直菇炒雞脾肉 (附食譜)

呢篇食譜是昨日晚餐餸菜.寫完我就要立刻去瞓啦! 因為好唔舒服 (感冒中), 再加上前晚成晚都睡得不好. 現在好攰好眼瞓!!! 各位晚安! Zzz.......zzzzZzzz

材料

雞脾肉 (約 $21 - 切絲), 韓國直菇 (3 個 - 切條)
蒜蓉 (3 粒 - 切碎), 乾蔥 (2 粒 - 切粒)

醃料
生抽 (1 湯匙), 糖 (1 茶匙), 紹興酒 (半茶匙)
麻油 (半茶匙), 生粉 (1 茶匙)

調味料
醬油 (3 湯匙), 味醂 (3 湯匙),
理料酒 (2 湯匙 - 贊酒用), 鹽 (少量)

做法
1) 雞脾肉清洗亁淨, 切絲, 用醃料醃約 30 分鐘, 備用.

2) 韓國直菇清洗亁淨, 切條，備用.

3) 燒熱平底鑊落油, 下蒜蓉及亁蔥爆香, 加入雞脾肉炒至金黃色, 加入直菇同炒, 贊酒. 加入醬油，味醂及鹽兜勻調味, 加蓋煮至熟透, 盛起食用.

愛心小貼士
通常菇類都會先汆水才煮食, 但我今次就無做到汆水, 利用了它本身會出的水來炆煮至食物熟透, 保留了汁味在食材中.


請來 Facebook 主頁按"讚好"給我支持啦!