日式炒麵 (附食譜)

有一次去食日本菜, 被安排坐在鐵板燒位置, 看見鐵板師傅即直炒日式拉麵, 感覺好似不太難, 即管試煮一下, 果然不太難, 只要跟足步驟, 我第一次都都成功 😋

炒麵醬味道是酸咪咪的, 非常好開胃易入口, 而且這款醬料仲可以用來做日式章魚小丸子及關西燒餅調味料 👍

材料

椰菜 (1 /4 個 - 切塊), 甘筍 (半條 - 切絲)

魷魚鬚 (3 隻), 日式拉麵 (5 個), 蒜頭 (4 粒 - 切粒)

醃料 (魷魚鬚)

海鹽 (少量), 胡椒粉 (少量)

調味料

炒麵醬 (約 7 湯匙)

椰菜 - 海鹽 (少量), 紹興酒 (2 茶匙 - 贊酒用)
魷魚鬚 - 紹興酒 (1 茶匙 - 贊酒用)

上圖:  日式拉麵, 它本身內附有醬料包, 比較偏咸. 我買時不知道內附醬料包, 一早己經買了下圖炒麵醬, 所以無用到.

下圖:  炒麵醬, 在 A 超市買的.

做法

1) 椰菜清洗乾淨, 隔水, 備用.

2) 甘荀去皮, 清洗乾淨, 切絲, 備用.

3) 魷魚鬚清洗, 切條, 汆水約 1 分鐘, 盛起隔水, 待乾透後, 用海鹽及胡椒粉醃勻備用.

4) 日式拉麵先輕輕用力鬆開一條條, 方便待炒煮.

5) 開火下油, 加入甘筍及椰菜炒香, 贊酒, 下海鹽 (少量) 調味, 煮熟就盛起, 備用.

6) 開火下油, 下蒜粒爆香, 加入魷魚鬚炒香, 贊酒, 煮熟透, 加入日式拉麵, 甘筍及椰菜炒勻, 加入炒麵醬快手炒勻煮熟, 就可盛起食用.


愛心小貼士
我媽媽教炒麵一定個鑊要好夠熱, 這樣就不用怕麵會痴鑊.

 請來我 Facebook 專頁按 "讚好" 給我支持啦!