豆瓣醬翠肉瓜炒豬腩肉片

雪櫃裏的翠肉瓜已存放了多天, 加上昨天買了一盒豬腩肉片但有未用過, 今晚我就將它們結合成一對最佳搭擋, 呵呵........果然無令到我失望, 呢對搭擋令到我家奶奶讚不絕口. 我自己亦都極之鍾意.

 

材料

翠肉瓜 1 個 (切粒), 豬腩肉片 1 包

豆瓣醬 1.5湯匙, 蒜頭 6 粒 (切碎), 乾蔥 1 粒 (切碎)

 

醃料

生抽, 糖, 紹酒,油,芝麻油,豆粉

 

做法

1) 翠肉瓜清洗乾淨切粒, 豬腩肉片用清水洗淨抺乾, 用醃料醃約15分鐘.

 

2) 燒熱平底鑊落油, 加入豬腩肉片炒香, 轉微黃色就盛起備用.

 

3) 用同一隻鑊落油, 下蒜蓉及乾蔥爆香, 加入翠肉瓜炒勻, 然後下豆瓣醬兜勻, 加入暖水加蓋煮1-2分鐘, 下糖調味, 再放下豬腩肉片兜勻加蓋煮約 2-3分鐘, 熄火盛起慢慢食用.