西洋菜陳腎豬骨湯

 

秋天已到, 係時候煲d 靚湯水滋潤下. 見街市開始有西洋菜賣, 加上早前去流浮山買了些陳腎回家, 就決定煲 "西洋菜陳腎豬骨湯" WoW! 好清甜好滋潤好好味!

材料
西洋菜 (1 斤), 陳腎 (2 件), 蜜棗 (6 粒)
西施骨 ($20), 果皮 (2 片), 南北杏 (少許)

做法
1) 煲滾一鍋水將西施骨汆水. 西洋菜浸水一陣, 然後清洗乾淨.

2) 另預備煲滾一小鍋水將陳腎汆水 (千萬不要同西施骨一齊汆水).

3) 果皮用水浸軟, 去除白色部份.

4) 燒熱一鍋水下西洋菜, 稍後當水再滾時加下其它所有材料, 當水再次滾起時就轉細火煲約 2-3 個鐘加鹽調味就可慢慢享用靚湯水.