海南雞飯 (附食譜)

自從去過新加坡食過天天海南雞飯就一直念念不忘, 再加上我 Honey 好鍾意食海南雞飯. 而早前吾熟吾食 Gigi 姐就正正教大家煮海南雞飯, 所以今晚就嘗試學煮. 其實真係唔難, 而且煮出嚟雞好嫩滑, 雞飯唔油膩 (所以煮出嚟飯唔會油黃色). 薑蓉蘸汁都 OK! 唯獨紅椒蓉蘸汁比較辣咗d. 所以食譜中我減少了指天椒份量. 亦加了醃雞這程序.

 

嘻嘻.......好嘢! 以後可以隨時煮俾我 Honey, 家人及教友食啦!  ^^

開心大發現@awfully chocolate

 

  

相信大家都認識 awfully chocolate 這個牌子朱古力產品? 有無食個呢? 而對於朱古力迷嚟講應該唔陌生. awfully chocolate 是一間專買朱古力食品專門店. 包括有最出名朱古力蛋糕及雪糕. 我本人唔係一個朱古力迷. 再加上一件Cake價錢也不少, 所以我從未有買過來食.

 

但最近我咗 Circle K 便利店發現有 awfully chocolate 食品售買. 包括有朱古力, 曲奇餅及朱古力條. 而且價錢好低, 於是我就買了回公司做我日常小食. 嗯!.......試過後果然係好正. 朱古力味道好香濃, 不得不同大家介紹一下.

羅馬生菜鮮果沙律拌芒果醋 (附食譜)

天氣潮濕又暖咗好多, 自已好想食得清淡少少 (順便 Keep fit 嘛!) 所以整了一盆健怡沙律做晚餐. 帶有芒果味沙律醋好好味又開胃. Yummy! Yummy!

蔥花蝦仁炒蛋 (附食譜)

因我家 Honey 係鐘意食全熟蛋. 所以今次炒蛋係比較熟. 如果妳/你都喜歡食熟蛋咁就啱. (其實我係喜歡食嫩滑滑炒蛋).

黃背耳冬菇蒸雞 (附食譜)

家裏早前買了包黃背耳, 就決定今晚用嚟加埋冬菇一齊蒸雞做晚餐. 既方便簡單又健康. 黃背耳營養價值好高, 而且用佢嚟煮餸或煲湯都一樣咁好架.

麵醬豆腐炆排骨 (附食譜)

好快就會踏入 4月, 而天氣都無之前咁凍. 在街上見到多咗人開始穿得比較少 d, 但在這種天氣下, 大家仍然不要掉以輕心呀! 以免冷親.

今次煮呢個排骨用豆腐做主角, 我覺得應該會不錯, 果然係得架! (雖然個外觀無咁吸引). 而且食後感覺比較清淡d, 無咁油膩膩又健康.

迪士尼90週年慶典展覽@The One

前天去 The One 見到有大大個米奇公仔放置在露天廣場, 原來它們商場做緊 "迪士尼90週年慶典" 展覽.  在 UG2 中庭更放置了大型米奇,米妮及其它卡通人物造型. 個個造型都好可愛. 鍾意米奇朋友可以去睇吓影番張靚相.

日式燒肉汁@牛仔骨 (附食譜)

我好喜歡食牛仔骨, 肉質嫩滑又有好香牛味, 只係簡簡單單煎煮已經好好味, 今次我用日式燒肉汁來煮牛仔骨, 伴住汁料食一樣咁正!

材料

牛仔骨 (4 塊 - 每塊分3件)

調味料
日式燒肉汁 (約 3 湯匙), 黑胡椒 (少量), 海鹽 (少量)

做法
1) 牛仔骨解凍, 清洗乾淨, 抹乾水份, 備用.

2) 燒熱平底鑊落油, 下牛仔骨, 灑下黑胡椒及海鹽, 每面約煎 1 分鐘. 加入日式燒肉汁拌勻, 煮到合自己理想熟度就 ok啦!



來 Facebook 按 "讚好" 給我支持啦!



牛奶忌廉焗南瓜薯仔 (附食譜)

今日好想用牛奶來玩煮飯仔, 亦好想再食薯仔, 就決定來個法式煮法. 焗出來薯仔及南瓜都好 Creamy又香噴噴. 攪到我食唔停口. 雖然係比較肥膩啲. 但美食當前又怎能抗拒得到呢!  ^^

日式料理@洋蔥薯仔燉雞肉粒

已幾日無寫過 blog, 大家有無掛住我呢? 其實這幾天都係去咗外食. 與家人及朋友歡歡樂樂過了幾日.

 

但今日諗咗成日都唔知煮咩好. 只係去到街市見到啱心水食材就買咗先. 回到家忽然諗到不如用 "日式三寶" 來過日式料理都好喎! 結果話咁快就煮到個送飯一流好餸出嚟啦!

偷得浮生半日閒@The Coffee Academics

 

今日放了自已半天假期, 去休息吓! 輕鬆吓! 開心吓! 更去了我一直好想去位於銅鑼灣 The Coffee Academics 嘆吓咖啡!

蓮藕章魚綠豆紅蘿蔔西施骨湯 (附食譜)

 

上星期日煲了一個老火湯來袪濕清補一下, 宜家在超市買的湯包真係好方便, 一包已經有齊所需要煲湯材料, 只需加豬骨就能煲到過老火湯. 啱晒我呢d懶人.

學整餅 3@Mocha咖啡焗芝士餅

今晚又去咗 W Cake 學整餅, 呢個蛋糕焗出嚟芝士味好香, 味道好軟滑, 但 Mocha 咖啡味道就淡咗 d, 但整體來講都不錯. 而蛋糕面層是要拉花圖案的. 呢部份真係唔容易, 我就做得麻麻地. 但過程玩得好開心愉快. 食譜是 W Cake 提供的.

層層疊@蘆筍拌香煎鯰魚柳 (附食譜)

今日又繼續學習煎魚, 是的, 我真係對煎炸食物唔係好得, 唯有操練多d 啦! 總會有成功一日.

但......唉!........我真係無咩藝術創作細胞, 好想將碟餸排放得佢靚靚, 結果整咗個層層疊出嚟. 算罷! 懶得再諗點排法. 最緊要好食及食得飽飽. (嘻嘻......同自己揾藉口)

我家中無沙律醬, 只用了薄荷啫喱及茄汁伴食. 發覺用薄荷啫喱食都幾好味喎!

麵醬肉碎炒南瓜 (附食譜)

呢個係一個大人細路都會啱食又好送飯小菜. 是我以前食 Lunch 時跟小店老闆娘學的. 唔難煮好簡單, 又營養健康.

菠蘿鴨 (附食譜)

好奇怪! 我呢個禮拜成日個腦都出現 "菠蘿" 及 "鴨" 這兩種食材, 所以今晚嘗試自家創作這個餸菜. 只用簡單調味料來炆煮, 因唔想太濃味蓋過了新鮮菠蘿酸甜香味.

開心外食@Allegretto 咖啡店

這幾天都濛濛細雨又凍, 但都沒有影響我美好心情. 照舊去嘆我至愛咖啡, Allegretto 是我近來至愛去咖啡店, 好喜歡它們 3D 泡沫立體拉花咖啡, 亦好喜歡它們舒適環境. 每次店員都會隨心拉出不同動物公仔. 真係好可愛架! 仲好唔捨得飲呀!

奶奶生日飯@Pizza Express

今晚無玩煮飯仔, 因今日係我奶奶生日大喜日子, 當然出街食飯慶祝啦! 奶奶揀咗食西餐 Pizza Express. 這間餐廳 Pizza 及麵包真係好好味架! 環境有舒服. 侍應生服務有好. 因它們逢週一至週四都會有套餐供應. 我地點了一個 2人套餐 (包括有: 麵包, 沙律, Pizza, 汽水及甜品. 另我奶奶加了一個沙律就食到大家飽飽了.

甘荀冬菇炒雞柳絲 (附食譜)

成日心思思好想食冬菇, 又想食雞肉, 又想用日式3寶玩煮飯仔. 結果今晚煮了這個3C組合: 冬菇絲 +  甘荀絲 + 雞柳絲. 配合日式料理3寶: 醬油, 味醂及料理酒. 再添了鮮味蠔油, 一次過滿足晒我口味. 連 Honey 都極之讚賞這款餸菜. 嘻嘻.......有得咗喇!  

材料

甘荀 (1 條 - 切絲), 冬菇 (10 隻 - 切絲)
雞柳 (1 包 - 切絲), 蒜頭 (4 粒 - 切粒)

醃料 (雞柳)

生抽 (2 茶匙), 糖 (1 茶匙), 紹興酒 (1/4 茶匙)
薑汁 (1 茶匙), 油 (半茶匙), 生粉 (1 茶匙)

醃料 (冬菇)

生抽 (2 茶匙), 糖 (1 茶匙), 麻油 (半茶匙)

調味料

日式醬油 (1 湯匙), 味醂 (2 湯匙), 料理酒 (1 湯匙)
蠔油 (1 湯匙), 暖水 (約大半碗)

做法
1) 清洗乾淨雞柳絲, 抺乾水份, 用醃料醃約 30 分鐘.

2) 冬菇用水浸軟, 清洗乾淨及剪去菇蒂, 切絲, 用醃料醃約 30分鐘.

3) 甘荀去皮, 清洗乾淨, 切絲, 備用.

4) 燒熱平底鑊落油, 加入雞柳絲煮至微黃色, 就盛起隔油備用.

5) 燒熱平底鑊落油, 下蒜粒爆香, 加入冬菇絲及甘荀絲炒香, 用料理酒作贊酒, 加入日式醬油, 味醂及蠔油拌勻, 用暖水加蓋轉細火煮約 3 - 5 分鐘, 下雞柳絲拌勻煮至熟透, 就可盛起食用.



來 Facebook 按 "讚好" 給我支持吧!
facebook.com/moneyeekitchen



老少平安@豆腐蒸鯪魚肉 (附食譜)

老少平安, 這個名字確係無改錯名, 食落去滑溜溜感覺真係好正! 難怪大人小朋友都啱食. 我家奶奶見到不知幾鐘意.

為大家送上平平安安 ~ 豆腐蒸鯪魚肉

開心外食@北京老家

今日與同事到處揾地方食 Lunch, 無意中發現了這間 "北京老家" 餐館, 它們是一間專門食北京農家菜的餐館. 有套餐供應的. 選擇都好多, 價錢都算合理. 我地點了 "辣子雞丁客飯", "老家炒年糕", 及 "北京炸醬麵" 前頭兩個套餐食物味道都OK, 但 "北京炸醬麵"就麻麻地.

BBQ 版@焗蟹柳南瓜金菇菜

我好鍾意BBQ, 每年都會去玩幾次BBQ 樂, 而呢個 BBQ 餸菜在我家係好受歡迎, 亦係我呢位煮飯婆諗出嚟, 在家都可享受到 BBQ 樂趣, 及當我無時間煮飯亦唔知煮咩好時，佢就係我好幫手. 簡單快捷又美味. 大家都試下，大人細路都啱食架.