意式蕃茄麵包 Bruschetta

N 年前同 Honey 去過赤柱一間西班牙餐廳食過 Bruschetta, 從此他就愛上了. 宜家我會識玩吓煮飯仔. 他就會好想我煮給他食. 但今次其中一款食材 (羅勒) 我買唔到. 感覺上始終唔夠正宗. 但味道出奇有好清新喎! 絕對不錯架! 起碼我 Honey 都鍾意.

材料
法式麵包 一條 (切開一片片), 蕃茄 4 個 (切碎)
蒜頭 1 - 2 粒 (切開一半), 新鮮羅勒 (Basil) 二束 (用手撕碎)
橄欖油 (少許)

做法
1) 以小刀在蕃茄底部界十字, 煲滾一鍋水熄火放下蕃茄靜待十秒取出, 立刻放入冰水中 2秒後取出, 便能輕易去掉蕃茄皮, 然後切開蕃茄, 去籽及切成小粒, 隔水備用.

2) 新鮮羅勒用手撕碎 (我今次就買唔到無用到).

3) 將 1 & 2 放入大碗中, 加入適量橄欖油撈勻,見蕃茄包滿油光就OK (即成蕃茄羅勒醬).

4) 法式麵包切開一片片, 預熱焗爐約 160 度, 放入麵包烤焗到兩面金黃色, 搽上生蒜.

5) 將蕃茄羅勒醬放在麵包上, 加入適量鹽及黑胡椒碎就可享用.