海南雞飯@肥媽版電飯煲煮法

 

 

早前食平dd節目肥媽介紹過用電飯煲煮海南雞飯, 煮法簡單又方便. 今日立即行動去街市買材料. 但估唔到去到街市買斑蘭葉時剛只剩下一份, 幸好給我買了. 街市亞姐話個個都係來買斑蘭葉及香茅. 個個都係用來煮海南雞飯. 哈哈......跟住我心諗會不會嚟緊大家blog友文章都係介紹肥媽版海南雞飯呢?!

說真, 肥媽版海南雞飯煮法真係好得. 簡單又好入味. 我的家人個個都好 Like. 唯一是清雞湯份量再加多少少就會更好. (其實肥媽係無提供份量, 都係我自己估計出嚟. 下次會試改用 500 ml 份量清雞湯再試煮.)

材料

 米 (2 嘜半米),  清雞湯 (400 ml), 鹽 (1 茶匙)
香芧 (3 條 - 拍扁), 薑 (拍扁), 斑蘭葉 (3 塊), 蒜頭 (3 粒 - 拍扁)
雞膇 (4 隻)

雞膇醃料
鹽 (1 茶匙), 白胡椒粉 (少量)

做法
1) 將米洗乾淨放入電飯煲內, 然後加入清雞湯, 鹽 ,香芧, 薑, 斑蘭葉及蒜頭, 最後加入雞膇在米上面, 待飯煲熟就可享用美味海南雞飯啦!

請來我 Facebook 專頁給我 "讚好" 支持啦!