肉醬意粉 (附食譜)

 

聖誕節將到, 大家會不會約朋友開 Party 玩呢! 食物方面諗到煮咩未? 或許大家可以試吓這個簡易版肉醬意粉, 一定適合開 Party 時做主食. 我選用金寶湯系列 "香甜蕃茄醬汁" 就能好簡單煮到美味肉醬意粉. 超 Like!

 

 

材料

意粉 (4 人份量), 碎牛肉 ($29), 洋蔥 (半個 - 切碎)
小蕃茄 (3 粒 - 切半)

醃料

生抽 (1 湯匙), 糖 (1 茶匙), 水 (1 湯匙)

調味料

香甜蕃茄醬汁 (1 1/2 罐), 意粉水 (約 3 湯匙), 鹽 (少量)

做法

1) 碎牛肉清洗乾淨, 隔乾水份, 用醃料醃約 15 分鐘.

2) 燒滾一鍋水, 下油及鹽, 加入意粉跟著包裝烹煮時間將意粉煮熟. (但通常我會減少一分鐘, 煮出嚟意粉質感就最好了) 煮好後隔水盛起, 但要留起少少意粉水備用. 

3) 開火下油, 下碎牛肉煮至 8 成熟就盛起, 備用.

4) 再開火下油, 下洋蔥炒至軟身, 加入碎牛肉炒勻, 再加入意粉, 下香甜蕃茄醬汁兜勻所有食材, 期間可以下適量意粉水, 及下鹽調味, 煮熟就可盛食, 用小蕃茄拌碟裝飾, 就可享用美食了.

請來我 Facebook 專頁按 "讚好" 給我支持啦!