玫瑰鍋@乾炒牛河 (無油版) (附食譜)

呵呵!........這碟乾炒牛河靚唔靚呀? 我係用我愛妃 (玫瑰鍋) 煮的! 煮時候真係一滴油都不需要用! 而且絕不會黏底. 味道當然巧得喇! 家人食得好滋味又健康. 

愛妃 (玫瑰鍋), 妳非常好好用呀! 繼續努力在我家服侍喇!

不用落油炒的乾炒牛河, 無論炒牛肉, 銀芽及河粉期間一直都無黏底情況出現. 超正呀!

材料

河粉 (4 人份量), 銀芽 (半斤), 牛肉 ($40 - 已切片)

醃料

 生抽 (1 1/2 湯匙), 黃糖 (1 茶匙), 油 (1 1/2茶匙)
生粉 (1 茶匙), 水 (2 湯匙 - 追少加入)

調味料 (* 調味可隨個人口味加減)
生抽 (2 1/2 湯匙), 老抽 (2 湯匙), 黃糖 (1 茶匙)

做法
1) 牛肉清洗乾淨, 抺乾水份, 用醃料醃約 20 分鐘, 備用.

2) 銀芽清洗乾淨, 盛起隔水, 備用.

3) 開中火, 下銀芽炒至軟身, 盛起備用.

4) 再開中火, 下牛肉炒至轉色, 就可盛起備用.

5) 再開中火, 下河粉炒一會, 再加入銀芽炒勻, 追少加入生抽, 老抽及黃糖調味, 最後加入牛肉兜勻, 就可盛起食用.


請入嚟我 Facebook 專頁按 "讚好" 給我支持啦!