鮮淮山炒雜菇 (附食譜)

 
現好流行用新鮮淮山嚟做煮飯仔食材, 今次我都嚟湊吓熱鬧用淮山來煮一個素菜. 本身淮山是無味道, 所以最好用醬料來調味就會好味好多. 而去皮時要戴手套, 因黏液會令人手痕.
  
淮山能防止心腦血管脂肪沉積, 有助於腸胃的消化吸收, 亦是一種天然的纖體美食, 具有高營養、低熱量的特點. 啱晒我呢 d 要減肥或追求健康人士食用.

材料

淮山 (5 條 - 切片), 直菇 (9 條 - 切片)
本菇 (1 包), 木耳 (1 飯碗), 蒜頭 (4 粒 - 蒜粒)

調味料

蠔油 (約 3 湯匙), 暖水 (約 50 ml), 鹽 (少量)
糖 (1/2 茶匙), 紹興酒 (半茶匙 - 贊酒用)

做法
1) 淮山去皮, 清洗乾淨及切片. 直菇清洗乾淨及切片. 本菇清洗乾淨. 將全部材料汆水備用.

2) 木耳用水浸發至大及軟身, 清洗乾淨, 備用.

3) 開火燒熱鑊落油, 下蒜粒爆香, 加入全部材料 (1 & 2) 炒勻, 贊酒, 下蠔油, 鹽, 糖及暖水兜勻, 加蓋細火炆煮約 2 - 3 分鐘就可食用.



請來我 Facebook 專頁按 "讚好" 給我支持啦!