日式炒麵 (附食譜)

有一次去食日本菜, 被安排坐在鐵板燒位置, 看見鐵板師傅即直炒日式拉麵, 感覺好似不太難, 即管試煮一下, 果然不太難, 只要跟足步驟, 我第一次都都成功 😋

炒麵醬味道是酸咪咪的, 非常好開胃易入口, 而且這款醬料仲可以用來做日式章魚小丸子及關西燒餅調味料 👍

啡蘑菇牛肉絲炒烏冬 (附食譜)

 一碟內有齊肉類, 菇類及主食烏冬. 香口入味, 好輕易又攪掂家人個肚仔 👍😋

啡蘑菇粟米雞飯 (有味飯) (玫瑰鍋煮意) (附食譜)

自家創作 "有味飯" 巧成功呀! (太開心 ^^)
我本人食嘢係好講個 "感覺" 一諗到就要食, 就剛過去星期日突然好想食有味飯, 個腦就彈出以下食材, 就決定嘗試創作煮鍋來食.

煮的過程不複雜, 當煮好打開鍋蓋那一刻, 就傳來香噴噴啡蘑菇及雞香味, 每一口飯都夠晒鮮甜入味, 雞肉有夠嫩滑, 仲有少少飯焦香, 啱晒 Honey 心水, 家人個個都有添飯呀! (實在太有成功感喇!)

玫瑰鍋@香滑雞粥 (附食譜)

復活節假期時, 只簡簡單單煮了一鍋雞粥及炒米粉作為午餐, 享受一下悠閒午飯時間. 家人亦非常捧場不停添食這鍋雞粥, 感恩無白費我專誠早點起身來煮給他們食. 

臘腸蒸雞飯 (電飯煲版) (附食譜)

哈哈!.......懶人版煲仔飯煮好喇! 香噴噴又多汁, 不用好耐已全部掃清. Honey 及奶奶話好味過街外餐廳食的. 嘻嘻!.......有人讚當然開心. 但對於又要工作亦要負責煮飯師奶仔來講, 簡單易煮又能煮出來好好味得家人喜愛先至係最開心地方. 大家認同嗎?

香蒜帶子蘑菇意粉 (附食譜)

最近與教會弟兄姊妹完了團契聚會就會去一間西餐食晚飯及相交. 每次我都會點同一款香辣帶子意粉, 因為覺得非常好味. 所以就趁假日自煮了一款 "香蒜帶子蘑菇意粉" (是不辣的, 因 Honey 唔食得辣) 香蒜及煙肉香味配合得好好, 帶子用牛油加細火煎煮香嫩美味. 好快就食清喇!

印尼黃薑飯 (附食譜)

Honey 在很久之前己經成日叫我煮黃薑飯俾佢食, 甚至買埋黃薑粉俾我, 但我就係無興趣去煮. 但突然上星期六勁想煮嚟食, 加上有教會朋友來晚飯, 咁就順道還下他心願喇! 其實我從來未煮過黃薑飯, 今次係憑以往睇過人家食譜及曾煮過海南雞飯的經驗來試煮的. 食後 Honey 及教會朋友都話好好味. 個個都添飯. 幸好煮多咗飯啫. (呵呵.........巧開心呀!~)

西班牙海鮮飯 (附食譜)

 
上星期六有親戚到訪, 試煮了兩個新菜, 有西班牙海鮮飯及香草焗鴨, 親戚們都好滿意食物, 大家有講有笑食得好開心. 西班牙海鮮飯其實唔難煮, 只要按步驟去煮, 加上愛心, 細心, 留心, 耐心就一定成功.

日式味噌湯鍋燒鳥冬 (附食譜)

寒冬下都係食d熱辣辣食物最温暖, 相信大家都同我一樣有同感. 今次介紹用日式味噌煮鍋燒餐. 好味, 夠特色, 又飽又暖胃. 天文台已經表示今晚氣温又會再下降, 大家就煮番一鍋暖吓喇!

鮮蕃茄湯米粉 (附食譜)

食完美味吉列龍脷柳, 今晚要食得健康 d 啦! 所以煮了過清淡少少湯米粉做晚餐. 湯底是用新鮮蕃茄煮的. 夠晒健康又飽飽.

日式味噌湯烏冬

昨日早上回教會敬拜主之後, 就一整天都無出街了, 在家中努力 "做功課" 衹於做什麼 "功課" 稍後再同大家分享. 所以今晚晚餐就食得比較簡單. 煮了兩碗 "日式味噌湯烏冬" 給 Honey 及自已.

材料

肥牛肉 (10 片), 蟹柳 (3 條), 醬爆魚丸 (4 隻)

魚皮餃 (2 隻), 水餃 (1 隻), 雞脾 (1 隻)

湯料

味噌(1 1/2 湯匙), 醬油(4 湯匙), 味醂(3 湯匙), 水 (約1,500 ml)

做法

1) 解凍雞脾, 清洗乾淨, 另解凍肥牛肉, 備用.

2) 在一小鍋水中加入湯料, 煮滾後加入雞脾煮約 7分鐘, 加入醬爆魚丸, 魚皮餃及水餃, 當水再滾起時下烏冬, 肥牛肉及蟹柳煮熟, 即可盛起食用.

 

 

 

 

 



暖笠笠的日式湯麵

 

這幾天病了, 除了要逼住食 "粥" 另外食得最多就係烏冬或蕎麥麵. 今晚就煮了一個簡單又暖笠笠日式湯麵給自己.

 

材料

蕎麥麵 (1 扎), 中華海帶 (1 Pack - 份量隨個人喜愛多少)

濃縮昆布麵汁 (約 3 湯匙), 清水 (約 1 碗半水)

做法

1) 煲一鍋滾水, 下蕎麥麵煮 3分15秒, 然後撈起備用.

2) 用一個小煲下濃縮昆布麵汁煮熱, 然後將麵汁倒在湯碗內, 加入己煮熟蕎麥麵及中華海帶就即可享用.



 

"濃縮昆布麵汁"

終於要食"粥"

今日我終於要食 "粥" 了. 上次食完d葯未有好轉, 反而仲差咗. 連已經 "N" 年未試過發燒的我. 今日都發燒!!! 個人就身無力好攰, 個胃又好痛, 頭又赤痛. 希望今次d葯能有效, 好快康復.

 

自煮 "病人餐"

今日終於打敗仗病了! 感冒 + 腸胃炎, 最憎食葯時間又到. 唉........無辨法!!! 周身骨痛又無力, 條腸抽住抽住唔舒服. 都係要乖乖地休息及食葯, 但我仍堅持唔會食 "粥" 最唔鍾意食粥, 除非係病到死下死下. 所以我今晚自煮了一個 "病人餐" 給自己食.

材料

稻庭手打烏冬 (1 個), 水餃 (5 粒)

湯底料

日式鏗汁粉 (1 包), 味噌 (1 大茶匙), 鹽 (少量)

做法
1) 燒滾水下日式鏗汁粉及味噌煮滾, 加入鹽調味.

2) 加入水餃煮2分鐘, 最後下稻庭手打烏冬煮2分鐘, 就可盛起享用.

 



日式味噌

日式鏗汁粉



日式料理南瓜蕃茄手打烏冬湯

今晚食湯烏冬, 但湯底係用日式料理, 南瓜及蕃茄煮出嚟, 所以特別清甜, 烏冬同湯都一齊食埋飲埋呢.

材料
南瓜 (半個) (半份做湯底-切粒, 另半份做食材-切片)

蕃茄 (4 個 - 切件), 雞件 (6 件), 蝦仁 (120 g)
大白菜 (半個), 魚蛋 (6 粒), 獅子狗魚蛋 (3 條 - 每條切 3 件)
稻庭手打烏冬 (3 個)

醃料

雞件: 生抽 (2 茶匙), 糖 (1 茶匙), 鹽 (半茶匙)

紹興酒 (半茶匙), 麻油 (半茶匙)

蝦仁: 鹽 (少量), 胡椒粉 (少量)

湯底調味料

日式鰹汁粉 (2 包), 味噌醬 (1 大茶匙)

南瓜 (切粒), 蕃茄 (切件), 水 (一大鍋)

做法
1) 雞件及蝦仁都清洗乾淨, 抺乾水份, 各自用醃料醃約20分鐘.

2) 南瓜, 蕃茄及大白菜清洗乾淨, 切件及切片, 備用.

3) 燒熱一鍋滾水, 加入湯底調味料煮約20分鐘, 下少量鹽調味.

4) 加入雞件, 蝦仁, 大白菜, 魚蛋, 獅子狗魚蛋及南瓜(切片)煮熟, 再下稻庭手打烏冬煮 2分鐘, 就可熄火盛起食用.

 

製作中湯底

 



熱騰騰的日式湯麵

 

好喜歡今晚晚餐, 雖然係好簡單, 買相亦好普通, 但食緊時真的會有一種感覺好像身在日本家庭或日式餐廳中, 有好濃濃日本 feel 味, 超 Like!!! 

 

材料

簥麥麵 (3 扎), 日式魚蛋 (10 塊) , 日式蟹柳 (6 條)

調味料
日式濃縮昆布麵汁 (100 ml), 暖水 (600 - 800 ml)

做法
1) 煲一鍋滾水, 下蕎麥麵煮 4 分鐘, 然後撈起, 用凍水過冷河,隔水備用.

2) 另預備一小鍋滾水, 將日式魚蛋及蟹柳煮熟, 盛起備用.

3) 用一個小煲下濃縮昆布麵汁煮熱, 然後將麵汁倒在湯碗內, 加入己煮熟蕎麥麵及日式魚蛋及蟹柳就可享用一碗熱騰騰湯麵.

 

 

甜甜烏冬湯麵 (病人餐)

 

由於煮飯婆 (即係 "我") 病了, 需要食得清淡d, 但呢位煮飯婆唔係一個好鍾意食白粥嘅人, 所以佢自家整了一個 "清淡" 病人餐食, 用了好多紅蘿蔔煮了一個清湯, 味道 "清清甜甜" 非常開胃好味.

 

材料

甘筍 (2 條 - 切片), 水餃 (4 粒), 烏冬 (1 個)

 

做法

1) 甘筍去皮, 清洗乾淨, 切片, 備用.

 

2) 用一個小鍋注入清水, 水滾後加入甘筍煮約15分鐘, 下適量鹽調味, 加入水餃煮約5分鐘.

 

3) 最後加入烏冬煮約 2-3分鐘, 熄火盛起慢慢食用.



日式 Sukiyaki 火鍋

唉!................好懶, 非常懶, 由過年到宜家妳都無好好寫過Blog, 妳仲要懶到幾時呀? 唔該妳勤力d喇!!!

相信大家都估到話佢好懶係邊過, 咪就係 "我" 本人囉! 由新年到宜家只係出過兩篇Blog,所以今晚無論如何我都要post 番啲食譜上Blog 先得.

今晚我試整了一個日式 Sukiyaki 火鍋, 係我之前睇過 "鬼嫁" Blog, 然後跟住學整架, 果然簡單又好好味, 只要屋企有 "三寶" 就能做到日式火鍋.

材料: (4 人份量)
肥牛肉 (1 盒), 豬肉片 (1 盒), 椰菜 (1 個), 金菇菜 (2 包)
獅子狗卷 (1 包), 芋絲 (1 盒), 蟹柳 (6 條), 貢丸 (數粒)

水餃 (5 粒), 豆腐 (1 盒), 烏冬 (3 個)

Sukiyaki 火鍋湯底

鰹汁粉 (2 包), 日本豉油 (7 湯匙)

味醂 (5 - 6 湯匙), 水 (約1200 ml)

砂糖 (約 2茶匙, 但我無加到, 因我己經覺得好夠味)

做法

1) 將椰菜及金菇菜清洗乾淨及切件.

2) 用一個鍋加入清水, 當水滾起時加入鰹魚粉, 豉油及味醂拌勻, 然後試試味道是否OK, 跟住加入豆腐及椰菜煮一陣後, 就將鍋子放在電子爐上, 加入其它食材慢慢 "拾下拾下" 享用.

 美味火鍋食物

以下就係日式Sukiyaki火鍋 "三寶" (鰹汁粉, 日本豉油, 味醂)

愛心小貼士

1) 日本豉油及味醂是可以隨個人喜好加減.

2) 記住放食物入火鍋湯之前, 要先試好味道是不是妳自己喜歡濃到才加入食物煮熟.


意式雜菜牛肉通心粉湯

Honey 好鍾意飲羅宋湯, 亦都好喜歡食通心粉, 他時時會開一罐羅宋湯+通心粉做小食. 但罐頭食物始終不夠健康. 今晚我就做了一個既健康又益養豐富晚餐給他. 而且在寒冬晚上食住佢確實係好温暖.

材料
安格斯牛肉 (1 盒 - 切粒), 洋蔥 (1 個 - 切粒或切條)
甘荀 (1 條 - 切粒), 西芹 (3 條 - 切粒), 蒜頭 (4 粒 - 切碎)
意大利蕃茄粒 (1 罐), 紅腰豆 (半罐), 雞湯 (約 2 杯 - 500 ml)
暖水 (約 3 杯 - 750 ml)

做法
1) 牛肉清洗乾淨抺乾, 用黑胡椒醃勻備用.

2) 打開紅腰豆罐頭蓋, 倒去罐中鹽水, 用水沖洗瀝乾備用.

3) 燒熱鑊落油煎至牛肉金黃色. 取出備用.

4) 預備一個鍋落油, 爆香洋蔥炒至軟身, 下蒜蓉爆香, 加入甘荀及西芹炒勻煮約 3 分鐘. 下蕃茄粒, 雞湯及暖水, 當湯汁滾後煮約 5 分鐘. 加入紅腰豆及通心粉煮熟. (跟通心粉包裝時間指示煮熟, 但切勿煮得過久淋晒) 然後就可以同心愛人一齊享用嘞! 

 

 

煮了一大鍋益養豐富又健康通心粉湯, 一家人食完後既飽足又温暖.

 

 

海帶昆布湯蕎麥麵

因這星期六公司要搬新 Office, 攪到我忙到嘔!!! 昨晚 OT 到8:00pm 才收工. 回家中途中好想食蕎麥麵. 就走咗去吉市買了一支濃縮昆布麵汁及一 pack 中華海帶番屋企煮了碗熱辣辣 "海帶昆布湯蕎麥麵"

材料
蕎麥麵 (1 扎), 中華海帶 (1 Pack - 份量隨個人需要)
濃縮昆布麵汁 (半碗飯碗 + 約 1碗半飯碗暖水)

做法
1) 煲一鍋滾水, 下蕎麥麵煮 3分15秒, 然後撈起備用.

2) 用一個小煲下濃縮昆布麵汁煮熱, 然後將麵汁倒在湯碗內, 加入己煮熟蕎麥麵及中華海帶就即可享用.

 

樓下呢支就係 "濃縮昆布麵汁"