娘惹咖喱薯仔雞翼

今日同Honey 返了爸媽家食飯, 同埋跟媽媽學煮餸仔. 我呢位新手在亞媽(老師父)面前, 就變咗隻雞鴨 (即係雞手鴨腳) 我幫手煮煎釀茄瓜, 娘惹咖喱薯仔雞翼, 蝦米粉絲節瓜. 還有老師父親手下廚幾味小菜.

材料
洋蔥 (1 大個), 薯仔 (2 個), 雞翼 (15 隻), 娘惹咖喱汁 (1 罐)

做法
1) 燒紅鑊落油將雞翼煎一煎 (有少少微黃OK喇), 然後上碟.

2) 然後下洋蔥炒, 再落薯仔一齊炒勻, 過一陣再放埋雞翼及咖喱汁一齊兜勻. 加暖水轉細火炆約 20 分鐘. (* 因我鍾意食薯仔淋d, 所以炆耐d)

3) 然後加糖試味 (其實我應該要下椰漿, 但我唔記得買, 所以我用糖來調減辣味).

4 ) 煮多一陣就可上碟食得喇!

同枱仲有其它家常飯餸

夏天在廚房煮飯仔真係好辛苦架, 我娘家屋企有多人, 每次媽媽都要煮好多個餸. 但她年紀都大了, 真係唔想她咁辛苦, 所以除了想跟她學煮飯仔, 也想減輕她煮飯仔負擔.