燒腩哥又嚟啦! (附食譜)

每逢有親戚朋友到訪飯局, 我多數都會揾燒腩哥 (燒腩仔) 來招呼大家, 佢好受歡迎架! 甚至有d 朋友之後都仍時時掛住佢. 問我幾時約大家再見燒腩哥. 不過, 我一直都無寫底食譜, 決定今次要寫底佢. 大家有興趣都可參考.

材料

五花腩 (1 大件), 薑 (3 片), 蔥 (1 條), 冰及冰水

醃料 

幼鹽, 紹興酒, 粗鹽

做法

1) 五花腩清洗乾淨, 用薑及蔥汆水, 然後立刻放入冰水中過冷河，直至五花腩裏外都涼浸浸就得.

2) 抹乾五花腩, 用眉鉗拔去剩餘豬毛 (記住要叫肉店老闆幫你件五花腩刮晒d毛), 用幼鹽及紹興酒均勻塗抺在五花腩醃過夜.

3) 焗之前1小時從雪櫃取出解凍, 抹乾五花腩水份, 在豬皮上均勻舖上一層約半吋粗鹽, 放入已預熱焗爐用 150 度火力焗 1 小時.

4) 從焗爐取出五花腩, 刮走粗鹽, 再放入焗爐用上火 200 度火力焗至豬皮金黃香脆, 然後取出靜待 10 分鐘, 切去燒腩肉底部, 切件上碟就食得了.



請來我 Facebook 專頁按 "讚好" 給我支持啦!