yeah!

2014年10月7日 星期二

合掌瓜冬瓜花蟹排骨湯 (附食譜)

韓國之旅終於結束啦! 呵呵........玩得好開心, 食咗好多美食, 買咗好多又平又靚手信及靚衫. 原來韓國真係好好玩架. 無論觀光名勝, 不同特色韓國地道美食, 又平又靚衫褲, 精緻咖啡店, 友善親切韓國人, 都令人對韓國好著迷. 宜家終於明白點解咁多人鍾意時時去韓國玩了.
 
今晚是回港後第一餐玩煮飯仔. 食得比較清淡 d (因為已經食得太多啦!). 雖然是清淡少少, 但絕對不求其架! 夠晒清甜健康.

2014年10月3日 星期五

鮮茄豬扒 (附食譜)


去旅行前煮了這個紅噹噹又開胃送飯菜給 Honey 食,他極之欣賞, 仲用埋汁撈飯食, 見他食得咁開心, 煮得辛苦d都值得.
Related Posts Plugin for WordPress, Blogger...