木瓜栗子紅蘿白豬骨湯

已好耐無飲過住家湯喇! 今晚決定要煲番煲靚湯飲吓, 但日頭有要返工點可以煲到老火湯呀! 肯好我早前就揾在個新玩具返來我屋企幫我手. 佢就係......."意美廚氣壓煲", 呢個新玩具真係好幫得手, 只需45分到就有一煲靚湯飲, 而且煲出嚟湯非常清甜及滋潤, 啱晒我地各位女仕飲用, 當然男士都適合.

 

材料

大木瓜 (半個 - 切件), 栗子 (約 20 粒), 紅蘿白 (2 個 - 切粒)

粟米 (1 條 - 切件), 蜜棗 (3 粒), 煲湯豬骨 (1 包)

 

做法

1) 煲湯豬骨清洗乾淨, 用滾水汆水, 盛起備用.

 

2) 用氣壓煲燒滾一鍋水後, 加入以上所有材料, 然後蓋上氣壓煲蓋, 當氣壓煲開始加壓, 就調較細火煲30分鐘, 然後熄火待減壓, 當減壓完後開氣壓煲蓋, 改用玻璃煲蓋再煲15分鐘加鹽調味就可飲用.

 

 

佢就係我新玩具 "意美廚 22cm 氣壓煲 (4 公升 + 7 公升)"