蘆筍伴燒肉汁白豚肉

越來越喜歡去吉市買肉頪, 尤其是豬肉類, 今次試了它們白豚肉, 味道嫩滑又夠肉味, 用佢嚟伴燒肉汁餸飯一流. 就算用佢嚟蒸餸都得架. 而且價錢有不太貴, 二人家庭 1包更可以分兩次食用都得.

 

材料

白豚肉 (1 包), 蘆筍 (半包), 蒜頭 (5 粒 - 切碎)

乾蔥 (1 粒 - 切碎), 日式燒肉汁 (約 1 1/2 湯匙), 暖水 (小半碗)

 

醃料:

生抽 (約1 茶匙) , 糖 (1 茶匙) , 紹興酒 (半茶匙) , 生粉 (1 茶匙)

 

做法

1) 清洗乾淨白豚肉, 抺乾水份, 用醃料醃約20-30分鐘備用.

 

2) 蘆筍清洗乾淨, 燒滾一小鍋水, 加入適量鹽及油, 下蘆筍煮約2-3分鐘, 盛起用凍水沖水, 備用.

 

3) 燒熱平底鑊落油, 下蒜頭及乾蔥爆香, 加入白豚肉炒香, 下日式燒肉汁拌勻, 加入暖水加蓋轉細火煮約5分鐘, 其間加入適量糖調味, 煮熟後就盛起食用.