焗豬肋骨

自從上次焗過豬肋骨後, 一直好回味那份燒烤香味, 今次我去了 "MP" 超市買了一塊大大豬肋骨再焗過. (話俾大家知 MP 呢塊豬肋骨好大塊好抵買, 只需約 $75, 我今次都只係用了 2/3 分量, 其餘部份就放在係冰箱下次再用.) 今次焗法係同上次有少少分別, 但效果一樣咁好.

材料
豬肋骨 (1 條)，原味燒烤汁 (約 4-5湯匙)
黑啤 (1 罐 - 用半罐就足夠)，豉油 (1 湯匙)，糖 (2 茶匙)
蜜糖 (2 湯匙)，乾蔥 (3 粒 - 切片)，蕃茄仔 (數量隨意 - 切半)

做法
1) 先將豬肋骨解凍, 洗淨抺乾水份, 均勻搽上一層豉油及糖醃1個鐘.

2) 之後落半罐啤酒, 加入約 2湯匙燒烤汁搽勻件豬肋骨, 再放上乾蔥用保鮮袋封住件豬肋骨放入雪櫃醃一晚.

3) 從雪櫃取出醃了一整晚豬肋骨解凍, 開焗爐220 度預熱, 用錫紙包住豬肋骨放入焗爐焗約 25 分鐘. 

4) 調製 2湯匙蜜糖 + 2湯匙燒烤汁撈勻做成 "蜜糖燒烤汁"

5) 然後拿開蓋面錫紙, 首先在豬肋骨表面均勻搽上一層原味燒烤汁放入焗爐焗7分鐘, 之後就用 "蜜糖燒烤汁" 均勻搽在豬肋骨上焗 7分鐘, 再取出搽 "蜜糖燒烤汁" 再焗 7 分鐘, 然後熄火讓件骨靜止放在焗爐約 5分鐘才取出, 放上碟上用蕃茄仔拌碟慢慢享用.