日式西蘭花炒豬腩肉片

最近我勁愛上日式超市賣豬腩肉片, 一包約 $20 豬腩肉片份量都不少, 外型好似肥牛肉, 肉質鮮嫩, 用嚟炒各樣餸菜都得, 今次我就用佢煮了一個日式料理喇!

 

材料

西蘭花 (2 個 - 切件), 豬腩肉片 (1 盒)

蒜頭 (5 粒 - 切碎), 乾蔥 (2 粒 - 切粒)

 

醃料

生抽, 紹興酒, 糖, 胡椒粉,生粉 (各適量)

 

調味料

醬油 (3 茶匙), 味醂 (1 1/2 茶匙), 料理酒 (1 1/2 茶匙)

 

做法

1) 西蘭花切件清洗乾淨, 在滾水中加入鹽放入西蘭花汆水, 然後盛起放入冰水中, 冷卻後盛起備用.

 

2) 豬腩肉片清洗乾淨, 抺乾淨水份, 用醃料醃15分鐘.

 

3) 燒熱平底鑊落油, 下豬腩肉片炒至轉微黃色就盛起備用.

 

4) 再燒熱鑊落油, 下蒜蓉及乾蔥爆香, 加入西蘭花炒勻, 下料理酒炒勻, 加入豬腩肉片下醬油及味醂兜勻, 加蓋煮約 2 - 3 鐘就可享用.