2013年5月31日 星期五

墨魚滑菠菜湯

 
材料
菠菜 (1 斤), 墨魚滑 ($20)
 
調味料
鹽 (約半茶匙), 油 (半茶匙)
 
做法
1) 菠菜用水浸約10分鐘, 用水清洗乾淨, 備用.
 
2) 墨魚滑用保鮮袋袋住, 用手將它撻十數下 (煮出來墨魚滑就會好滑好彈牙)
 
3) 煲滾一鍋熱水, 下調味料, 加入菠菜及墨魚滑, 當水再滾起時轉細火煲 8-10分鐘, 熄火盛起食用.




2013年5月30日 星期四

炒東炒西

 
家中剩下一包即食炸菜及兩個燈籠椒(紅及黃色)已有幾天, 就用佢地嚟煮一個超簡單大雜會, 可惜Honey 喉嚨痛, 若果加埋幾隻辣椒一齊炒, 肯定更加惹味.

材料
即食炸菜 (1 包), 紅燈籠椒 (1 個), 黃燈籠椒 (1 個)
蒜頭 (2 粒 - 切碎), 乾蔥 (1 粒 - 切碎)

調味料
生抽 (半茶匙), 糖 (3/4 茶匙), 玫瑰露酒 (半茶匙)

做法
1) 熱鑊下油, 下蒜蓉及乾蔥爆香, 加入炸菜, 紅及黃燈籠椒炒勻, 下調味料兜勻, 炒熟後盛起食用.
 


2013年5月29日 星期三

北海道粟米汁雜菜煮雞脾肉

 
早前去吉市見到有呢款 "北海道牛乳粟米磚", 感覺好吸引, 就買了回家, 今晚終於有時間試吓新嘢. 嗯!.........好濃郁粟米味, 加了紅蘿蔔及粟米粒一齊煮, 味道好新鮮又唔會好cream. 我自己就用了好多粟米粒來餸飯喇! 大家不坊都可以試吓! ^^
 
材料
雞脾肉 (1 包 - 已切粒), 甘筍 (1 條 - 切片), 蘆筍 (10 條 - 切半)
牛奶 (200 ml), 蒜頭 (3 粒 - 切粒), 乾蔥 (1 粒 - 切粒)
罐頭粟米粒 (1 罐 - 隔水備用), 北海道牛乳粟米磚 (4 粒)
暖水 (約 400 ml)
 
醃料
生抽,薑汁,紹興酒,糖,油,生粉
 
做法
1) 清洗乾淨雞肉, 抺乾水份, 用醃料醃約 20-30分鐘.
 
2) 燒熱小鍋落油, 下蒜蓉及乾蔥爆香, 加入紅蘿蔔兜炒一會, 下雞肉炒勻, 然後注入暖水加蓋轉細火煮約10分鐘.
 
3) 加入粟米粒及北海道牛乳粟米磚攪拌煮約5分鐘 (其間要試味, 下適量鹽或糖調味), 最後下蘆筍及牛奶攪拌煮約5分鐘. 盛起食用.
 下圖是濃郁粟米味 "北海道牛乳粟米磚"



2013年5月28日 星期二

蠔汁洋蔥炒羊肉


呵呵...........見到 Honey & 奶奶食到唔停口又讚不絕口, 我就Happy 到又甜又冧又食到飽飽. 今次呢味餸係亂諗出嚟, 因為我唔想煮雞, 豬或牛, 咁咪諗煮羊囉, 但有諗揾咩配菜好呢, 我有唔想用京蔥, 咁就用洋蔥囉, 但估唔到原來洋蔥同羊肉係咁夾, 超級好味, 餸飯一流. 我一定會再Encore!!!
 
材籵
洋蔥 (1 個 - 切條), 火鍋羊肉片 (2 包)
蒜頭 (3 粒 - 切碎), 乾蔥 (1 粒 - 切碎)
 
醃料
生抽, 糖, 紹興酒, 麻油, 胡椒粉, 油
 
調味料
蠔油 (1 大茶匙), 鹽 (少量), 糖 (1 茶匙), 紹興酒 (半茶匙)
 
做法
1) 羊肉片解凍後, 用水清洗乾淨, 用醃料醃約20分鐘.
 
2) 燒熱平底鑊落油, 下羊肉片炒至轉色就可盛起備用.
 
3) 再燒熱平底鑊落油, 下蒜蓉及乾蔥爆香, 加入洋蔥炒至軟身, 下調味料兜勻, 炒到全部材料熟透就可盛起食用.
 
 

蒜蓉豆豉炒四季豆

 
我好鍾意食四季豆, 今次呢個煮法令我好有覺得去咗大排檔食嘢feel, 真的不錯! 我都想同大家推介吓呢隻 "淘大蒜蓉豆豉醬" 佢裡面有好香又入味蒜蓉豆豉材料, 用來煮小菜一流. 

材料
四季豆 (1 包 - 撕去老筋及切段 )
蒜頭 (4 粒 - 切碎), 乾蔥 (2 粒 - 切碎)

調味料
淘大蒜蓉豆豉醬 (1 湯匙), 鹽 (1/2 茶匙)
糖 (1 茶匙), 米酒 (1/2 茶匙)

做法
1) 四季豆清洗乾淨及切段, 然後汆水(約5分鐘), 盛起備用.

2) 燒熱鑊落油, 爆香蒜蓉及乾蔥, 加入四季豆炒香, 贊酒, 下淘大蒜蓉豆豉醬兜炒, 加大半碗水加蓋煮約 8分鐘, 下鹽及糖調味, 再繼續炒到熟透就可盛起食用.
 

 
 
 
 
 






2013年5月26日 星期日

日式蘿蔔芋絲燉豬腩肉片

材料
日本大根 (即係蘿蔔) (半條-切片), 豬腩肉片 (1 包)
芋絲 (只用了 5 粒), 薑 (2 片)
醃料
生抽, 糖, 紹興酒, 油
調料味
鰹魚粉 (1 包), 料理酒 (2 湯匙), 醬油 (2 湯匙)
味醂 (2 湯匙), 暖水 (約800 ml)
做法
1) 豬腩肉片清洗乾淨, 抺乾水份, 用醃料醃約15分鐘.
2) 大根去皮清洗乾淨切片, 煲一鍋滾水放下大根煮約 10分鐘, 撈起備用.
3) 再用一個深鍋下調味料煮滾後, 加入大根炆煮, 當水再滾起時轉小火煮約 5分鐘, 再下豬腩肉片及芋絲煮約5-8分鐘, 熄火盛起享用.
下圖是大根及芋絲





2013年5月23日 星期四

味噌蝦膠小唐菜

 
可能大家都會同我一樣, 平時滾菜湯都會係用清水, 清雞湯或濃湯寶做湯料, 但今次我好想玩新煮意, 用了 "日式味噌" 來做了一個湯底. 味道不錯, 大家都可以試吓.
 
材料
小唐菜 (半斤), 秀珍菇 (10 隻), 蝦膠 ($20)
 
湯底調味料
鰹魚粉 (2 包 - 10 g), 日式味噌 (1 大茶匙), 鹽 (少量)
 
做法
1) 小唐菜及秀珍菇清洗乾淨, 備用.
 
2) 燒滾一鍋熱水, 下調味料攪勻試味, 加入所有材料煲煮約 5-8分鐘, 就可熄火盛起食用.
 
 


2013年5月22日 星期三

豉汁蝦膠蒸豆腐


賣相唔靚 (其實係我整得佢唔夠靚仔) 但我 Honey & 奶奶都好鍾意, 我 Honey 仲話呢個餸可以用嚟招呼朋友. 而且呢個餸極之簡單易煮, 快快煮嚟同妳至愛家人食喇!

材料
百福蒸煮豆腐 (1 磚 - 切 8 件)
蝦膠 (1 包 - 不用全部用晒, 按豆腐面積大小決定用多少)

調味料
豆豉 (剁碎), 蒜頭 (剁碎), 糖 (少量)

做法
1) 豆腐一分為 8 件, 在上面塗少少生粉水, 將蝦膠放在豆腐上面. 再鋪上調味料.

2) 燒滾一鑊熱水放上蒸架, 然後放上豆腐蒸15 分鐘, 最後淋上熟油及蒸魚豉油(用生抽都得), 就可食用.
  
 
 

焗南瓜金菇菜


每次在家焗呢個餸, 就令我感覺好似BBQ中, 我諗大家都試過BBQ時用錫紙包住金菇菜, 蕃薯或粟米放在爐邊燒烤, 烤出來食物真係好好味. 今次呢個小菜都係類似BBQ型式, 亦都係一個好簡易餸菜, 絕無難度, 今晚大家都試吓!  ^^

材料
南瓜 (半個 - 約$10), 金菇菜 (3 包)

調味料
牛油, 鹽, 黑胡椒, 乾香草

做法
1) 金菇菜清洗乾淨, 隔水備用.

2) 南瓜去籽及去皮, 切件備用.

3) 預熱焗爐220度, 將牛油座溶與其餘調味料同南瓜及金菇菜伴勻. 用錫紙包住放入焗爐調較200度焗25分鐘, 取出打開錫紙慢慢享用.
 
 
 




2013年5月21日 星期二

蘆筍伴燒肉汁白豚肉


越來越喜歡去吉市買肉頪, 尤其是豬肉類, 今次試了它們白豚肉, 味道嫩滑又夠肉味, 用佢嚟伴燒肉汁餸飯一流. 就算用佢嚟蒸餸都得架. 而且價錢有不太貴, 二人家庭 1包更可以分兩次食用都得.
 
材料
白豚肉 (1 包), 蘆筍 (半包), 蒜頭 (5 粒 - 切碎)
乾蔥 (1 粒 - 切碎), 日式燒肉汁 (約 1 1/2 湯匙), 暖水 (小半碗)
 
醃料:
生抽 (約1 茶匙) , 糖 (1 茶匙) , 紹興酒 (半茶匙) , 生粉 (1 茶匙)
 
做法
1) 清洗乾淨白豚肉, 抺乾水份, 用醃料醃約20-30分鐘備用.
 
2) 蘆筍清洗乾淨, 燒滾一小鍋水, 加入適量鹽及油, 下蘆筍煮約2-3分鐘, 盛起用凍水沖水, 備用.
 
3) 燒熱平底鑊落油, 下蒜頭及乾蔥爆香, 加入白豚肉炒香, 下日式燒肉汁拌勻, 加入暖水加蓋轉細火煮約5分鐘, 其間加入適量糖調味, 煮熟後就盛起食用.
 
 


2013年5月16日 星期四

腐乳通菜炒鮮魷

 
材料
鮮魷 (1 隻 - 切件), 通菜 (1 斤 - 切半), 薑 (3 片), 腐乳 (3 磚)
 
(A) 調味料: (鮮魷)
生抽 (1 湯匙), 胡椒粉 (少量)
 
(B) 調味料: (通菜)
鹽 (少量), 糖 (約 1 茶匙)
 
做法
1) 鮮魷清洗乾淨切件, 放入滾水中汆水, 盛起用調料味(A) 醃約15分鐘.
 
2) 通菜切半用水浸約15分鐘, 然後清洗乾淨, 備用.
 
3) 燒熱鑊落油, 下薑片及腐乳爆香, 加入通菜炒勻, 贊酒, 加入鮮魷炒勻, 再下調味料 (B) 兜勻炒熟, 熄火盛起食用.
 
 
愛心小貼士
腐乳本身帶咸味, 要試味才決定下多少鹽及糖調味.

2013年5月15日 星期三

麵豉醬秀珍菇煮豆腐

 
材料
秀珍菇 (10 隻 - 切半), 百福煎炸豆腐 (1 盒 - 切 8 件)
麵豉醬 (1 包), 蒜頭 (5 粒 - 切粒), 薑 (3 片)
暖水 (約 1 - 11/2 碗水)
 
做法
1) 秀珍菇清洗乾淨及汆水, 盛起備用.
 
2) 燒熱平底鑊落油, 爆香薑片及蒜粒, 加入秀珍菇及麵豉醬炒勻, 下豆腐輕輕拌勻, 注入暖水加蓋煮約3-5分鐘, 然後加適量鹽及糖調味拌勻, 盛起備用.

愛心小貼士
麵豉醬本身是帶咸味, 必需要試味才決定下多少鹽及糖調味.


2013年5月14日 星期二

叉燒炒蛋


又係一個趕時間懶人餸, 但確係好方便又美味

材料
叉燒 ($20), 雞蛋 (6 隻)

調味料
鹽 (適量)

做法
1) 將叉燒切粒, 備用.

2) 雞蛋打勻, 用調味料拌勻.

3) 燒熱平底鑊落油, 下叉燒炒香, 加入雞蛋與叉燒兜勻, 煮熟盛起食用.
 

2013年5月10日 星期五

咸魚蒸肉餅


宜家超市對我地上班主婦嚟講真係一個好幫手, 就好似今次咁, 因趕住買餸返屋企煮飯, 但有無時間切切剁剁, 就用佢地現成整好豬肉餅, 只需返到屋企加d醃料就能好快煮好一餐飯餸. 真係好方便.
 
材料
咸魚蒸肉餅 1 包
 
醃料
生抽, 鹽, 糖, 麻油, 胡椒粉, 油, 生粉
 
做法
1) 將所有醃料與肉餅拌勻, 將咸魚放在肉餅上, 醃約20-30分鐘.
 
2) 在燒滾水中放入蒸架, 將肉餅放在蒸架上加蓋蒸15分鐘就可食用.
 




2013年5月8日 星期三

香草蕃茄豬排

我 Honey 係非常好鍾意食豬排, 成日叫我煮俾佢食, 但其實我好怕, 因我覺得要煎一塊好靚豬排實在好難, 但我有唔想因此放棄, 我好相信只要多多練習, 總會有成功一天. 今次就距離成功有近咗一步. 酸酸甜甜蕃茄醬汁配豬排用嚟餸飯一流. 呢隻金寶香甜蕃茄醬汁確係一款煮中餐或西餐好幫手, 只要煮熱佢就可以配搭唔同食材. 值得大家嘗試.
材料
豬排 (4 件 - 切半), 洋蔥 (1 個 - 切條), 蒜頭 (2 粒 - 切粒)
金寶香甜蕃茄醬汁 (1 罐), 暖水 (約半碗), 香草 (半茶匙)
醃料
生抽 (約 1 湯匙), 薑汁 (3 茶匙), 鹽 (適量)
紹興酒 (1 茶匙), 胡椒粉 (少量)
做法
1) 豬排清洗乾淨抺乾水份, 用刀背剁鬆, 用醃料醃約20-30分鐘.
2) 燒熱平底鑊落油, 下豬排煎至兩面轉金黃色, 盛起備用.
3) 再燒熱平底鑊落油, 下蒜粒及洋蔥爆香, 加入豬排炒勻, 下香甜蕃茄醬汁及香草兜勻, 注入暖水加蓋轉細火煮約3-5鐘, 下適量鹽及糖調料, 熄火盛起食用.
就係呢個 "金寶香甜蕃茄醬汁" 大家認住佢喇!


木瓜栗子紅蘿白豬骨湯


已好耐無飲過住家湯喇! 今晚決定要煲番煲靚湯飲吓, 但日頭有要返工點可以煲到老火湯呀! 肯好我早前就揾在個新玩具返來我屋企幫我手. 佢就係......."意美廚氣壓煲", 呢個新玩具真係好幫得手, 只需45分到就有一煲靚湯飲, 而且煲出嚟湯非常清甜及滋潤, 啱晒我地各位女仕飲用, 當然男士都適合.
 
材料
大木瓜 (半個 - 切件), 栗子 (約 20 粒), 紅蘿白 (2 個 - 切粒)
粟米 (1 條 - 切件), 蜜棗 (3 粒), 煲湯豬骨 (1 包)
 
做法
1) 煲湯豬骨清洗乾淨, 用滾水汆水, 盛起備用.
 
2) 用氣壓煲燒滾一鍋水後, 加入以上所有材料, 然後蓋上氣壓煲蓋, 當氣壓煲開始加壓, 就調較細火煲30分鐘, 然後熄火待減壓, 當減壓完後開氣壓煲蓋, 改用玻璃煲蓋再煲15分鐘加鹽調味就可飲用.
 
 
佢就係我新玩具 "意美廚 22cm 氣壓煲 (4 公升 + 7 公升)"

 
 
 

2013年5月6日 星期一

謝謝大家 ^^


歡欣, 心裡感謝神! 歌唱, 歸於天父!
 
真的感謝主! 亦感謝過去各位來看我 blog 朋友, 今日累積瀏覽終於突破10,000人次, 對我嚟講, 實在太感動又開心.
 
老實說, 我知道自己寫blog其實係好差, 文筆不流暢, 又成日寫錯字, 有時甚至連開場白都懶得寫, 只係 post了食譜就算, 完全同大家無任何交流. 相片亦影得麻麻地. 但你們仍不介意入來欣賞及留言, 真的好感謝大家.
 
我會繼續努力煮多d 好餸同大家分享交流. 希望日後大家都繼續來我blog 瀏覽喇!
 




2013年5月2日 星期四

沙爹雞柳翠肉瓜


材料
翠肉瓜 (1 條 - 切粒), 雞柳 (1 包 - 切條)
蒜頭 (4 粒 - 切粒), 乾蔥 (1 粒 - 切粒), 暖水 (半碗)

醃料
生抽, 胡椒粉, 糖, 油, 生粉

調味料
沙爹醬 (3 大茶匙), 糖 (1 茶匙), 鹽 (半茶匙)

做法
1) 雞柳清洗抺乾切條, 用醃料醃約15分鐘, 備用.

2) 翠肉瓜切粒, 備用.

3) 燒熱平底鑊落油, 下蒜蓉及乾蔥爆香, 加入翠肉瓜炒勻, 然後下雞柳兜勻, 加入沙爹醬炒香, 注入暖水加蓋煮約5分鐘, 下糖及鹽試味, 再加蓋煮約5分鐘, 然後開蓋煮到收汁, 熄火盛起食用.
 

 

Related Posts Plugin for WordPress, Blogger...