蒜蓉檸汁焗三文魚

一直都好忙未能將原先煮好餸菜譜出嚟.
好喇! 今日掂都要 post 番個食譜 "蒜蓉檸汁焗三文魚"

材料
三文魚, 蒜蓉, 海鹽及黑胡椒 (少量塗勻就OK), 檸檬汁

做法
1) 在三文魚表面均勻塗搽海鹽, 黑胡椒及蒜蓉醃10-15 分鐘.

2) 將焗爐調較到 200 度, 在錫紙上塗上少許橄欖油放入醃好三文魚, 然後用錫紙封住放入焗爐焗 20 分鐘以上.

3) 打開鍚紙再焗 10-15 分鐘 (若筷子能插入魚身就得啦!

4) 取出來在三文魚上滴上檸檬汁.

未焗之前

焗完之後靚仔三文魚

搓包包

好開心!好開心! 今日終於做到我一直好想學好想做好想搓.....麵包 (包包)

以往從睇麵包書或 Blog 友介紹整包包我都感到好困難, 睇來睇去都唔明即係掂樣搓包包.

今日有一位主內好弟兄約埋我同幾位姐妹一齊學整手搓包包. WoW! 好好玩呀!

原來都唔係好難架. 而且當妳搓到一個包出嚟時候, 真係好有滿足感, 好開心.

自己搓包包鬆軟又香又好好味, 仲無添加防腐劑, So Healthy!

今次學整了兩款麵包: 紅莓方包及吞拿魚包

紅莓方包

  

 吞拿魚包 



多啦A夢

今日係FB 見到一位主內姐妹 Post 在好多係尖沙咀海港城展覽緊 "多啦A夢" 相片, 嘩! 單睇d相就己經好吸引, 所以我即刻約我 Honey 今晚去見 "多啦A夢"

Oh! 佢哋個個做型都不同架, 個個都拎住百寶袋內不同禮物, 超可愛!

I Like ar~

"多啦A夢" 係我童年至愛卡通片. 不過, 我細過睇呢套卡通片時, 片名叫 "叮噹" (嘻嘻....自爆再自己年齡添) 無論叫咩名都好. 佢都係咁得人鍾意.

呢個展覽會由 8月14日 - 9月16日, 快d 去睇喇!

  

 

 

自家混醬焗雞翼

材料

雞翼 (12 隻)

 

醃料

磨豉醬 (1-2湯匙), 海鮮醬 (1-2湯匙), 香葉 (3-4片)

紹酒 (1-2茶匙), 蜜糖 (約2湯匙), 鹽 (約1-2茶匙)

 

做法

1) 雞翼用醃料醃過夜.

 

2) 預熱焗爐約 200度, 將雞翼放在焗架上焗 8-10 分鐘, 再反轉焗 8-10分鐘.

 

3) 搽上蜜糖焗 5分鐘, 然後反轉另一面搽蜜糖再焗5分鐘, 咁就攪掂食得喇!

 

 

話梅蕃茄

 

好開心! 好開心! 又到星期日喇! 又到星期日喇!

 

何解我咁 Happy? 除了今日係主日崇拜, 另外原因係 "今日又到我可以玩煮飯仔大日子" 唉! 平時要返工, 根本好難玩煮飯仔. 所以我覺得平時放工後返到屋企仲可以煮飯仔的靚太們真係覺得佢地好叻! 但願我有朝一日都做到喇!

 

今晚做了一個話梅蕃茄這個冷盤係我睇 (大少奶) Blog 跟住學. 當我第一次見到這食譜時就己經愛上了, 粒粒都紅噹噹好似"紅寶石". 好耀眼呀! 再加上味道酸酸甜甜又透心涼真係好 LIKE!

 

材料

話梅 (約8-10粒), 蕃茄 (約20-30粒), 白醋 (約 3-4茶匙)

白糖 (約5-6茶匙), 雪凍冰水

(* 以上調味份量只是一個約數, 請大家要自行調較試味, 因每個人酸甜味道要求都不一樣)

 

做法

1) 首先在蕃茄底部界十字, 然後煲滾一煲熱水, 放蕃茄落滾水中, 等約10秒撈起放入冰水中將蕃茄去皮.

 

2) 另預備一個玻璃器具, 注入冰水 (足夠放蕃茄就OK). 加入白醋, 白糖, 話梅撈匀試味, 最後加埋己去皮蕃茄放入雪櫃雪過夜, 就OK喇!

 

大家都試吓煮嚟食, 真係好好味! 用來做小食都一流架! 

娘惹咖喱薯仔雞翼

今日同Honey 返了爸媽家食飯, 同埋跟媽媽學煮餸仔. 我呢位新手在亞媽(老師父)面前, 就變咗隻雞鴨 (即係雞手鴨腳) 我幫手煮煎釀茄瓜, 娘惹咖喱薯仔雞翼, 蝦米粉絲節瓜. 還有老師父親手下廚幾味小菜.

材料
洋蔥 (1 大個), 薯仔 (2 個), 雞翼 (15 隻), 娘惹咖喱汁 (1 罐)

做法
1) 燒紅鑊落油將雞翼煎一煎 (有少少微黃OK喇), 然後上碟.

2) 然後下洋蔥炒, 再落薯仔一齊炒勻, 過一陣再放埋雞翼及咖喱汁一齊兜勻. 加暖水轉細火炆約 20 分鐘. (* 因我鍾意食薯仔淋d, 所以炆耐d)

3) 然後加糖試味 (其實我應該要下椰漿, 但我唔記得買, 所以我用糖來調減辣味).

4 ) 煮多一陣就可上碟食得喇!

同枱仲有其它家常飯餸

夏天在廚房煮飯仔真係好辛苦架, 我娘家屋企有多人, 每次媽媽都要煮好多個餸. 但她年紀都大了, 真係唔想她咁辛苦, 所以除了想跟她學煮飯仔, 也想減輕她煮飯仔負擔. 

甜心話

 

上過月剛度過了我與愛人8 週年結婚紀念日. 感謝神! 賜福我們婚姻好多甜蜜開心事.

 

而且在這兩年間天父更賜下我對煮飯仔興趣. 讓我透過煮飯仔可以煮好美味飯餸給我家人及主內弟兄姐妹. 真的好感謝神!

 



結緍 5 週年

 

今日是 "結婚 5 週年"

 

時間過得真係好快. 回想返當中真係有好多好多值得回憶片段. 更深信這段婚姻是天父撮合. 為要成就祂的旨意.

 

我今日自己祈禱同天父講, 願我們更會深愛對方. 也更會包容 & 接納對方短處. 並且我們婚姻能榮耀神.

 

 

沙巴 2009 之旅 (第四日)

 

第四日
今日係我地在沙巴最後一日. 我地食完自助早餐之後, 上午就在酒店自由活動. 我同Honey去泳池泳水, 我朋友去 "Sunset Bar" 影靚相, 講真我唔係好鐘意游水, 但今次我好 enjoy. 因為整個環境都好舒服.

 
游完水之後, 見仲有時間就在酒店影靚相, 酒店風景真好靚呀!

 

然後出市區食 Lunch, 其實我地係想去 "雙天海鮮酒家" 食海鮮, 但它們未營業. 要到 4:00pm 先營業. 所以我地求其揾間食馬來西亞餐廳食小小東西.

叻沙麵 (不過我地都認為唔夠正宗)

 蝦麵 (酸酸辣辣幾好味)

 海鮮卷 

 

我地食完小食, 就去商場買手送 & Shopping. 到 4:00 pm 就再去 "雙天海鮮酒家" 大食一餐. 真係好好味

 

 然後返酒店攞行李去機會搭 KA062-19:50 返香港. 我地去到機場仲買在沙巴好出名雪條. 我覺得榴槤 & 紅豆味係最好.

總結來講:
今次沙巴之旅真係有好多好多感謝天父事. 我地相信因天父都知道我地一直為祂的事工付出. 所以在今次旅行賜給我地好多意想不到禮物. 但最令我開心係天父心中真係有 "我" 我覺得好甜好甜.

1) 酒店環境係我最鍾意, 而且仲變在間超豪海景套房, 房間設備真係好好.

2) 海鮮餐又平又好好味.

3) 連續做在兩日 Body Message & 日日按摩浸浴, 實在太 relax.

4) 買在好多又平又低手送. 又好多是 "贈品"

5) 感覺到身, 心, 靈都好放鬆 & 喜樂.

讚美主, 天父的愛是何等偉大, 阿門!



沙巴 2009 之旅 (第三日 - Part C)

第三日 (Part C)
酒店 "Sunset Bar" 睇日落真係好靚, 感謝主

 之後就食免費 Buffet Dinner (因我地同旅行社 book 酒店時送俾我地)

最後, 當然又返房歎我浸浴啦!

沙巴 2009 之旅 (第三日 - Part B)

第三日 (Part B)

下午我地全日都是在酒店活動. 呢間就係我地食 Lunch 餐廳

我點 "公司三文治" 

我老公點 "炸魚

當我地食完 Lunch 就係大家自由活動時間, 真係好感謝天父, 祂真係好知道我好鍾意做 Body Massege. 竟然俾我發然酒店有 "瑞士式全身按摩", 而且衹需要約 HK$350.00/for 1 hr. (香港酒店做最少都要 HK$1,500.00 - 2,000.00 幾以上). 我拿拿淋返酒店淋浴就去歎. 我老公就去瞓覺.

呢間就係我做 body Massage 地方. 好 relax 架!

做完 Body Massage 己經是黃昏, 我會合大家就一齊去 "Sunset Bar" 飲杯 drink 睇日落

在途中影在好多酒店風景相.