麵豉醬南瓜雞件

最近身體狀況不太好, 因早前左背至左小腿無力及好痲痺, 後來睇咗醫生, 話我係坐骨神經痛, 宜家每星期兩次去物理治療師做治療. 好感謝主! 現在情況好好多. 但宜家身體仍都會感到好攰及疼痛,而且醫師話我不要太操勞. 所以我都好專心休息. 安靜在主懷中, 等待主醫治及祝福. 而今次post 呢個餸是早前煮晚飯的小菜, 而呢個麵豉醬汁係我早前同事去北京旅行時買番嚟給我手信. 嘩! 好香麵豉味道, 炆煮出嚟餸送飯一流!

材料
南瓜 1/4 個 (切粒), 雞排 3 塊 (切粒), 麵豉醬/豆瓣醬 (約 2 湯匙)
蒜頭 3 - 4 粒 (切粒), 乾蔥 2 -3 粒 (切片)

雞排醃料
薑汁 (1 茶匙), 豉油 (1 茶匙), 鹽 (1/2 茶匙)
糖 (1/2 茶匙), 麻油 (少量), 粟粉 (1/2 茶匙)

做法
1) 雞排洗乾淨,抺乾水份, 然後切粒, 加入醃料撈勻備用.

2) 南瓜去皮去籽切粒備用.

3) 燒熱鑊落油, 下蒜頭及乾蔥爆香, 加入雞排炒勻.

4) 當雞排兜炒至轉微金黃色, 加入南瓜炒勻.

5) 下麵豉醬與所有材料炒勻. 注入暖水加蓋炆煮約 8-10 分鐘就OK 喇.
 

下面這款麵豉醬就是同事去北京旅行時在超市買回來手信.