印尼黃薑飯 (附食譜)

Honey 在很久之前己經成日叫我煮黃薑飯俾佢食, 甚至買埋黃薑粉俾我, 但我就係無興趣去煮. 但突然上星期六勁想煮嚟食, 加上有教會朋友來晚飯, 咁就順道還下他心願喇! 其實我從來未煮過黃薑飯, 今次係憑以往睇過人家食譜及曾煮過海南雞飯的經驗來試煮的. 食後 Honey 及教會朋友都話好好味. 個個都添飯. 幸好煮多咗飯啫. (呵呵.........巧開心呀!~)

 
材料

白米 (3 嘜), 黃薑粉 (3 茶匙), 沙楠葉 (8 塊), 香茅 (2 支)

班蘭葉 (3 塊), 鹽 (約 3/4 茶匙), 椰漿 (100 ml)

做法

1) 香茅清洗乾淨, 切半, 用刀背拍篇, 備用.

沙楠葉及班蘭葉清洗乾淨備用, 班蘭葉要逐塊打結.

2) 白米洗淨, 先放入椰漿, 黃薑粉, 鹽拌勻.

3) 跟住放入香茅, 沙楠葉及班蘭葉. 按制煲飯, 當飯煮熟, 靜待15 分鐘.

4) 食用前取走香茅, 沙楠葉及班蘭葉, 將黃薑飯拌勻就可食用.

請入嚟我 Facebook 專頁按 "讚好" 給我支持啦!