忙碌了一個星期工作, 終於可以回歸廚房玩吓煮飯仔, 但唔知是不是工作做到個人癲咗, 竟然有點迷茫唔知煮咩好! 只見超市有一包特價又非常新鮮豬肋骨就快手買了先, 放工途中才有時間想想用焗煮法來烹調, 呵呵!......雖然醃製時間只有 20 分鐘, 但焗出來味道已經好入味, 勁有韓味 feel, 辣辣地夠晒香口惹味, Yummy! Yummy!
材料
豬肋骨 (6 件), 法邊豆 (1 包)
醃料
韓國醃肉辣醬 (3 1/2 湯匙), 生抽 (2 茶匙)
海鹽 (少量), 紹興酒 (1/2 茶匙)
做法
1) 豬肋骨清洗乾淨, 抺乾水份, 用醃料醃約 20 分鐘, 備用.
2) 法邊豆清洗乾淨, 放入有油及海鹽滾水中煮約 1 分鐘, 盛起放入冰水中過冷河, 然後盛起待乾, 放於碟中.
2) 法邊豆清洗乾淨, 放入有油及海鹽滾水中煮約 1 分鐘, 盛起放入冰水中過冷河, 然後盛起待乾, 放於碟中.
3) 焗爐預熱, 將已醃豬肋骨放入已掃油焗盤中, 放入焗爐用 200 度火力焗 10 分鐘 (期間要掃上醃肉汁料), 跟住將豬肋骨反轉, 掃上醃肉汁料用 200 度火力焗 10 分鐘 (期間要掃上醃肉汁料), 然後取出靜待約10分鐘放在法邊豆上放, 就可慢慢食用.
沒有留言:
張貼留言