芒果布甸 (附食譜)

近來芒果非常當做, 又大個又甜, 用嚟整甜品絕對 Very Good 啦! 自己做芒果布甸好處就係你想加幾多芒果肉都得, 大杯或細杯都有自己話事. 而且整作過程非常簡單, 啱晒我哩 d 愛食又難的人. 呵呵!.......好味呢!

開心外食@McCafe 特濃咖啡新地

嗯!.......各位, 這幾天都唔會有煮飯仔可以分享了. 因為這幾天都會探訪關心教會弟兄姐妹. 所以無時間玩煮飯仔. 不過, 昨日 Lunch 時去咗 McCafe 醫肚, 見到它們出了一款新口味 "特濃咖啡新地" 好想在此推介給大家.

北海道牛奶布甸 (附食譜)

呵呵.........一直都好鍾意食北海道牛奶布甸, 想學整好耐. 所以親呢幾日假期學試整嚟食, 上綱 serach 到 (何師奶 ~ 全職"煮"婦生活逸事烹飪分享) 的食譜介紹整牛奶布甸方法. 非常易煮, 而且做出嚟牛奶布甸好滑溜溜又好美味. Yummy! Yummy!

我家中只有一隻牛奶布甸容器, 所以只能用杯子盛裝其它牛奶布甸, 嘻嘻......日後我必定會買番 d 布甸容器回來裝住我至愛甜品.

榴槤西米露

上星期一晚在外食完飯, 順路去到我至愛甜品屋食甜品. 這間甜品屋位於 "天后區" 每到晚上就好多人來食甜品. 而我必定會點我最愛 "榴槤系列 - 榴槤西米露"  啖啖香濃榴槤肉, 配上西米露好滑. 但我最欣賞是這裡整 "榴槤西米露" 方法. 它唔係用沙冰形式將榴槤肉整到成沙冰食法, 所以我能夠食到啖啖榴槤肉, 又不會只係得過 "凍" 及不會雪到榴槤肉都硬晒.

甜品屋名字:  天后甜品
地址:  天后電氣道 83-87號利景閣 4 號舖

 

 

我的至愛 "榴槤西米露"

Honey 的至愛 "西瓜涼粉"

Banana & Cream 雪糕

今晚好想食雪糕, 見 7-11 現 Haagen-Dazs 做緊優惠, 買 3 杯迷你雪糕杯都只需 $5X.xx  我就揀了3 款味道, 其中一款味道係 "Banana & Cream"  味道好滑, 好有香蕉味, 食到最後一啖仍唔想停呀!

"冧飽" 小禮物

你們要先求祂的國和祂的義, 這些東西都要加給你們了

(馬太福音 6:33)

為何我要分享這節金句, 因同我今日得到 "冧飽" 小禮物有關.

教會嚟緊星期日會有一個粵曲福音佈道會, 而今晚會在教會有唱粵曲的弟兄姊妹來彩排練習. 我本身係佈道部部員當然要回到教會幫手及 briefing 預備星期日佈道會侍奉工作. 但另一方面我亦好想去探一位患未期癌症姊妹的奶奶. 所以我就一放工就去探病先, 同這位長者讀聖經及祈禱. 跟住才回到教會睇彩排及briefing.

但天父恩典真係好奇妙又充滿著愛, 當我回到家後(當時已係晚上10:00), 原來 Honey 一早為我預備了一件美味咖啡蛋糕, 當我看見之後真係好開心, 又甜, 又感動. 雖然只係一件小小心意蛋糕, 但好深感受到他對我關注及愛. 而我亦體會到當自己將天父事工放在第一位, 天父是真的會有獎賞給我們. 謝謝天父!

呵呵....................就算食完肥死都甘願呀!  

開心中秋飯

今晚我家好熱鬧, 因為 Honey 家人都來了食飯. 今晚打邊爐 + 自家出品 "叉燒" 及甜品, 由昨晚就己經預備食材. 今早亦已出動去買打邊爐食材, 回到家又洗又切, 忘了一整天, 但看見大家食得咁開心又滋味. 就覺得辛苦d都係值得.



自家出品 "叉燒"

 http://manlee662004.blogspot.hk/2013/05/blog-post_19.html

自家甜品 "咖啡蒟蒻啫喱"

http://manlee662004.blogspot.hk/2013/09/blog-post_12.html

咖啡蒟蒻啫喱

上星期日約了幾位弟兄姊妹來我家 Dinner, 於是上網睇書揾食譜資料, 看見 May 姐介紹呢款甜品好吸引, 而且非常容易做, 於是就去試吓, 果然好無難度, 又有好香咖啡味甜品.

材料

UCC 炭燒咖啡粉 (2 湯匙), 啡糖 (4 湯匙), 滾水 (625 ml)

蒟蒻凍粉 (2 湯粉), 西梅亁 (6 粒), 花奶 (份量隨個人喜好)

做法

1) 將咖啡粉及啡糖加滾水攪拌至完全溶解.

2) 加入蒟蒻凍粉拌勻, 直至完全溶解於咖啡內.

3) 於啫喱杯內放入1粒西梅乾, 快速注入己拌勻咖啡啫喱.

4) 擱涼, 於啫喱杯封上鍚紙放入雪櫃雪至凝固, 食時伴上花奶慢慢享用.

 

 

 

人間美食 - 至尊榴槤水晶粉

好後悔! 好後悔! 我咁遲先與 " 妳＂遇上. 妳美麗純潔外表，內裡甜甜香氣，心心令我好掛住妳，最好時時食到妳。至尊榴槤水晶粉，我愛死妳.

哈哈.......... 我講緊係我最近在 "發記"甜品店食到 "榴槤系列甜品" 這款甜品除了有榴槤, 還加有水晶粉. 兩者加埋一齊食真係人間極品. 當店員將美食給我時, 我第一個反應覺得好似食 "榴槤湯粉" 跟住我有覺得好似食西餐 "榴槤天使麵" 哈哈.......讓我無論在視覺及味覺上都好開心, 絕對是榴槤愛好者石不可錯過美食.

哎呀! 講起我又想食嘞!  ><
 

係咪好似天使麵呢?

 祇需 $39 絕對係超級抵食 ^^

 

金柚南瓜露

 

材料

日本南瓜 (1/2 個), 鮮奶 (約 3/4包)

金柚肉 (1/2 個 - 隨個人喜愛多少)

砂糖 (隨個人口味) 我自己就無加

 

做法

1) 將南瓜去籽, 用鑊隔水預熱將南瓜放在蒸架上蒸約15 分鐘.

 

2) 然後起肉加入清水煮至淋身. (其實不用煮太耐, 因之前己蒸了一陣, 只要淋身就得.

 

3) 放涼, 倒入攪拌機攪成糊狀.

 

4) 加入鮮奶再煮滾後加糖試味, 食時放入金柚肉就可享用.