泰式甜辣芒果炒鴕鳥肉 (附食譜)

  
呵呵.........返埋今日工就放假啦! 勁爽呀! 大家會不會趁假期約朋友回家食飯哩! 有無試過用鴕鳥肉做主煮呢? 鴕鳥肉有好高營養價值架! 我曾經都上網及書籍中知道食鴕鳥肉好處, 同大家分享下: 

鴕鳥肉含有高蛋白、低脂肪、低膽固醇、低熱量的特點, 其單位脂肪含量僅為牛肉、豬肉的十分之一, 但其鐵、鈣、鋅、硒等的含量均高於一般肉類, 還含有27種人體必需的氨基酸, 再加上鴕鳥肉肉質好嫩滑, 用作烹調菜色是非常好的.

所以我好喜歡用它來配搭不同食材, 前晚就用芒果及泰式甜辣醬煮過開胃美味送飯菜. 這碟餸一出場, 就好受我家人歡迎, 好快就食清晒. 而且顏色配搭都好靚靚呀!

 

材料

鴕鳥肉 (1 盒 - 切粒), 芒果 (2 個 - 切粒), 青椒 (1 個 - 切塊)

蒜頭 (4 粒 - 切粒), 白醋 (1 茶匙)

醃料
生抽 (1 湯匙), 黃糖 (1 茶匙), 麻油 (少量)
胡椒粉 (少量), 生粉 (1 茶匙), 水 (1 茶匙 - 最後才逐少加入)

調味料
泰式甜辣醬 (又名雞醬) (約 3 - 4 湯匙)
紹興酒 (1 湯匙 - 贊酒用)

做法
1) 鴕鳥肉解凍, 清洗乾淨, 抺乾水份, 用醃料醃約 20 分鐘, 備用.

2) 芒果去皮及切粒, 用白醋醃一陣. 青椒清洗乾淨, 去籽及切塊, 備用.

3) 開火下油, 加入鴕鳥肉炒, 贊酒, 煮熟就可盛起, 隔油, 備用.

2) 再開火下油, 爆香蒜粒, 下青椒炒熟, 加入鴕鳥肉及芒果, 下泰式甜辣汁拌勻, 就可盛起食用.



請入嚟我 Facebook 專頁按 "讚好" 給我支持啦!