韓醬薯仔炆肉條 (附食譜)

 

我返嚟啦! 這幾天因家中有突發要事, 所以連寫 blog 都要放埋一邊, 感謝神! 有天父看顧保守終於平安渡過. 講番今次這個餸, 好好味架! 是用韓國醃肉汁來煮的, 最好味係薯仔, 索晒汁料, 今餐又食到飽飽喇!~   

菜脯炒蛋 (附食譜)

  

昨晚只好簡單炒個蛋加些菜脯炒埋就做餸, 用嚟送飯都好一流架!

西芹炒鮮魷 (附食譜)

之前幾日都係分享煮過西餐, 係時候轉返個中餐 post 下, 自煮咗過 Honey 極愛到爆鮮魷給他食. 用西芹伴炒, 簡單有美味. 可惜 Honey 唔係好食得辣, 否則加埋辣椒仔同炒就更加惹味.

蒜蓉包與南瓜湯 (附食譜)

上星期六除了主食西班牙海鮮飯及香草烤鴨外, 當然亦煮了西餐必食前菜, 今次煮南瓜湯及蒜蓉包, 親戚們勁喜歡, 勁叫 encore. 哈哈......下次真係要煮定多 d 先得啦!

香草烤鴨 (附食譜)

早前睇過明珠台一個教煮高級西餐飲食節目, 其中一到西菜是教煮烤鴨, 烤得好靚好吸引, 所以自己都想嚐試一下, 食材方面我自己略有更改, 烤出嚟都一樣好美味又嫩滑. 親戚家人都好滿意. 個醬汁只用鴨本身精華汁籵加鴨內臟舀煮出嚟, 所以非常原汁原味.

西班牙海鮮飯 (附食譜)

 
上星期六有親戚到訪, 試煮了兩個新菜, 有西班牙海鮮飯及香草焗鴨, 親戚們都好滿意食物, 大家有講有笑食得好開心. 西班牙海鮮飯其實唔難煮, 只要按步驟去煮, 加上愛心, 細心, 留心, 耐心就一定成功.

泡菜翠肉瓜炒豬肉 (附食譜)

 

又買咗隻新韓國辣椒醬, 所以就煮韓菜, 加埋泡菜同煮就更加頂呱呱! 我地就食到嘩啦啦! 哈哈哈!

開心外食@Via Tokyo (雪糕甜品店)

昨晚食完 "拉丁美洲" 菜之後, 行番出嚟見到這間日式雪糕甜品店, 店內及門口都有好多人食雪糕. 我同 Honey 都湊下熱鬧食番杯雪糕先. 它們雪糕是主打來自京都的抺茶粉及用北海道 3.6 牛乳製作的, 可惜昨晚無抺茶味, 只有焙茶味及原味供應. 食後感雪糕味道好滑又濃郁, 焙茶味都不錯喎. 賣相當然亦好得啦!

開心外食@33 Cafe y mucho mas (拉丁美洲菜)

 
昨晚陪 Honey 去了銅鑼灣基道書樓買書, 之後行下行下到咗這間主打 "拉丁美洲菜" 西餐廳, 女店員在門口好熱情為我們介紹菜色, 所以決定入去試下. 食物味道確不錯, 頗有特色, 不同一般意美英菜色, 配合輕鬆節奏拉丁美洲音樂, 食得好休閒. 它們還有售買一些小食, 例如: 曲奇餅, 不同口味朱古力......等等.

韓汁蘆筍炒肥牛肉 (附食譜)

昨晚突然有客人到訪, 立刻去買餸去煮飯, 幸好都攪掂, 至於咁趕煮出嚟食物仲算味道及賣相都 OK. 其實我本人是好怕突如其來事, 會有點措手不及, 所以今次順利完成, 我都好滿意.

白酒藍青口 (附食譜)

前日除了學煮了羊膝, 亦煮了 Honey 好喜愛藍青口, 今次買唔到蕃茜, 亦只係用乾百里香來煮, 味道依然好得, Honey 一個人都已經食晒一大半, 我自己就好鍾意索滿汁料洋蔥, Yummy Yummy!

迷迭香焗羊膝 (附食譜)

  

見超市羊膝做特價推廣, 嗱嗱淋買了一盒回家試學煮焗羊膝. 上網揾資料, 大部份都係教紅酒焗羊膝 or 炆羊膝, 但我自己比較想用簡單食材, 及用烤焗煮法. 因為這樣是最能帶出羊肉鮮味. 請教了教會一位姊妹煮法及向她要了幾支自家種迷迭香, 就焗了一個巧香噴噴又嫩滑羊膝.

開心外食@天樂餐廳 Amy's Kitchen

復活節假期時去了香港大學站周圍行下, 無意中俾我發現這間以前在銅鑼灣區白沙道好出名食店 "天樂餐廳"  他們好出名名菜有 "瑞士汁牛河" “瑞士汁雞翼" "天樂甜心雞卷" "梳乎厘" "鹹豬手" 等等. 他們食物好好味架. 蘇施黃都是他們上客. 價錢又合理, 估不到俾我見番佢. 巧開心呀! 以後我又多個食好嘢蒲點喇!

開心外食@雲來軒

 
星期日家人推介來尖沙咀這間 "雲來軒" 中菜酒家晚飯. 未食之前我諗都係一般中菜酒家. 不過, 食過之後發現它們食物真係 "好掂" "好有水準"  雖然價錢是貴了少少, 但如果多人一齊食 share 條數後有不是真係好貴. 而且多人一齊食仲可以食多幾款不同特色小菜.

中西混醬焗豬柳 (附食譜)

假期終於結束了, 今次假期過得好開心亦又意義. 因成個假期我就只需煮了這個焗豬柳做午餐, 除此以外, 就係開心街外食. 所以我將會有不少街外食 blog 會同大家分享. 另外我亦趁這假期探訪了幾位因患病未能返到教會弟兄姊妹, 讓他們都感受到復活的主大愛.

這個豬柳是中西醬料混合傑作, 只見家中有什麼食材就將它混合出嚟, 味道真的不錯呀! 大家都可多嘗試在家混不同食材搭配不同煮法. 相信能創作出不同口味美食.

開心外食@Coffee Art

假期第一日來到觀塘嘗試這間咖啡小店, 試試它們咖啡, 順便 e 肚. Coffee Art 小店地方不大, 有點似茶餐廳, 但它們咖啡確有水準, 仲有它們勁美味甜品, 大愛呀! 必定會再 encore, 唯獨有一缺點, 因它們人手不夠, 所以要比較有點耐性等食物. 

泰式甜辣芒果炒鴕鳥肉 (附食譜)

  
呵呵.........返埋今日工就放假啦! 勁爽呀! 大家會不會趁假期約朋友回家食飯哩! 有無試過用鴕鳥肉做主煮呢? 鴕鳥肉有好高營養價值架! 我曾經都上網及書籍中知道食鴕鳥肉好處, 同大家分享下: 

鴕鳥肉含有高蛋白、低脂肪、低膽固醇、低熱量的特點, 其單位脂肪含量僅為牛肉、豬肉的十分之一, 但其鐵、鈣、鋅、硒等的含量均高於一般肉類, 還含有27種人體必需的氨基酸, 再加上鴕鳥肉肉質好嫩滑, 用作烹調菜色是非常好的.

所以我好喜歡用它來配搭不同食材, 前晚就用芒果及泰式甜辣醬煮過開胃美味送飯菜. 這碟餸一出場, 就好受我家人歡迎, 好快就食清晒. 而且顏色配搭都好靚靚呀!

京蔥蒜蓉豆豉爆雞翼 (附食譜)

和味! 惹味! 這個爆雞翼真係好味又惹味. 用上京蔥及蒜蓉豆豉醬令香味更濃, 雞翼煎得剛剛好, 奶奶讚我煎得好好又嫩滑. 醃料前我在每隻雞翼上界了一刀, 讓醃料更易滲入雞翼中, 食起嚟時就更入味了.