我的遊歷@新加坡

出發啦! 出發啦! 新加坡之旅今天出發啦!

這次旅行會橫跨2年, 即係由除夕夜開始 31/Dec - 3/Jan (共 4日). 感謝主! 在一年之尾為我預備了今次旅行. 由好早之前預訂機票酒店, 到安排整過行程都一切好順利. 而且今次在除夕夜出發這個主意係 Honey 想出嚟. 佢話想在海邊餐廳食住美食.一邊除夕倒數及欣賞煙花. 呵呵.........我當然冧爆啦! 亦好期待除夕夜的來臨.

開心外食@美心惹味雞煲

呢篇文章應該係再較早之時就要 post 出嚟, 但我次次都唔記得影相, 只係掛住食, 食完晒先記得要影相同大家介紹.

不過, 我今次記得啦! 立刻影在靚相先再慢慢食. 咁.........我講咗咁耐究竟食咗咩! 就係...............

感恩祭

 

今晚團契週會主題 "感恩分享會" 團友們一齊數算天父在各人身上的祝福,  這一年團友們在家庭, 工作, 兒女, 友情, 經濟及健康上等等..... 都面對好多困難及苦痛. 但因有天父陪伴保守.讓我們都能更靠天父渡過. 今日我們要一齊去感謝主! 讚美主! 作一個 "感謝祭" 獻給我們主基督.

 

完了聚會, 更有一位姊妹送上心意小禮物給我, 非常窩心又感動.

 

 

 

 



中日大混戰@火鍋餐

天文台宣佈由星期五開始又會非常寒冷, 大家都要穿多件衫保暖. 我就今晚已經打邊爐, 暖定身先啦!

今晚來過中日大混戰 (即係鴛鴦火鍋). 中式係用濃湯寶煮的魚湯 (貪佢夠晒方便), 日式係自家煮的 Sukiyaki 湯底.

Happy Family Day@聖誕節

 

 

開心聖誕假期開始了, 我就約了家人一起歡渡這日子, 首先一齊飲茶, 然後同姨甥仔女去公園玩樂, 繼而晚上我地就在家開大食會, 活動內容雖然好普通, 但當中充滿著 "愛"

其實要開心真係好簡單, 不一定要旅行或shopping. 只要係同你/妳最愛的人一齊渡過就已經好開心滿足.

Merry Christmas! 聖誕快樂!

各位 blog友, 聖誕快樂! 今天大家必定有好多開心又豐富節目.

但我覺得必定要多謝一位真神, 祂就是主耶穌, 因祂在平安夜晚上為我們降生, 因祂的大愛, 我們罪得著赦免, 更從祂得著喜樂及平安, 而且還有聖誕假期.

話梅醉雞翼 (附食譜)

 

繼續同大家分享冬至晚飯 "話梅醉雞翼" 食譜, 這個冷盤小菜係我最初學習煮飯仔時第一個學懂冷盤. 極之簡易又好味冷盤. 無論在任何場合聚會或季節都係一個大派用場美味食物.

枝竹羊腩煲 (附食譜)

 

我第一次煮的冬至晚餐特別為家人預備了一鍋暖笠笠羊腩煲, 盼望為大家送上 "家" 的温暖.  而且這亦是我家 Honey 至愛餸菜 (其實我發現好多男人都好鐘意食羊腩煲) 為了要讓羊腩煲更加入味, 我預早一晚就炆定佢, 留待第二晚食時就會好淋又入味. 親戚朋友們及Honey 好快就同我食晒啦.

冬至晚飯

 

昨晚冬至晚飯就在大家一連串笑聲中渡過. 其實今次亦係我由學煮飯仔以來的第一次煮冬至晚飯. 對我來講是一個好大挑戰 (心情就像一位學生面對考試一樣). 但當我見到大家都食得好開心又愉快, 及對我的廚藝讚賞時, 我就知道及格了, 對我嚟講真係好感動又開心. 好鐘意見到大家食得好投入樣子, 相信大家愛煮飯的人都會明白我的意思.

Happy 預備冬至晚飯中

 

今晚奶奶親戚朋友都會來我家做冬至, 由昨晚已經開始為今晚冬至晚飯忙過不停, 今早就去街市買埋其它煮飯仔材料, 就回家在廚房努力中, 幸好有Honey 幫手. 大家都係咪為今明冬至飯努力緊呀! 大家加油呀! 祝大家在忙碌煮飯仔中都享受到與家人朋友共聚天倫之樂.

麻辣雞煲 (附食譜)

天寒地凍, 最想食熱辣辣又暖笠笠食物, 今晚煮了一鍋 "麻辣雞煲" 與家人慢慢享受, 同場還加了一鍋 "魚湯火鍋"  因我家Honey 係唔食辣架, 但有唔可以用鴛鴦鍋, 唯有今晚整了兩個火鍋, 大家各自各精彩喇!

日式咖喱紅蘿蔔薯仔雞翼 (附食譜)

 

 

今晚因要探訪一位教友家人, 所以亦不能玩煮飯仔, 但在寒冬日子裡, 特為大家預備了一篇舊文章 "日式咖喱紅蘿蔔薯仔雞翼, 為大家送上温暖, 還有大家記住穿多件衫保暖.

開心外食聖誕餐@Baby Cafe

今日與好同事好友去在 Baby Cafe 食午餐, 預早慶祝我們聖誕節, 為在要坐到我們心意 "波波" 卡座位, 之前一日已經打電話訂坐了. 各人都點了一個 Set Lunch 及另加了 3 款甜品細細品嚐. 大家又食又講又笑, 過了一個好開心午飯時間.

開心外食@家傳滬曉

原本係諗住回家食飯, 結果............變咗出街食飯. 食我至愛上海菜. 去咗觀塘APM 家傳滬曉. 那裡環境佈置不錯, 服務亦OK.

食物方面點了: 酒糟豬手, 上海粗炒, 小籠包, 樟茶鴨, 饅頭宮保雞丁

之前兩樣食物都無影到相, 原因係.....我只掛住"食" 唔記得要影相呀!

這個是饅頭宮保雞丁, 在一個大饅頭中內有雞肉, 青黃椒, 松子, 味道不錯, 但欠缺了辣味, 少了一份惹味.

小籠包

樟茶鴨 - 好有鴨肉香味, 肉質一點都不"嚡" 

可以在它附上的包包夾住鴨肉一齊食

我Honey就將包包夾住宮保雞丁一齊食



努力地做 "功課"

今日整天都只係不停做 "功課" 連煮飯仔都無玩, 同 Honey 一路做一路研究一路笑哈哈. 咁.......究竟我地做緊咩 "功課" 呢??? 就等我話俾大家知喇!

聖誕靚景@Monchhichi 東港城

今年聖誕商場燈飾佈置, 除了海港城, 這個 "Monchhichi 聖誕(萌)遊世界" 亦係我的至愛, 為自己及大家影咗好多靚相呀! 大家都細細欣賞啦.



 

鹽麴可樂炆豬手

今天去到超市見到幾包好新鮮豬手, 就即買咗一包回家玩煮飯仔, 再加上早前看過 "Helen 的方家小廚" blog 內介紹用可樂炆豬手, 就好想回家都煮嚟食吓. 今次我自已煮時加了少少改良. 用了鹽麴來醃豬手先, 使它煮出嚟時更嫩滑, 但因時間關係如果能醃耐d時間會更好. 不過炆出來之後效果都好好又入味喎.

材料

豬手 ($25), 蒜頭 (3 粒 - 切粒), 乾蔥 (3 粒 - 切粒)

薑片 (共 6 片 - 3片汆水用, 3片爆香用)

醃料

鹽麴 (2 湯匙)

調味料

紹興酒 (1 湯匙), 生抽 (2 湯匙), 八角 (2 小粒), 香葉 (數片)
可樂 (1 罐), 暖水 (半碗)

做法

1) 豬手清洗乾淨, 凍水下薑片及豬手煲滾汆水, 盛起隔乾水份, 用鹽麴醃約 30分鐘 (能醃時間再長 d 會更好), 備用.

2) 燒熱氣壓煲落油, 下薑片, 蒜頭及乾蔥爆香, 加入豬手爆炒, 贊酒, 下生抽, 八角及香葉兜勻, 最後加入可樂及暖水, 用氣壓煲蓋蓋住, 當開始加壓就轉細火炆 20分鐘, 然後熄火待氣壓煲減壓後開蓋, 試味, 若夠入味及腍就可以盛起上碟, 或調較到自己喜愛濃度.  

愛心小貼士

1) 如果用普通堡炆煮約要 1小時, 豬手入味及腍就OK.

2) 豬手用凍水加熱汆水係可以保證血水不會留在豬手內.

3) 若豬手炆煮期間不夠水份, 可以加適量暖水補充.



鹽麴西芹炒雞柳絲

今次煮呢個餸我覺得顏色配搭得真係好柔和舒服, 而且今次亦是用了鹽麴來醃雞柳絲 (一般雞柳絲煮出嚟都比較 "嚡") 但用咗鹽麴真嫩滑好多, 若醃的時間能夠再長d 效果會更好.

材料
雞柳絲 (1盒 - 300g), 西芹 (4 條 - 切粒), 蒜頭 (3 粒-切粒)

醃料
鹽麴 (1 湯匙), 薑汁 (1 湯匙), 紹興酒 (半茶匙)

調味料
清雞湯 (5 湯匙), 暖水 (5 湯匙), 鹽 (少量), 糖 (半茶匙)

做法
1) 西芹清洗乾淨, 切粒. 雞柳絲清洗乾淨, 抹乾水份, 用醃料醃約30分鐘, 備用.

2) 燒熱鑊落油, 下雞柳絲煮至7成熟, 盛起備用.

3) 燒熱平底鑊落油, 加入蒜頭爆香, 下西芹炒勻, 贊酒, 加入清雞湯及暖水煮約 3分鐘. 加入雞柳絲炒勻, 下適量鹽及糖調味, 煮至熟透盛起食用.

至喜愛 "積及橙味朱古力餅"

今晚去 "A" 超市入貨, 無意中發現我童年至喜愛 "積及橙味朱古力餅" 現做緊優惠. 以往買開都要成$30蚊到. 但現在會員價是 $19.90 (8 件), 而非會員是 21.50 (8 件). 並且亦有另一味道提供 "積及提子味朱古力餅. 優惠期至 8/Jan/2014. 當我見到時就好想影底同大家分享 (當然我都有買啦!) 相信亦都有好多blog 友對這隻餅干好有興趣, 大家快d去選購啦.

 

簡易煎牛扒

明日要早起身, 所以今日唔想寫咁多嘢, 就 Post 個早前煎牛扒同大家享啦!

林料

靚牛扒 (3 塊)

調味料

黑胡椒 (適量), 鹽 (少量)

做法
1) 平底鑊下牛油, 在要煎牛扒那邊灑下黑胡椒及鹽煎 1 1/2 分鐘.

2) 在預備煎另一邊時同樣灑下黑胡椒及鹽, 然後反轉煎 1 1/2 分鐘, 就可盛起食用.
 

 

 

 

鹽麴洋蔥雞件

今晚又可以玩煮飯仔啦! 用咗現在人氣非常勁 "鹽麴" 來醃雞肉. 因為這次係我第一次用嚟醃肉類, 我想試清楚用 "鹽麴" 效果, 我只係加了薑汁一齊醃. 煮出嚟雞肉果然好嫩滑, 而洋蔥今次煮出嚟買相就麻麻地, 但佢吸收晒汁料非常好味呀!

材料
雞件 (10 件), 紫洋蔥 (1 個-切條), 蒜頭 (4 粒-切粒)

醃料
鹽麴 (1 1/2 茶匙), 薑汁 (1 湯匙)

調味料
清雞湯 (4 湯匙), 糖 (半茶匙), 暖水 (2 湯匙)

蠔油 (1 湯匙), 紹興酒 (半茶匙-贊酒用)

做法
1) 清洗乾淨雞件, 抺乾水份, 用醃料醃約30分鐘.

2) 燒熱鑊落油, 加入蒜頭爆香, 下洋蔥炒香, 加入雞件兜勻, 贊酒, 下清雞湯, 蠔油及暖水加蓋細火煮約 5分鐘, 下糖調味炒勻, 盛起食用.

 



 

 

 

 

 

感謝大家

哈哈…………好開心! 謝謝各位前來瀏覽我 blog 的朋友, 今日 Money EE Kitchen Blog 已經過了 10,000 人次瀏覽了, 自從因 Yahoo Blog 要執埋, 就搬家來到 Goolge Blogger 已有幾個月, 起初在這裏要重新學習研究什樣使用. 並透過 Google+ 擴闊了交友空間, 盼望大家繼續入嚟我 blog 支持我, 或留這傾吓計!

 

日式味噌湯烏冬

昨日早上回教會敬拜主之後, 就一整天都無出街了, 在家中努力 "做功課" 衹於做什麼 "功課" 稍後再同大家分享. 所以今晚晚餐就食得比較簡單. 煮了兩碗 "日式味噌湯烏冬" 給 Honey 及自已.

材料

肥牛肉 (10 片), 蟹柳 (3 條), 醬爆魚丸 (4 隻)

魚皮餃 (2 隻), 水餃 (1 隻), 雞脾 (1 隻)

湯料

味噌(1 1/2 湯匙), 醬油(4 湯匙), 味醂(3 湯匙), 水 (約1,500 ml)

做法

1) 解凍雞脾, 清洗乾淨, 另解凍肥牛肉, 備用.

2) 在一小鍋水中加入湯料, 煮滾後加入雞脾煮約 7分鐘, 加入醬爆魚丸, 魚皮餃及水餃, 當水再滾起時下烏冬, 肥牛肉及蟹柳煮熟, 即可盛起食用.

 

 

 

 

 



我的至愛 - BBQ 樂

昨日星期六同弟兄姊妹去咗西貢西沙路 "鄉村小廚" 任食BBQ, 過了一個好開心及休閒寫意一天 (BBQ 係我本人至愛活動). 其實這個 BBQ 場我都係第一次嚟. 它是一間家庭式經營任食燒烤店, 並同時經營小菜晚飯餐館.

食物方面大約有 30 款食物選擇, 都是一些大路食物, 例如: 腸仔, 丸類, 牛排, 豬排, 全雞翼, 魷魚, 蕃薯, 粟米, 菜, 牛油蒜蓉包等等..........食物味道都不錯. 亦都好新鮮. 全部整齊放在有蓋玻璃雪櫃中. 星期六價錢成人 $138/位 (包汽水１罐, 礦泉水１支). 但碳只提供1 包. 其後每包 $30. 沒有免費鍚紙供應. 建議大家自行預備.

西沙鄉村小廚地址: 西貢西沙路泥涌舊村No. 16A

大家有興趣可以click入以下網址瀏覽

http://www.yl.hk/cccbbq/i_bbq.htm

開心外食@Holly Brown 意大利雪糕

今日同朋友終於試咗 Holly Brown 的 Gelato 意大利雪糕, 我選了 "夏威夷甜心 Miss Sunshine" 內有士多啤梨雪糕 + 士多啤梨果肉 + 香蕉 + 餅乾碎. 雪糕好軟滑, 仲好大份 (因 Regular 與 Large 價錢只係相差 $6, 我同朋友就好自然選了Large) 但估唔到份量確係好大份. 它們會將雪糕放在以特製的冷凍板上, 配以不同的配料, 炒製出誘人的雪糕, 然後放在烘焙的窩夫餅上細細品嚐美味Gelato 雪糕.



就係放在這個特製的冷凍板上, 配以不同的配料, 炒製出誘人的雪糕, 然後放在烘焙的窩夫餅上.

 

聖誕靚景@時代廣場

今晚又專登出動影靚靚聖誕燈飾同大家分享, 今晚首先去咗蛇王二食蛇羹套餐做晚餐 (另一篇blog會分享), 然後來到時代廣場影靚相.

今年主題是 "趣怪聖誕森林" 是由阿根廷當代藝術家 Javier Gonzalez Burgos 把其作品從畫紙走出來, 為觀眾講一個趣怪的聖誕故事. 故事講述一個高大的女孩無意間闖入聖誕森林, 見到逾36隻古怪的動物, 其中一隻聖誕鹿更坐在她手上, 熱烈地奏樂. 卡通公仔造型好可愛, 有d 公仔仲會識得郁動. 大家都快d去同公仔影番d靚相啦!