沙爹金菇菜炒雙瓜 (附食譜)

這幾天都有事情要忙, 都未有時間玩煮飯仔, 今晚一有時間就去玩吓先, 天寒地凍煮過沙爹來暖暖身. 呵呵........金菇菜吸滿晒沙爹汁非常惹味又開胃. 食完成個人暖笠笠!

材料
金菇菜 (1包), 青瓜 (1條 - 切小粒), 翠肉瓜 (1條 - 切小粒)

調味料
沙爹醬 (2 湯匙), 糖 (1 茶匙), 鹽 (少量)
紹慶酒 (半茶匙), 暖水 (約 5湯匙)

做法
1) 金菇菜用水浸一會, 清洗乾淨, 隔水備用.

2) 青瓜切去頭尾, 摩擦至出膠質, 清洗乾淨及切小粒. 翠肉瓜清洗乾淨及切小粒.

3) 燒熱平底鑊落油, 下沙爹醬炒香，加入青瓜及翠肉瓜炒勻, 再加入金菇菜同炒, 贊酒, 下暖水加蓋煮約5分鐘, 下適量鹽及糖調味, 盛起食用.