清蒸龍躉 (附食譜)

上星期六有教友到訪, 立即去街市買餸, 見這條龍躉游得好生猛, 就決定買回家蒸熟來招呼教友.

冬菇雲耳蒸雞 (附食譜)

上星期六有教友來我家開飯局,  因某一些原因她已經好耐未食過住家飯, 所以其中一道菜是最經典 "冬菇雲耳蒸雞" 讓她感受下更多"家"的温暖.

奶奶慶生飯@甘牌燒鵝

 
上星期三晚同奶奶去了鏞記家族後人在灣仔區新開的 "甘牌燒鵝" 食 "燒鵝" 慶賀生日. 那裡燒鵝真係夠晒嫩滑入味, 又有鵝肉味. 它們是繼承袓傳方法來製作燒鵝的. 亦只注專做燒鵝及燒味食物, 所以食物品質非常有水準. 由於它們是走平民化路線, 所以價錢比鏞記平好多. 而它們製作燒鵝工場就在店舖後面, 所以店內座位空間就變得比較窄. 但我相信來這裡食飯的食客都不會介意的.

白酒大蝦扁恴粉 (附食譜)

自問煮西餐不是太懂得. 今次嘗試挑戰煮白酒大蝦意粉. 用了香草及白酒煮出來大蝦上湯. 意粉索滿汁料. Honey 話有八十分水準. 但我覺得只算合格, 仍有好多改善空間.

節瓜炆排骨 (附食譜)

 

前晚炆了節瓜排骨做餸. 只需炆 20 分鐘已經好入味. 食完飯仲有時間可以去散步. 天氣開始回暖, 係時候要郁動下喇!

冬菇馬蹄蒸肉餅 (附食譜)

 

昨晚家常菜煮了 Honey 至愛蒸肉餅. 今次用冬菇及馬蹄做餡料配肉餅. 菇味加埋清爽香甜馬蹄, 再拌埋汁料, 食下食下不自覺就成碟食清晒喇!

越南雞肉甘筍青瓜米紙卷 (附食譜)

星期六全日同 Honey 去拍咗, 真係好開心, 食咗好多美食, 去咗元創方睇在好多本港設計師自家創作品牌產品 (嚟睇睇相)

昨日都終於要回歸返到我廚房開工喇! 星期天比較多d時間就攪攪新意思, 學整越南米紙卷. 第一次整所以包得麻麻地. 用泰式雞醬做醬料. 食材主要都是瓜菜類, 味道好清爽, 亦好健康.

韓式泡菜炒豬肉 (附食譜)

昨晚煮咗個有 "韓味"家常小菜, 只要有泡菜及韓式辣椒醬就煮到. 奶奶極之欣賞, 我都好喜愛. 食時又令我想起上次去韓國開心事 (特別是當地美食)

椒鹽雞軟骨 (附食譜)

 
椒鹽雞軟骨用嚟做小食, 前菜或主菜都一樣咁 "和味 + 惹味" 最重要是非常易煮, 只需醃好放入焗爐, 轉頭就有得食. 而且用焗爐整比用油炸健康好多.

麻辣鴨舌 (附食譜)

WoW! 勁麻勁辣勁 high 呀! 這個佐飯一流 "麻辣鴨舌" 佢真係令我一家人好 high, 食唔停口! 可惜家中剛剛無晒啤酒, 如果有埋一齊食鴨舌肯定更加 "和味"

黃咖喱青口 (附食譜)

 今晚煮了一個香濃惹味黃咖喱青口, 仲加上好好味泰國紫圓茄一齊食, 好滿足的晚餐. 可惜買唔到檸檬葉及金不換同煮, 否則肯定泰式風味會更加香濃.

香蒜煎三文魚 (附食譜)

 
去到超市見有急凍三文魚賣, 諗下都好耐無耐煎過三文魚, 就買塊回家煎嚟食. 今次先加蒜頭爆香才煎, 令件三文魚食落更加香口.

蜜糖豆炒蝦仁 (附食譜)

 

今日推介一個健康小菜, 清清地都可以食得好開心, Honey 就好欣賞. 大家都鍾意嗎?

洋蔥汁豚肉 (附食譜)

今日天色麻麻地, 下雨有濕濕淋淋, 毫無生氣, 攪到個人都悶悶地. 不如煮個開胃菜讓自己及家人都開心吓, 洋蔥汁開胃好味, 大人小朋友都必定 "Like" 最緊要煮洋蔥時要有心機慢慢將它煮軟, 再加個調味汁就大功告成喇!

紅蘿蔔青蘿蔔薏米豬骨湯 (附食譜)

 
近排天氣非常好濕, 客廳抽濕機要不停開工, 佢仲忙過我地.
所以趁週日有時間就煲番個加了 "薏米" 袪濕湯飲吓, 加埋南北杏可以有止咳功效 (因早排感冒仍有幾聲咳), 紅青蘿蔔有滋潤功效. 煲出嚟湯水好清甜, I Like ar~

紅白蘿蔔炆豬軟骨(中式煮法) (附食譜)

一直都好想煮豬軟骨, 見週未有時間, 立刻去咗超市買包豬軟骨回家玩煮飯仔 (我住那邊街市或許太細, 揾唔到有豬軟骨買, 所以跟 blog 友教路去 Citysuper 買). 至於用中式煮法是 Honey 意思 (其實我係好想用日式煮法).

今次我專誠用明火炆煮, 因為我好想觀察用明火炆煮整個過程效果. 利用 "炆及焗" 方法, 炆到所有軟骨都好淋又入味, 連我奶奶牙力比較差 d 都食得好滋味,  Honey 亦好喜愛, 他仲講是他提議用中式煮法所以才咁好味. (啍!......下次我一定會嘗試用日式及韓式煮法, 睇下到時你有點講!!!)

韓汁蘆筍肥牛卷 (附食譜)

 

個人 FB 有好多朋友都好 Like 這個小菜, 既然大家都咁喜歡它, 就等我先介紹它出場. 煮這個小菜唔難, 但就要有耐性慢慢將蘆筍捲入肥牛肉內, 否則好難捲得靚. 其實都是工多藝術, 捲得多自然就會好靚靚 (其實我都未算係捲得最好, 仍然學習中!) 煎煮牛肉亦不需要煎得太熟, 否則會好硬及好嚡!

話梅車厘茄 (附食譜)

 

早前去一位教友家中團拜, 特意整了一個小食同大家分享. 我為它起了一個名字叫: 紅寶石. 粒粒都紅噹噹好靚. 就如紅寶石一樣耀眼. 這個小食是跟 "大少奶" 學的. 一點都唔難煮, 去車厘茄皮亦非常容易. 酸酸甜甜味道好醒晨. 做小食確實是一流. 只要妳調較好酸甜味, 浸一晚已好入味. 今次我就落少了一點白醋, 再加返少少會更好.

粉絲拌娃娃菜 (附食譜)

 
近排真係食得太多肉, 昨晚煮了個清清地小菜, 調理下腸胃及油膩感. 雖然清清地, 但索滿汁料粉絲及娃娃菜用嚟送飯同樣好好味架!

蓮藕炒肥牛肉 (附食譜)

 
開始要清清雪櫃過年期間剩餘食材, 見還有一小包急凍肥牛肉, 加埋蓮藕及日式醬料, 簡簡單單煮過餸又可以食得飽飽.

麻辣雞煲 (附食譜)

 

呵呵.........成功了, 終於煮到至愛麻辣雞煲. 其實舊年都嘗試過, 但不太理想. 今年再加多幾樣食材及改良煮法就成功了, 家人勁鍾愛, 仲話要 encore.當晚食完雞煲, 仲加埋雞湯來打邊爐, Yummy Yummy!

話梅醉雞翼@2015 賀年飯 (附食譜)

 

這個冷盤次次一出現必定成為最歡迎主角, 佢真係好得人心架! 我地仲會連汁都唔浪費, 用嚟撈冷烏冬食簡直一流!