2014年1月31日 星期五

新年蒙福@2014


馬年到了, 祝福大家新的一年
福氣滿載!
開心快樂!
身體健康!
事事順利!

亦祝福一眾煮飯靚太們
青春常駐!
廚藝蒸蒸日上, 令家人食得開心愉快!
大家互相識到更多Blog 友, 交流心得!
 



 





團團圓圓團年飯


感謝主! 不經不覺已來到年三十晚, 在這個晚上能與妳/你最愛家人, 或好朋友, 或一些好耐無見親戚朋友共聚天倫, 食一餐團團圓圓晚飯, 圍著一起又講又笑, 確實係好窩心架!

今晚我就以火鍋餐與家人及親戚共聚這開心夜. 雖然日間要返工, 又要趕回家預備火鍋食物材, 但看見大家食得開開心心, 就什麼幸苦都值得喇!

祝福大家團團圓圓, 合家平安!

2014年1月28日 星期二

開心外食@峰拉麵


 
昨天同大家講過星期日去了花墟買賀年花, 然後去了一間日式料理店食晚餐, 今日好想同大家介紹一下這間日式料理店.

它的名字叫 " 峰拉麵" 他們食物非常好好味. 價錢亦都合理, 我特別好鍾意他們一款 "牛乳鮮蠔鍋" 個牛乳湯有好香好滑牛奶味, 十分好好飲, 幾乎成個湯都係我飲晒. 次次去都有好多人幫襯, 唯一不足地方就係只得 90分鐘時間用餐. 下次大家去花墟買完花都可以去試吓. 地址: 太子花園街 217地下

2014年1月27日 星期一

辨年貨@賀年花


還有幾天就到年三十晚喇! 大家除了忙於蒸糕 bell, 亦都開始辨年貨未呢?

我就親今天星期日去了花墟買年花, 選購了每年必買蘭花, 今次還買了水仙花. 然後照往年一樣一家人去了花園街一間日式料理餐廳食晚飯. 回到家 Honey & 奶奶都好悉心同蘭花及水仙花扮靚靚. 讓家中充滿著濃濃新年氣氛.




2014年1月25日 星期六

日式咖喱椰菜花

 每年臨近新年就會變得好忙(唔係忙整 "蒸糕 bell"), 已連續成個禮拜無玩過煮飯仔! 直至下星期仍然係無時間. 最快都要到年三十晚才有機會玩煮飯仔. 因要探訪教友家人, 上堂, 團契聚會及與家人, 朋友, 同事飲飲食食囉! (即係團年飯). 但我心情是輕鬆開心的.

發覺近日連寫blog 的時間都沒有了. 但又好想同大家繼續連結. 所以就找來一篇較舊文章同大家分享. 盼望大家都喜歡.

2014年1月20日 星期一

蘿蔔糕@婆婆秘方 (附食譜)


好快仲有兩個星期就到農曆新年, 今日我都跟媽媽學整了我一生第一個蘿蔔糕. 這個整蘿蔔糕煮法係由我婆婆盛傳給我媽媽, 今天就輪到我學了, 所以都算係我家的 "家傳秘方" 雖然外型不討好, 但我地一家人及親戚由細到大都好鐘意食架. 所以當我今日學煮時, 感覺好似婆婆又再與我一起. 這是一個充滿著 "愛回憶" 的蘿蔔糕.

2014年1月17日 星期五

沙爹金菇菜炒雙瓜 (附食譜)


這幾天都有事情要忙, 都未有時間玩煮飯仔, 今晚一有時間就去玩吓先, 天寒地凍煮過沙爹來暖暖身. 呵呵........金菇菜吸滿晒沙爹汁非常惹味又開胃. 食完成個人暖笠笠!

2014年1月14日 星期二

Annual Dinner@凱悅酒店

今晚公司去了尖沙咀凱悅酒店食 Annual Dinner, 裡面環境氣氛好好, 食物好多選擇, 而且食物質素都不錯. 食物包括有: 龍蝦, 螺, 蟹, 蝦, 魚生壽司, 鵝肝, 巴拿馬火腿伴哈蜜瓜, 羊肉, 牛柳, 甜品等等..............

2014年1月12日 星期日

分享好信息

同大家分享一件值得感恩事, 是有關傳福音的一個經歷.
 
事緣 7/Jan (Tue) 這天新聞不斷報道一位名人離世消息, 同一天我在公司工作中時與同事閒談中講, 雖然那位名人好長壽才死, 又捐贈好多金錢, 又有勳章, 又設立傑出科學家獎, 但都係上唔到天堂. 同事就非常好奇問我點解, 我就同她解釋只有 "口裡承認,心裡相信耶穌是唯一的救主" 才能上天堂. 絕對唔係靠我地做咗幾多公德善事或有幾好名聲. 然後我同她分享完整福音, 最後就問她願意接受耶穌是她生命救主嗎?她表示: 願意. 我就立刻為她做決志祈禱.
 
感謝主! 在起初傾計時只係諗住表達對那位名人一些想法, 但估不到神就藉這次讓我與同事有分享福音機會. 經過今次我更深體會到在我們生活中大大小小事情都是成為我們分享福音好機會.

神 愛 世 人 、 甚 至 將 他 的 獨 生 子 賜 給 他 們 、 叫 一 切 信 他 的 、 不 至 滅 亡 、 反 得 永 生 . (約翰福音3:16) 





2014年1月11日 星期六

開心外食@The Coffee Academics


又到星期六, 又到 hea 時間! 今日去咗灣仔一間意式咖啡室食了一個休閒 Lunch. 當然會嘆番杯我至愛 Caffe Latte 咖啡. The Coffee Academics 室內裝飾環境好舒服, 杯咖啡好香好滑. 所提供食物水準亦不錯. 而且仲有好多女士至愛甜點糕餅. 只可惜我已經食到好飽, 食唔到喇! 下次我一定會試吓!

本菇灼菜心 (附食譜)



不用餐餐大魚大肉, 清清淡淡已是最佳健康美食.

2014年1月10日 星期五

泰式青咖喱薯仔雞 (附食譜)


我係一個好鍾意食辣的人, 今日就襯住凍凍地天氣煮過泰式咖喱來暖一暖先得. 呵呵...........好香 Blue Elephant 咖喱醬, 薯仔吸收晒咖喱醬味道, 好食到停唔得到口. 我仲用咖喱醬來撈飯食添.

2014年1月9日 星期四

麵豉醬蒸排骨@九龍醬園 (附食譜)

 
 
 早前在 Citysuper 買了一樽九龍醬園出品原錦豉(即麵豉醬), 今晚就用來蒸排骨, 好香麵豉醬味, 只需用簡單調味料就能煮出一碟原汁原味排骨. Very Good!

2014年1月8日 星期三

味噌紅蘿蔔唐生菜湯 (附食譜)


這個灼菜湯簡單易煮又營養豐富, 清甜好味.

味噌含鐵、磷、鈣、鉀、蛋白質、維他命E , 能預防治療便秘、腹瀉、肩膀痠痛、高血壓、癌症.

傳統的日式早餐要吃白飯配上各種醃漬小菜, 更少不了熱騰騰的味噌湯. 而味噌這種黃豆加入麴菌, 經發酵而成的發酵醬, 幾乎是每個日本家庭常備的調味品. 我自己除了用來煮味噌湯, 亦會煮餸時加入適量作調味料用.

2014年1月7日 星期二

梅菜指天椒蒸雞 (附食譜)


在寒冬下煮嘢食, 最緊要係能保持食物夠晒熱辣辣先至好味, 今日同時間一次過蒸了兩碟餸加個灼菜湯就可開飯喇!

我蒸了麵醬排骨, 及今日為大家介紹 "梅菜指天椒蒸雞". 夠晒熱辣辣之餘, 用梅菜餸飯絕對一流. 下次我又要再煮過嚟食.

2014年1月6日 星期一

味噌青瓜炒梅頭豬肉 (附食譜)

 
 
今晚煮了 2014 年第一個家常小菜, 簡簡單單, 但絕對係愛心製作, 盼望這新一年能學到更多不同新菜式, 讓自己煮藝有更多進步, 及使家人食得健康快樂.

2014年1月5日 星期日

我的旅歷@新加坡之旅 (精華相片)

 
 
新加坡之旅結束了, 這次旅程真係好開心又甜蜜, 第一次在外地食除夕晚餐及倒數. 亦食了我覺得到目前為至係最好味海南雞飯, 叻沙及胡椒蟹. 在最高金沙酒店-空中花園欣賞新加坡黃昏美景. 更享受同 Honey 尋找美食及觀光點時樂趣. 感謝主! 能以一個旅遊為新一年的開始確實太美好, 當然更要多謝Honey為我所作的一切.
 
為大家預備了一些精華相片欣賞, 稍後我會寫番一輯新加坡之旅給大家睇睇.

2014年1月1日 星期三

Happy New Year 2014


感謝主! 過去每一天都能經歷到天父祝福保守, 亦好感動 Honey 對我愛錫 (仲同我宜家係新加坡過除夕倒數旅行). 今年透過關心探訪患癌病病友, 能陪伴他們走這條艱苦路, 而且能使他們認識主耶穌, 受洗歸入基督, 真的好感動. 另一方面, 我亦可以在這一年煮到更多煮飯仔給我家人及團友享用, 圍住一齊食嘢一齊傾計係最美好時光.

在新一年, 祝大家新年快樂! 天天開心! 健健康康! 煮到更多好味餸菜大家互相分享.





Related Posts Plugin for WordPress, Blogger...