梅子蒸冬菇排骨 (附食譜)

 
今次同大家分享這個蒸排骨, 可以話係我實驗菜或自家攪作, 未必每一位都會喜歡, 因為我特別加了冬菇一齊同蒸. 嗯!......當我與公司同事講晚飯我會煮梅子蒸冬菇排骨時都, 大家都覺得好奇怪, 用冬菇好似不太夾. 連我 Honey 食時都覺得冬菇只有酸咪咪梅子味道.

是的, 用梅子醬蒸了冬菇就只剩下梅子味, 蓋了冬菇香味, 但我覺得酸咪咪都幾特別, 我就食咗好多冬菇喇!

喜歡不喜歡係好講個人口味及感覺, 而我係一位好喜歡在烹飪中嘗試創新的人. 若妳/你都有興趣就不坊試吓!
 
材料

排骨 ($30), 鮮冬菇 (4 隻 - 切條)

醃料

李錦記梅子排骨醬 (2 湯匙), 麵豉醬 (1 湯匙), 生抽 (2 茶匙)
糖 (1 茶匙), 油 (少量)

做法
1) 排骨清洗乾淨, 抺乾水份, 用醃料醃約 30 分鐘, 備用.

2) 冬菇清洗乾淨, 去蒂及切條, 備用.

3) 水滾下鑊隔水蒸 13 分鐘, 就可盛起食用.



請來我 Facebook 專頁按 "讚好" 給我支持啦!