腐乳蒸雞翼

今個星期六/日都好忙, 無時間在家玩煮飯仔, 幸好昨晚回亞媽家食飯都有時間玩咗一陣煮飯仔. 呢個餸係我同事介紹給我. 是一個既簡單又開胃好餸. 大家都不坊在家試吓煮.

 

材料

雞翼 12 隻, 腐乳 5 - 6 磚, 糖 2 茶匙, 豉油 2 - 3 湯匙, 生粉 1 茶匙

 

做法

1) 雞翼清洗乾淨, 備用.

 

2) 將腐乳壓爛與豉油, 糖及生粉拌勻醃約20 - 30 分鐘.

 

3) 用一個鑊加入水及蒸架, 當水滾時將已醃雞翼放入鑊中蒸15 分鐘就成了.

 

 

愛心小貼士

1) 若想更加惹味, 可用辣腐乳蒸雞翼, 味道會更加 "So Good"

 

2) 我同事介紹我蒸呢個餸時提我要加 "薑絲", 佢話蒸出嚟之後d "薑絲" 吸滿腐乳味餸飯食非常一流, 但我昨晚忘記了. 若大家想煮嚟食記住加入 "薑絲" 嘞!