蘋果雪梨粟米湯 (附食譜)

剛過去星期日約咗幾位教友來我家歡聚, 一邊食嘢, 一邊分享彼此近況, 無所不談, 確實巧 Warm 呀!

其中煲了這個生果湯, 係呀! 我稱呼佢做生果湯, 因為主要材料就係生果, 沒有加肉類, 但煲出嚟這湯水非常清甜滋潤.

材料

蘋果 (3 個 - 去芯及切件), 雪梨 (5 個 - 去芯及切件)
粟米 (2 條 - 切半), 百合 (約 1 飯碗份量)
南北杏 (約半飯碗份量), 蜜棗 (2 粒)

做法
1) 蘋果, 雪梨及粟米清洗乾淨, 去芯及切件, 備用.

2) 百合及南北杏清洗乾淨, 用水浸約 1 小時.

3) 用一個深鍋煲滾一大鍋水, 將所有材料倒進深鍋內, 待水再滾起時, 轉細火煲約 2 小時加適量鹽調味即成.



請來我 Facebook 專頁按 "讚好" 給我支持啦!