被逼遷

 

今日收到一個 "噩耗" 就 係 Yahoo Blog 將於在 26/Dec 關閉服務!!!

 

太突然啦! 點解你要咁做呀? 人家一直係你到好好地, 你做咩突然話 "唔玩" 呀!!!

 

我本身用咗 Yahoo Bldg 一段不算太長日子, 現在叫比較能掌握用 blog 技巧, 而且亦都好喜歡同人分享自已飲飲食食.

 

若果呢到無得再寫blog, 我要去邊到寫呀? 我唔想就咁停咗! 有無 blog 友可以介紹一些寫blog 地方話我知. 唔該你地呀!



意式陳醋洋蔥雞翼

近來好忙, 都無時間 cooking, 而今晚又可以玩煮飯仔喇! 今晚自創了一個 "西式版酸甜雞翼" 好好味又開胃, 夏天食佢 very GOOD!

材料

雞翼 (12 隻), 洋蔥 (1 個 - 切粒及切條)

醃料

鹽 (1 茶匙), 黑胡椒 (半茶匙)

調味料

意式陳醋 (3 湯匙), 老抽 (1 湯匙), 生抽 (1 湯匙)
冰糖 (適量), 暖水 (約 3 湯匙), 蜜糖 (1 大茶匙)

做法

1) 清洗乾淨雞翼, 抺乾水份, 用醃料醃約 20-30 分鐘.

2) 洋蔥去衣, 用一半切碎, 另一半切條.

3) 燒熱平底鑊落油, 下雞翼煎至兩面微黃, 盛起隔油備用.

4) 用一個小深鍋下牛油, 加入洋蔥(切碎)爆香, 再下洋蔥(切條)炒香, 加入雞翼炒勻.下調味料拌勻, 加蓋煮約10分鐘, 熄火淋上蜜糖拌勻, 就可盛起慢慢享用.

愛心小貼士

如果想味道再濃 d, 我建議臨煮完之前加多1 湯匙陳醋, 酸甜味就會更特出.

龍眼肉墨魚滑冬瓜湯

 

早前飲過冬瓜湯令我一直都好回味, 今晚再煲冬瓜, 要繼續 "飲過番尋味"

材料
冬瓜 (1 斤 - 切件), 墨魚滑 ($20), 乾龍眼肉 (約 20 粒)

做法
1) 冬瓜去皮去籽, 清洗乾淨, 切件, 備用.

2) 燒熱一鍋水, 加入冬瓜, 當水再滾起時加入龍眼肉, 煲約15分鐘, 然後加入墨魚滑及鹽調味, 煲多約5分鐘就可盛起享用.



指天椒麵豉醬蒸排骨

材料

指天椒 (2 隻- 切小粒), 排骨 ($20)

 

醃料

麵豉醬 (2 大茶匙), 生抽 (1 大茶匙), 糖 (1.5 茶匙)

胡椒粉 (少量), 油 (半茶匙), 生粉 (半茶匙)

 

做法

1) 排骨清洗乾淨, 抺乾水份, 用醃料及指天椒與排骨拌勻, 醃約 20-30分鐘.

 

2) 將已醃好排骨放入蒸鑊內, 蒸13 分鐘, 就可慢慢享用.

 

 

 

 

 

 





蒜蓉粉絲蒸帶子

材料

日本帶子 (8 隻), 粉絲 (2 扎), 蒜頭 (6 - 8 粒 - 切碎)

調味料
熟油, 蒸魚豉油

做法
1) 帶子解凍, 用水清洗乾淨, 抺乾水份, 備用.

2) 粉絲用暖水浸軟, 跟住用剪刀剪開幾段.

3) 在大碟上平舖已浸軟粉絲, 灑上蒜蓉, 再放下帶子及加上蒜蓉, 用大火蒸5分鐘, 跟住淋上熟油及蒸魚豉油, 就可慢慢享用.





沙爹金菇炒牛展

材料

金菇菜 (2 包), 牛展 (1 包-已切片), 蒜頭 (4 粒 - 切粒)

醃料

生抽 (1 茶匙), 糖 (半茶匙), 胡椒粉 (少量), 油 (少量)

調味料

沙爹醬 (2 1/2 大茶匙), 紹興酒 (半茶匙)

鹽 (適量), 糖 (半茶匙)

做法

1) 牛展清洗乾淨, 抺乾水份, 用醃料醃約15 分鐘.

2) 金菇菜用水浸一會, 用清水清洗乾淨, 隔水備用.

3) 燒熱平底鑊落油, 下牛展兜炒一會, 即熄火盛起備用.

4) 用原鑊落少少油, 下沙爹醬炒香, 加入金菇菜兜炒, 贊酒, 下牛展炒勻, 加蓋煮約1-2分鐘, 下鹽及糖調味, 熄火盛起享用.

香草鮮茄雞翼

 

夏日炎炎, 除了食沙律夠開胃之外, 酸酸味味食物也是不錯選擇, 今次又煮了一個開胃小菜, 用埋蕃茄汁撈飯食更加一流.

 

材料

雞翼 (12 隻), 蕃茄 (3 個 - 切件), 紫洋蔥 (半個 - 切條)

蒜頭 (4 粒 - 切小粒), 香草 (半茶匙)

 

醃料

生抽 (2 茶匙), 鹽 (半茶匙), 糖 (1 茶匙), 麻油 (適量)

紹興酒 (半茶匙), 胡椒粉 (半茶匙), 生粉 (半茶匙)

 

調味料

蕃茄汁 (2 湯匙), 糖 (1 茶匙), 鹽 (適量), 暖水 (約半碗水)

 

做法

1) 雞翼解凍, 清洗乾淨, 抺乾水份, 用醃料醃約 20分鐘, 備用.

 

2) 蕃茄清洗乾淨, 切件. 紫洋蔥用半個切條, 備用.

 

3) 燒熱平底鑊落油, 下雞翼煎至兩面微黃, 盛起備用.

 

4) 再燒熱平底鑊下少少油, 下蒜蓉爆香, 加入蕃茄及雞翼拌勻炒香, 然後加入蕃茄汁及暖水, 加蓋煮約 5-8 分鐘. 下適量糖及鹽調味. 最後下香草拌勻, 盛起慢慢享用.



意式陳醋鮮果沙律

這幾天天氣真係熱到不得了, 連煮飯都變到無晒心機, 胃口又麻麻地, 只想食d清淡食物, 所以今晚整了一個簡易沙律, 用意式陳醋汁 (吉市有售), 食時感覺好 fresh, 胃口都變得開胃咗.

材料:

羅馬生菜 (切 4 - 5 段), 蕃茄仔 (6 粒 - 清洗, 切半)
西梅 (2 個 - 清洗, 切小粒), 布冧 (1 個 - 清洗, 切粒)
現成盒裝哈蜜瓜 (4 件 - 切粒), 現成盒裝蜜瓜 (4 件 - 切粒)

 

沙律汁:

Taylor's Balsamic Vinegarette (2 - 3 湯匙)

做法:

1) 將羅馬生菜切 6 - 7 段, 用熟水清洗乾淨, 隔水備用.

2) 用一個大沙律碗放入羅馬生菜, 加入已切粒生果, 下沙律汁拌勻所有材料.

3) 最後放上蕃茄仔, 放進雪櫃雪凍, 食時取出慢慢享用. (若覺得沙律汁不夠, 可以按自己喜好添加份量)

蒜蓉豆豉翠肉瓜炒排骨

 

最近教會內有幾位弟兄姐妹家人都分別離世安息主懷, 心情都難免有少少不捨, 但亦好感恩在他們生前時去關心他們, 為他們祈禱及傳福音, 使他們認識主耶穌, "心裡相信, 口裡承認" 主基督是他們唯一救主" 確實好令人為他們感恩.

 

好喇! 煮個靚餸, 食飽飽, 再繼續努力為主作見證及傳福音. Yeah! ^^

 

材籵

翠肉瓜 (1 條 - 切粒), 排骨 ($20), 蒜頭 (4 粒 - 切碎)

薑 (3 片 - 切碎)

 

醃料

生抽 (1 茶匙), 糖 (3/4 茶匙), 紹興酒 (半茶匙)

油 (半茶匙), 生粉 (半茶匙)

 

調味料

蒜蓉豆豉醬 (1 1/2 大茶匙), 糖 (1 茶匙), 鹽 (適量)

紹興酒 (贊酒用), 暖水 (約半碗)

 

做法

1) 排骨清洗乾淨, 抺乾水份, 用醃料醃約20分鐘, 備用.

 

2) 翠肉瓜清洗乾淨, 切細件, 備用.

 

3) 燒熱平底鑊落油, 下排骨煎到微黃色, 盛起隔油備用.

 

4) 再燒熱平底鑊落油, 下薑蓉及蒜蓉爆香, 加入排骨及翠肉瓜炒勻, 贊酒, 加入蒜蓉豆豉醬炒香, 注入暖水煮約 8-10 分鐘, 然後下糖及鹽調味 (若豆豉味不足夠, 可以再下少少蒜蓉豆豉醬試味), 熄火盛起享用.



焗豬肋骨

自從上次焗過豬肋骨後, 一直好回味那份燒烤香味, 今次我去了 "MP" 超市買了一塊大大豬肋骨再焗過. (話俾大家知 MP 呢塊豬肋骨好大塊好抵買, 只需約 $75, 我今次都只係用了 2/3 分量, 其餘部份就放在係冰箱下次再用.) 今次焗法係同上次有少少分別, 但效果一樣咁好.

材料
豬肋骨 (1 條)，原味燒烤汁 (約 4-5湯匙)
黑啤 (1 罐 - 用半罐就足夠)，豉油 (1 湯匙)，糖 (2 茶匙)
蜜糖 (2 湯匙)，乾蔥 (3 粒 - 切片)，蕃茄仔 (數量隨意 - 切半)

做法
1) 先將豬肋骨解凍, 洗淨抺乾水份, 均勻搽上一層豉油及糖醃1個鐘.

2) 之後落半罐啤酒, 加入約 2湯匙燒烤汁搽勻件豬肋骨, 再放上乾蔥用保鮮袋封住件豬肋骨放入雪櫃醃一晚.

3) 從雪櫃取出醃了一整晚豬肋骨解凍, 開焗爐220 度預熱, 用錫紙包住豬肋骨放入焗爐焗約 25 分鐘. 

4) 調製 2湯匙蜜糖 + 2湯匙燒烤汁撈勻做成 "蜜糖燒烤汁"

5) 然後拿開蓋面錫紙, 首先在豬肋骨表面均勻搽上一層原味燒烤汁放入焗爐焗7分鐘, 之後就用 "蜜糖燒烤汁" 均勻搽在豬肋骨上焗 7分鐘, 再取出搽 "蜜糖燒烤汁" 再焗 7 分鐘, 然後熄火讓件骨靜止放在焗爐約 5分鐘才取出, 放上碟上用蕃茄仔拌碟慢慢享用.

 

 

酸梅麵豉蒸魚頭

材料

魚頭 (1 個 - 切件), 酸梅 (2 粒 - 剁碎), 麵豉醬 (1 包)

調味料

生抽 (約 1 湯匙), 糖 (2 茶匙), 胡椒粉 (半茶匙)

油 (半茶匙), 生粉 (1 茶匙)

做法

1) 清洗乾淨魚頭, 待隔乾水後, 與調味料拌勻, 醃約20分鐘.

2) 燒熱一鑊滾水, 下魚頭在蒸鑊中, 蒸約10-12分鐘, 熄火盛起享用.



銀芽炒豬腩肉片

 

材料

銀芽 (半斤), 豬腩肉片 (1 包), 蒜頭 (3 粒 - 切碎)

 

醃料

生抽 (1 茶匙), 糖 (1 茶匙), 胡椒粉 (適量)

麻油 (適量), 生粉 (半茶匙)

 

調味料

豆瓣麵豉醬 (1 大茶匙), 糖 (約 3/4 茶匙)

 

做法

1) 銀芽清洗乾淨, 汆水, 盛起隔水備用.

 

2) 豬腩肉片清洗乾淨, 抺乾水份, 用醃料醃約20分鐘.

 

3) 燒熱平底鑊落油, 下豬腩肉片兜一兜 (見有少少微黄色就可盛起備用).

 

4) 再燒熱平底鑊落油, 下蒜頭爆香, 加入銀芽炒香, 再下豬腩肉片炒勻, 加入豆瓣麵豉醬拌勻, 加蓋煮約2分鐘, 下糖調味, 熄火盛起慢慢享用.