日式咖喱椰菜花

 每年臨近新年就會變得好忙(唔係忙整 "蒸糕 bell"), 已連續成個禮拜無玩過煮飯仔! 直至下星期仍然係無時間. 最快都要到年三十晚才有機會玩煮飯仔. 因要探訪教友家人, 上堂, 團契聚會及與家人, 朋友, 同事飲飲食食囉! (即係團年飯). 但我心情是輕鬆開心的.

發覺近日連寫blog 的時間都沒有了. 但又好想同大家繼續連結. 所以就找來一篇較舊文章同大家分享. 盼望大家都喜歡.

材料

椰菜花 (1 個 - 切件), 日式甜咖喱磚 (3 粒), 鹽 (適量)

做法
1) 清洗乾淨椰菜花, 將鹽及椰菜花放入滾水中拖水 3分鐘。撈起瀝乾水份備用.

2) 用一個鍋燒滾開水, 加入咖喱磚煮溶, 然後放入椰菜花煮約 8-10分鐘, 加入適量鹽調味就可享用.

愛心小貼士

若想食辣d, 可以加入咖喱粉與咖喱磚一齊煮溶, 然後繼續煮椰菜花, 味道就會變得更香濃及惹味.