柱侯蘿蔔炆牛腩 (附食譜)

 

WoW! 除夕夜大家安排好節目未呢? 如果會攪大食會, 這個炆牛腩都適合用嚟招呼朋友架! 好味, 飽肚又暖笠笠. 更是寒冬下必食美食之一!

蒜蓉炒豆苗 (附食譜)

前晚食煲仔飯時, 炒了一個現最當做 "豆苗" 來送飯食. 只需加蒜蓉同炒. 鮮甜美味, 夠晒健康有益. 

臘味煲仔飯 (附食譜)

 
各位, 聖誕節過得 Happy 嗎? 我就過得巧開心喇! 感恩在平安夜當晚佈道會上有人願意信主, 再加上幾日營會聚會同一班主內弟兄姊妹開開心心過了幾日. 而昨日就在家休息吓及玩吓煮飯仔, 過了一個平安開心假期.

聖誕快樂@2014

由於早前己同家人食了冬至飯, 所以冬至晚我同 Honey 提早煮了一餐二人聖誕晚餐享受下, 因為跟住日子都已安排晒活動了, 平安夜晚會參加教會平安夜佈道會, 聖誕期間亦會去一個冬令營活動. 這晚煮了一餐好簡單, 美味, 亦好温馨晚餐慢慢享用. 感謝主! 讓我們有二人空間去浪漫一下, 實在太 Sweet! 

烤焗芝士小蕃茄法包 (附食譜)

今日又再推介另一款聖誕 Party 美食. 易整, 好味又飽肚. 我係睇偽主婦Ki琪所寫 "小廚房煮大餐" 學到的. 而且賣相紅噹噹好有聖誕節日氣氛. 大家亦可以加入其它食材製作自己喜愛口味. 來與朋友享用一個開心快樂聖誕餐.

肉醬意粉 (附食譜)

 

聖誕節將到, 大家會不會約朋友開 Party 玩呢! 食物方面諗到煮咩未? 或許大家可以試吓這個簡易版肉醬意粉, 一定適合開 Party 時做主食. 我選用金寶湯系列 "香甜蕃茄醬汁" 就能好簡單煮到美味肉醬意粉. 超 Like!

栗子海底椰紅蘿蔔粟米湯 (附食譜)

今天為大家送上暖笠笠湯水篇, 這個湯水好滋潤架! 啱晒這個季節飲用. 今次亦都是用現成湯包煲湯, 一包就有齊晒所需要煲湯料, 真的好方便. 而且煲出嚟湯水有好好味喎.

薑汁蕃薯糖水 (附食譜)

蕃薯糖水絕對唔難煮, 但選用那種蕃薯先至重要, 我最愛選用紅蕊蕃薯, 再加埋吸滿薑汁味糖水, 絕對是絕配.

照燒汁煎帶子 (附食譜)

 
早前在超市見到有一包包急凍細細粒小帶子, 就買咗包來玩煮飯仔. 今次只需用日式醬料煮咗個汁料, 加紫洋蔥拌食. 一口一件食得好暢快.

蠔汁薯仔拌豬腩肉片 (附食譜)

這個餸我最鍾意食嘅係配角 "薯仔", 吸滿晒汁料的薯仔是極之好好味. 令妳/你食下食下就不自覺地食清晒架! 大家要小心肚皮有食大咗呀! 哈哈.......哈哈......^^

開心外食@哈密瓜乳酪雪糕配西班牙黑毛豬火腿

 

大家可能都知道最近觀塘 APM 開了一間"一田百貨公司" 而當中就開了一間好好味又高貴雪糕店, 為何高貴??? 因店中有一款雪糕是選配用西班牙黑毛豬火腿做配料, 黑毛豬火腿咸香味, 配上哈密瓜乳酪雪糕, 出奇地好夾. 讓我食時有一種好高貴又幸福感覺.

韓汁金菇肥牛卷 (附食譜)

金菇及肥牛肉都係我喜歡食物, 所以這個小菜我本人好 Like. 簡易煮法, 只需用韓式醬汁做汁料已好好味. 無論做晚飯主菜或 Party 小食都得.

南乳炆蓮藕五花腩 (附食譜)

今次炆這個南乳蓮藕五花腩我自己都好滿意. (其實本人都係第一次煮的) 肉店東主同我揀了一件好靚肥瘦均勻五花腩, 所以唔會食到好肥膩或嚡拾拾. 蓮藕夠爽亦入味. 大家有興趣都炆番煲食喇! (不過, 哩d餸菜都只能好間唔中食下就夠了!)

新煮法~白蘿蔔南瓜羊腩煲 (附食譜-氣壓煲版)

昨日好想煮一鍋羊腩煲給 Honey 享受一下. 但由於要返工關係, 無太多時間可以慢慢炆煮, 所以用了氣壓煲來代勞. 20 分鐘就炆好一煲羊腩. 而且今次改用了白蘿蔔及南瓜做食材. 及嘗試用八珍炆羊鴨醬來炆煮羊腩煲. 白蘿蔔吸滿晒汁料. 羊腩鬆軟入味. 食到最後就加入烏冬在汁料中灼熟來食. 非常 Yummy! Yummy !  Honey 食得好開心又滿足. 呵呵.........又成功了.

味菜炒鮮魷 (附食譜)

一個星期開始就為大家送上一個惹味小菜, 是不是立刻醒晨晒呢! 寒冬下除了火鍋, 哩個小菜都能令人食得好 high 架! 如果妳/你怕辣可以唔加指天椒, 一樣都會食得好和味的.

鮮茄煎鱈魚 (附食譜)

早前見超市急凍鱈魚好靚就買了一包回家. 但始終是急凍魚唔夠新鮮. 所以我就先煎熟它, 再煮個蕃茄汁來增加口感味道. 效果好好, 大家都食清晒. Yeah! Yeah!

日式味噌湯鍋燒鳥冬 (附食譜)

寒冬下都係食d熱辣辣食物最温暖, 相信大家都同我一樣有同感. 今次介紹用日式味噌煮鍋燒餐. 好味, 夠特色, 又飽又暖胃. 天文台已經表示今晚氣温又會再下降, 大家就煮番一鍋暖吓喇!

沙爹肉碎炒四季豆 (附食譜)

寒冬下除了食火鍋, 食d香辣惹味小菜都好 warm 架! 煮咗過惹味沙爹小菜送飯. 出街食四季豆通常都係會炸過的, 雖然是香口d, 但就唔係好健康. 我會先用水灼熟再與其它食材同炒熟. 這樣可減低煮四季豆時間, 去除草腥味及食得更健康有益.

清湯蘿蔔炆牛腩 (附食譜)

 

天文台已經預告今星期天氣會顯著較涼, 立刻個腦就諗緊又可以煮d應季節熱辣辣美食來開心了. 第一個諗到 "清湯蘿蔔炆牛腩" 炆完後牛腩蘿蔔軟稔入味, 吸滿汁料. 食完唔單止飽飽, 更暖入心心.

五香肉丁炒香腸 (附食譜)

又到清倉時間, 見家中剩餘幾條香腸, 就來拌個五香肉丁炒炒, 惹味又開胃送飯菜就即有得食了.

日式料理@甘筍薯仔燉豬腩肉片 (附食譜)

在日本炆煮食物他們會稱為 "燉" 而且有時會燉等一大鍋慢慢享用. 亦可以隨個人口味加入不同喜愛食材, 今晚我就燉了一大鍋伴飯享用. 又飽又暖胃. Yummy! Yummy! 

Happy Birthday to My Love

昨晚無玩煮飯仔, 同我寶貝姨甥仔慶祝他生日. 時間真係過得好快, 不經不覺已經 5 歲.

雪梨水 (附食譜)

哩幾日喉嚨好乾燥, 尤其是瞓到半夜就口乾到要飲杯暖水才能再入睡. 但到天光睡醒仍然覺得好口乾. 昨晚決定煲個雪梨水來滋潤一下. Oh! 好潤好潤呀! 飲完喉嚨舒服好多. 連睡到半夜口乾情況都有所改善, 比起之前幾日已經舒服好多. 好喇! 等我這幾天再繼續煲嚟飲滋潤一下先得.

開心外食@GOCHISO (源自日本人氣餐廳 Gohan 分店)

 
昨晚唔做煮飯婆, 出街去 Sweet 下.

來了這間 GOCHISO 主打日本・地中海 fusion 料理店, 它們是源自日本人氣餐廳 GOHAN 分店. 食物種類都好多, 有比薩, 意粉, 牛羊扒, 西班牙海鮮飯亦都有. 食物質素 OK 喎, 我地都好滿意. 原來宜家至到 11 月 30 日前登入它們 Facebook 專頁按 "讚好" 仲有 95 折優惠 (我地就用咗啦!)  另憑 Aeon 咭在 12 月 31 日前結賬亦同樣享有 95 折優惠.

日式牛肉飯 (附食譜)

 
昨日想起吉X家牛肉飯, 又見超市原本一盒五十幾蚊鮮肥牛肉, 現只買四十幾蚊, 決定買番屋企煮一大碟日式牛肉飯來享受一下. 用了牛丼飯醬汁, 加點味醂就已經好入味. 哩個牛肉飯無論大人及小朋友都必定 Like 呢!

蜜糖雞翼 (附食譜)

有時唔知煮咩食時候, 煎幾隻雞翼就係最好解決方法. 加上蜜糖來食就更加正!

煎釀青椒 (附食譜)

 

 我家中附近有一間小型專食點心餐廳, 有一款煎釀青椒點心好好食架. 令到我時時都好想煎番幾隻嚟食下. 今晚就煎了一大碟及加上蒸魚豉油點來食已經好禾味了. 哈哈......開心就係咁簡單喇!

冬瓜粒肉片湯飯 (附食譜)

星期六只得我同 Honey 在家食飯, 所以就食得簡單d. 滾咗個 Honey 好喜愛冬瓜粒湯飯給他食. 食飽飽就落街散吓步. 休休閒閒就過咗一晚, 超大愛這種生活.

荷蘭豆炒豬肉 (附食譜)

天氣這兩日凍咗好多, 大家真係要穿多件衫保暖.

哩排個腦個心個胃個肚成日都諗緊一個餸菜 (好適合這季節食的). 好想煮好想食呀! 只欠未有時間做到 (因近來要探訪患癌教友比較多). 等有dd 空閒一定會煮嚟嘆下. 

油炸鬼蒸蛋 (附食譜)

究竟這個餸有幾耐未食過, 已經唔記得, 但肯定有 N 年咁耐. 這幾天忽然想起它, 好掛住它. 所以就立即主動去約它 (即係煮咗佢嚟食). 有人食這個餸會加豉油, 我就喜歡加胡椒粉來食. 好好味架!

爆紅 ~ 蕃茄飯 (附食譜)

 

最近網上瘋傳 + 熱爆 "蕃茄飯" 今晚我終於煮咗喇! 帶有清淡蕃茄味道, 確實頗特別, 但有未止於好味到六親不認. 而且我覺得蕃茄份量加多一個可能會更好味.

粉絲煮節瓜 (附食譜)

今日又到 Green Monday 時間, 就來個最經典家常菜做主角. 煮哩個小菜一定要預多少少水份, 否則粉絲會好快吸晒 d 汁, 咁就食時會變得好乾錚錚啦!!!

蒜蓉豆豉蒸排骨 (附食譜)

 

 簡單生活其實係最幸福開心. 就如這個蒜蓉豆豉蒸排骨, 簡簡單單, 但已經是一個好送飯小菜. 要添飯嗎?

韓汁BBQ 焗豬頸肉 (附食譜)

 

呵呵.....已突破十萬大關當然開心, 但仍需要不斷學習鑽研煮飯仔, 這樣自己才有更多進步空間. 今次這個韓汁 BBQ 豬頸肉亦是自家創作, 豬頸肉是無之前醃定的, 是即買即醃即焗, 但效果出來好好. 辣辣地好好味

Yeah! 突破 10 萬大關啦!

 

哈哈哈哈.............巧開心, 巧激動. Money EE Kitchen Blog 已經突破 10 萬人瀏覽了.

韓式炆牛肋條 (附食譜)

自從月頭去過韓國玩之後, 深深愛上這國家, 就連食物都一樣咁喜愛. 上星期六飯局跟鬼嫁食譜用了韓國醬料炆煮牛肋條, 味道甜甜的, 好好味, 絕對值得推介大家都炆番煲嚟享受下!

燒腩哥又嚟啦! (附食譜)

每逢有親戚朋友到訪飯局, 我多數都會揾燒腩哥 (燒腩仔) 來招呼大家, 佢好受歡迎架! 甚至有d 朋友之後都仍時時掛住佢. 問我幾時約大家再見燒腩哥. 不過, 我一直都無寫底食譜, 決定今次要寫底佢. 大家有興趣都可參考.

五香鴨 (附食譜)

上星期六有親戚朋友來晚飯, 其中煮了一道 "五香鴨" 這個餸係跟 Gigi 姐食譜書學煮的. 非常之易學易煮, 而且仲好好味, 五香粉香味及軟稔鴨肉, 令人食得好開胃. 而且因蒸煮時已迫出晒所有鴨油, 所以油膩感亦減少了.

My Coffee@Cafe Corridor

剛過去星期日同友人一齊來了 Cafe Corridor 嘆靚啡. 這裡地方不太大, 但有一種好休閒自在感覺. 咖啡好香濃, 如果妳/你是一名咖啡精一定會好喜歡 (或許大家都已經來嘆過了). 這個好地方我一定會再去嘆過.

地點: 銅鑼灣羅素街 26A 地下 (時代廣場對面)

鯪魚肉炒直菇 (附食譜)

好喜歡食直菇, 越食越鍾意, 尤其是這款在日式超市買韓國直菇, 口感好爽口, 好特別. 而且用它來配任何食材都得又好好味. 可惜忘記影底個包裝給大家睇. 下次一定會影底佢.

蘆筍拌雞肉粒 (附食譜)

這兩天好大風, 明顯地涼咗好多, 大家要穿多件外套保暖. 同樣這兩天時時諗緊秋冬又可以煮一些比較特別美食. 例如: 羊腩煲 (嗯!.....講起哩個餸我發覺大部份男人都好鍾意食) 

雖然唔明白他們點解咁鍾意, 但確實羊腩煲真係冬天最多人愛煮愛食美食. 所以嚟緊星期六有親戚到訪, 到時就會煮番個秋冬之寶 ~ 羊腩煲來招呼吓大家喇!

蝦仁炒蛋 (附食譜)

今晚早早食完晚飯, 休息了一陣, 就落街去運動, 除了能出一身汗, 亦可舒發一下心中一肚子激氣事 (近來有d好唔開心又激氣事頂住頂住!!!) 果然跑完個人真係舒服好多. Blog 友們, 如果妳/你們都有一肚子激氣事, 又唔知點去發洩, 不妨去做下運動真係可以幫到妳/你架!

日式咖喱雞 (附食譜)

很久沒有食日式咖喱, 見家中有盒咖喱磚, 就用它煮了一大碟咖喱來做餸兼撈飯食, 香口食物果然係會令人食慾大增. 今餐有食多咗啦! 

梅子排骨醬蒸倉魚 (附食譜)

買咗條倉魚, 原本諗住用豆豉來蒸煮, 忽然諗到不如用海子排骨醬來試試攪攪新意思. 嘻嘻.....估不到出來味道也不錯喎!

焗韓辣雞翼 (附食譜)

好友送來一樽韓國辣椒醬, 內裡有一粒一粒麵豉粒. 今晚我就嚐試用來焗雞翼, 味道非常香辣惹味, 送飯一流.

西芹炒鴕鳥肉 (附食譜)

忙碌完一整天工作, 只想簡簡單單煮些自己喜歡又健康美食來慰勞一下自己. 西芹及駝鳥肉都是最佳健康食物, 再用埋最簡單烹調方法. 讓自己從美食中得著心靈快樂.

開心外食@潮人飯堂

昨晚無玩煮飯仔, 因有一位癌友肢體身體不適需要入院觀察, 所以同幾位主內弟兄姊妹一起探訪關顧肢體. 探訪完畢就順到去醫肚. 去咗附近一間叫 "潮人飯堂" 食晚飯. 其實以前都來食過晚飯, 覺得它們食物味道仍然 keep 得不錯. 仲食了它們好好味 "杏仁茶"  但 blog 主因掛住傾計及食忘記影相!!!

木瓜紅蘿蔔粟米豬骨湯 (附食譜)

秋涼日子, 至緊要煲番個老火湯來潤一潤, 買咗盒湯包, 再加多個木瓜一齊煲, 嘩! 清甜滋潤. 連鹽都唔駛落.

香煎三文魚拌什菜粒 (附食譜)

 
見超市新鮮三文魚好肥美又大塊就買了一塊回家, 只需用最簡單食材醃製, 煎一煎就食得. 埋位開飯啦!

痛心 (附食譜)

心情真係麻麻地!!! 其實我這平台通常只講煮飯仔或街外食, 但今日我都想講一兩句嘢! 原來以前電視劇集裡講 d 差人鍾意就打人, 仲有上頭包庇嘅橋短都不是虛構, 是真實地發生在我們這都市中. 唉!.....為我所愛都市.........痛心!!!