蘿蔔糕@婆婆秘方 (附食譜)

好快仲有兩個星期就到農曆新年, 今日我都跟媽媽學整了我一生第一個蘿蔔糕. 這個整蘿蔔糕煮法係由我婆婆盛傳給我媽媽, 今天就輪到我學了, 所以都算係我家的 "家傳秘方" 雖然外型不討好, 但我地一家人及親戚由細到大都好鐘意食架. 所以當我今日學煮時, 感覺好似婆婆又再與我一起. 這是一個充滿著 "愛回憶" 的蘿蔔糕.

材料

白蘿蔔 (3 斤 - 刨絲), 臘腸 (2 條 - 切小粒)
鴨膶腸 (2 條 - 切小粒), 蝦米 (半斤 - 去殼), 粘米粉 (300 g)

調味料

鹽 (1 茶匙), 雞粉 (2 茶匙), 粟粉 (6 茶匙)

做法
1) 白蘿蔔去皮, 刨絲 (最理是一半刨絲, 一半切絲), 留下白蘿蔔汁備用.

2) 臘腸及鴨膶腸隔水蒸 3-5分鐘 (主要是要它軟身), 切小粒, 下鑊爆炒約 2-3分鐘, 盛起備用.

3) 蝦米用水浸軟, 去殼, 熱鑊下油爆炒蝦米約 2 - 3 分鐘, 盛起備用.

4) 將白蘿蔔放入一個大空碗盤, 然後加入粘米粉, 臘腸, 鴨膶腸, 蝦米及調味料, 將全部材料拌勻, 然後加入約 2 湯匙白蘿蔔汁繼續拌勻.

5) 糕盤塗上油, 及在糕盤邊圍上鍚紙 (以防蒸熟的蘿蔔糕會留出外面), 然後加入己拌勻所有材料蘿蔔糕入糕盤, 要輕輕壓實, 再蓋上鍚紙封口.

6) 將蘿蔔糕放入蒸鍋中, 用中火隔水蒸1 時 30分鐘, 就可盛起放涼食用.