日式洋蔥牛肉飯 (吉野家版) (附食譜)

Hi! 無耐無寫過食譜了, 原因係本人 "懶惰" 囉! 😝 
時時提不起勁去寫, 但我都仍好感動的, 這段日子仍有大家支持 (邊個支持我, 我是心中知道的 😘).

昨晚煮了我好喜歡日式小菜, 好味又易煮, 送飯一流.
(我好鍾意加入好多洋蔥的小菜, 因為對抗癌非常好好的 💓)

開心外食@Via Tokyo (雪糕甜品店)

昨晚食完 "拉丁美洲" 菜之後, 行番出嚟見到這間日式雪糕甜品店, 店內及門口都有好多人食雪糕. 我同 Honey 都湊下熱鬧食番杯雪糕先. 它們雪糕是主打來自京都的抺茶粉及用北海道 3.6 牛乳製作的, 可惜昨晚無抺茶味, 只有焙茶味及原味供應. 食後感雪糕味道好滑又濃郁, 焙茶味都不錯喎. 賣相當然亦好得啦!

開心外食@天樂餐廳 Amy's Kitchen

復活節假期時去了香港大學站周圍行下, 無意中俾我發現這間以前在銅鑼灣區白沙道好出名食店 "天樂餐廳"  他們好出名名菜有 "瑞士汁牛河" “瑞士汁雞翼" "天樂甜心雞卷" "梳乎厘" "鹹豬手" 等等. 他們食物好好味架. 蘇施黃都是他們上客. 價錢又合理, 估不到俾我見番佢. 巧開心呀! 以後我又多個食好嘢蒲點喇!

開心外食@雲來軒

 
星期日家人推介來尖沙咀這間 "雲來軒" 中菜酒家晚飯. 未食之前我諗都係一般中菜酒家. 不過, 食過之後發現它們食物真係 "好掂" "好有水準"  雖然價錢是貴了少少, 但如果多人一齊食 share 條數後有不是真係好貴. 而且多人一齊食仲可以食多幾款不同特色小菜.

開心外食@Coffee Art

假期第一日來到觀塘嘗試這間咖啡小店, 試試它們咖啡, 順便 e 肚. Coffee Art 小店地方不大, 有點似茶餐廳, 但它們咖啡確有水準, 仲有它們勁美味甜品, 大愛呀! 必定會再 encore, 唯獨有一缺點, 因它們人手不夠, 所以要比較有點耐性等食物. 

奶奶慶生飯@甘牌燒鵝

 
上星期三晚同奶奶去了鏞記家族後人在灣仔區新開的 "甘牌燒鵝" 食 "燒鵝" 慶賀生日. 那裡燒鵝真係夠晒嫩滑入味, 又有鵝肉味. 它們是繼承袓傳方法來製作燒鵝的. 亦只注專做燒鵝及燒味食物, 所以食物品質非常有水準. 由於它們是走平民化路線, 所以價錢比鏞記平好多. 而它們製作燒鵝工場就在店舖後面, 所以店內座位空間就變得比較窄. 但我相信來這裡食飯的食客都不會介意的.

麻辣雞煲 (附食譜)

 

呵呵.........成功了, 終於煮到至愛麻辣雞煲. 其實舊年都嘗試過, 但不太理想. 今年再加多幾樣食材及改良煮法就成功了, 家人勁鍾愛, 仲話要 encore.當晚食完雞煲, 仲加埋雞湯來打邊爐, Yummy Yummy!

賀年花花@2015

 

 我特別好喜歡農曆新年, 夠熱鬧, 夠晒開心, 又多美味美食. 所以即是係忙 d, 但都忙得特別 Happy. 去花墟買年花更是其中一件必定會做的事. 放置幾盆賀年花在家中, 感覺間屋都變得生氣勃勃. 今年都係主打買蘭花. 這款蘭花叫喜雀. 非常清麗柔雅. 其次有水仙及小牡丹.

烤焗芝士小蕃茄法包 (附食譜)

今日又再推介另一款聖誕 Party 美食. 易整, 好味又飽肚. 我係睇偽主婦Ki琪所寫 "小廚房煮大餐" 學到的. 而且賣相紅噹噹好有聖誕節日氣氛. 大家亦可以加入其它食材製作自己喜愛口味. 來與朋友享用一個開心快樂聖誕餐.

薑汁蕃薯糖水 (附食譜)

蕃薯糖水絕對唔難煮, 但選用那種蕃薯先至重要, 我最愛選用紅蕊蕃薯, 再加埋吸滿薑汁味糖水, 絕對是絕配.

開心外食@哈密瓜乳酪雪糕配西班牙黑毛豬火腿

 

大家可能都知道最近觀塘 APM 開了一間"一田百貨公司" 而當中就開了一間好好味又高貴雪糕店, 為何高貴??? 因店中有一款雪糕是選配用西班牙黑毛豬火腿做配料, 黑毛豬火腿咸香味, 配上哈密瓜乳酪雪糕, 出奇地好夾. 讓我食時有一種好高貴又幸福感覺.

開心外食@GOCHISO (源自日本人氣餐廳 Gohan 分店)

 
昨晚唔做煮飯婆, 出街去 Sweet 下.

來了這間 GOCHISO 主打日本・地中海 fusion 料理店, 它們是源自日本人氣餐廳 GOHAN 分店. 食物種類都好多, 有比薩, 意粉, 牛羊扒, 西班牙海鮮飯亦都有. 食物質素 OK 喎, 我地都好滿意. 原來宜家至到 11 月 30 日前登入它們 Facebook 專頁按 "讚好" 仲有 95 折優惠 (我地就用咗啦!)  另憑 Aeon 咭在 12 月 31 日前結賬亦同樣享有 95 折優惠.

My Coffee@Cafe Corridor

剛過去星期日同友人一齊來了 Cafe Corridor 嘆靚啡. 這裡地方不太大, 但有一種好休閒自在感覺. 咖啡好香濃, 如果妳/你是一名咖啡精一定會好喜歡 (或許大家都已經來嘆過了). 這個好地方我一定會再去嘆過.

地點: 銅鑼灣羅素街 26A 地下 (時代廣場對面)

又嚟過開心外食@Pizza Express

最近因為要關顧教會幾位患癌教友, 時時出入醫院探訪, 所以連玩煮飯仔時間都無, 反而多咗出街食飯. 就如今晚去醫院探訪完一位教友後, 順道就去了我欣賞 PizzaExpress 食 Pizza 做晚餐.  

PizzaExpress 在每季都會推出不同美食來給它的擁戴者帶來美味味覺享受. 所以無論任何季節去食都能試到新嘢食架! 

開心外食@Simplylife

 
忙碌了一整天工作, 放工後只想輕輕鬆鬆渡過, 所以晚上同 Honey 去咗位於銅鑼灣百德新街開業不久 Simplylife 食晚餐. Simplylife 在香港已有幾間分店. 而位於銅鑼灣這間分店我本人就好喜歡. 它分為室外及室內用餐區. 環境佈置以歐陸式為主調, 令人有種好舒服休閒感覺. 這裡除了適合情侶來拍拖, 亦非常適合同朋友來歡聚暢飲.

我同 Honey 各點了一份主餐 share 一齊食. 另加 $30 就有餐湯 or 沙律及自家特製餐飲.

開心外食@The Coffee Bean & Tea Leaf

星期六與友人又去咗銅鑼灣 The Coffee Bean & Tea Leaf 嘆咖啡上網傾吓計, 這裡環境好舒服. 侍應生服務態度亦都好好. 而最重要是咖啡品質絕對係非常好味. 其實此店在美國已有好多年歷史. 在全球亦有好多分店. 現在銅鑼灣及旺角都有它的蹤影了. 它們除了咖啡, 亦有茶類或沙冰飲品. 並有小食供應.

開心外食@土耳其地中海美食

昨日是全港 "愛爸媽, 愛我家" 運動啟動禮, 由九龍公園至文化中心露天廣場巡遊活動, 活動目的是表達我們守護家庭價值, 維謢婚姻及愛護孩子.

而到了晚上與 4 位朋友去了女人街食地中海美食. 店子環境舒服, 食物質素亦好好. 我地點選了一個 4人餐, 及加了一客小菜. 但店主好好人. 仲送多了一客餐湯給我們.

開心外食@N1 Coffee

早前日子同朋友去了尖沙咀麼地道一間新開 Coffee Shop. 店子小小, 採用柔和粉綠做主色. 令人有一種好休閒自在感覺. 咖啡調配師亦好有禮貌細心同我們介紹不同咖啡及食物. 在這裡絕對適合大家可以好寫意飲吓咖啡, 或上網, 或與朋友傾計, 亦可以與咖啡調配師交流吓飲咖啡心得.

Happy Friday@PizzaExpress

Happy Friday! 今晚與 Honey 又去了 PizzaExpress 食住 pizza 拍拖. 它們最近加入了一些新口味菜色. 味道都好好喎! 我地order了 2 款食物已經食得好飽飽. 來吧! 睇睇靚相.

心水推介電影@真的有天堂 Heaven is for Real

復活節假期大家都有咩節目呢? 有無諗過睇戲? 亦有無興趣睇一套同復活節有關電影呢? 今日就想介紹大家睇一套同 "天堂" 有關電影.

 

戲名是:  真的有天堂 Heaven Is For Real