2013年2月26日 星期二

日式味噌翠肉瓜豬頸肉


平日不多會玩煮飯仔的我, 因奶奶病了, 今晚我就煮了一個簡易日式小菜, 順便清清啲醬料.
 
材料
翠肉瓜 (2 條 - 滾刀法切粗粒), 豬頸肉 (1 件 - 切條)
蒜頭 (4 - 5 粒 - 切碎), 乾蔥頭 (3 粒 - 切粒)
 
豬頸肉醃料: (份量只要夠醃勻就OK)
豉油 (1 小匙), 糖 (1 小茶匙), 油 (1 小茶匙), 生粉 (1 茶匙)
 
調味料
日式醬油 (1 茶匙), 日式味醂 (1 茶匙), 日式味噌 (3/4 茶匙)
糖 (少量), 暖水 (少量)
 
做法
1) 燒熱平底鑊, 下油加入豬頸肉炒香, 轉色微黃, 盛起備用.
 
2) 同一鑊再下少許油, 加入蒜蓉及乾蔥爆香, 下翠肉瓜炒勻, 加入調味料及暖水, 加蓋煮約 1-2 分鐘, 開蓋加入豬頸肉炒勻, 再加蓋煮 2-3 分鐘, 熄火盛起享用.
 
 


2013年2月17日 星期日

紅酒燴牛尾


新年蒙福! 首先再次祝大家身體健康, 開煮大吉大利, 大家都煮到更多美味好餸給你至愛家人及伴侶. 今年係我首日開爐, 我嘗試煮了一個紅噹噹 "紅酒燴牛尾" 我同老公都 Like, 但仍有好多可以改善空間, 例如賣相不夠靚靚, 下次再煮我要做得更好!!!
 
材料
牛尾 (6 - 7 件), 蕃茄 (2 個 - 切小粒), 西芹 ( 4 - 5 條 - 切小粒)
紅蘿 (1 條 - 切小粒), 洋蔥 (1 個 - 切小塊), 紅酒 (約 250 ml)
茄膏 (2 - 3 茶匙), 香葉 (3 - 4 片)
乾香草 (1 茶匙 - *因買不到新鮮香草, 如能用新鮮香草會更好)
牛肉湯粒 (1 粒), 冰糖 (少量), 牛油 (少量)
暖水 (約 600 - 800 ml)
 
做法
1) 用清水洗乾淨牛尾, 抺乾備用. 燒熱平底鑊落少許牛油. 加入牛尾煎至表面金黃色, 盛起備用. 另清洗乾淨洋蔥, 紅蘿白, 西芹, 蕃茄, 切小粒備用.
 
2) 燒熱深鍋下少許牛油, 下洋蔥炒至軟身, 加入紅蘿白, 西芹, 香葉及蕃茄炒香, 再加入牛尾炒勻, 下紅酒, 茄膏及暖水, 當水再滾起時加入牛肉湯粒及冰糖, 轉細火炆 30分鐘, 熄火焗 20 分鐘, 再開火當水滾起時轉細火炆 30分鐘, 熄火焗 20 分鐘, 再開火加入乾香草, 當水再滾起時轉細火炆 30分鐘, 然後下鹽調味煮一陣熄火就食得喇!
 
 
愛心小貼士
1) 有教會姐妹教我若想賣相靚 d, 可以在最後炆十五分鐘時先加上蕃茄, 就會令碟牛尾更色香味俱全.
 
2) 用新鮮香草會令香味更香濃.
3) 炆煮時要留意汁料會否收乾晒, 若果有要加番暖水.


2013年2月9日 星期六

新年快樂!

 
Hello 各位, 新一年將到, 盼望未來日子可以有更多時間煮多多美食給我所愛家人及同大家分享, 祝願大家新年快樂, 食得開心, 煮得快樂, 事事順順利利!
 
 

Related Posts Plugin for WordPress, Blogger...