臘味煲仔飯 (附食譜)

 
各位, 聖誕節過得 Happy 嗎? 我就過得巧開心喇! 感恩在平安夜當晚佈道會上有人願意信主, 再加上幾日營會聚會同一班主內弟兄姊妹開開心心過了幾日. 而昨日就在家休息吓及玩吓煮飯仔, 過了一個平安開心假期.

 昨晚煮了我人生第一個煲仔飯, 呵呵......煮的時候好可怕會失敗, 結果煮出嚟非常好好味呀! 臘味汁料注入晒飯中, 飯都食多咗. Honey 就盡情嘆佢至愛飯焦. Yummy! Yummy! 

 
之前一直好想買一個瓦煲來煑煲仔飯, 結果俾我在實惠見到這個可愛瓦煲, 即係就帶佢返屋企了. 食住美味煲仔飯, 在望住這個可愛煲煲, 食都食得開心d啦!.......哈哈...... ^^
 
材料

白米 (約 2 杯), 臘腸 (2 條 - 切半), 臘鴨脾 (1 隻 - 切件)

 煲仔飯豉油 (份量隨意)

做法

1) 臘腸用暖水沖洗乾淨, 備用.

臘鴨脾用滾水灼 5 分鐘 (去咸味), 盛起隔水,備用.

2) 白米清洗乾淨, 加水蓋過白米 (比平時煲飯的水要多些), 然後靜待 10分鐘.

3) 開火用中火煲滾飯水, 當滾起後即轉小火煮飯 (期間要用筷子攪拌免米黏煲底), 在收乾水前加入臘腸(切半)及臘鴨脾用極細火煲約 12 分鐘. 然後熄火焗 10 分鐘, 最後將臘腸及臘鴨脾切件及加入煲仔飯豉油一齊享用熱辣辣煲仔飯喇!

請來我 Facebook 專頁按 "讚好" 給我支持啦!