西班牙海鮮飯 (附食譜)

 
上星期六有親戚到訪, 試煮了兩個新菜, 有西班牙海鮮飯及香草焗鴨, 親戚們都好滿意食物, 大家有講有笑食得好開心. 西班牙海鮮飯其實唔難煮, 只要按步驟去煮, 加上愛心, 細心, 留心, 耐心就一定成功.

 其實煮飯最重要是那份 "愛"
當我帶著愛去煮就能一步一步煮出有 "愛味道" 美食
出嚟啦!

材料

白米 (3 嘜), 西班牙 Palacios 臘腸 (半條 - 切片)
虎蝦 (7 隻), 白蜆 ($30), 藍青口 (約 15 隻)
蕃茄 (1 個 - 切粒), 蒜頭 (3 粒 - 切粒), 洋蔥 (半個 - 切粒)
紅黃青椒 (各 1/ 4 個 - 切粒), 檸檬 (半個 - 切件), 蕃茜 (少量)

(虎蝦)醃料

紅椒粉 (少量)

調味料

紅椒粉 (1 茶匙與蕃茄拌勻,另 1/2 茶匙灑下飯中)
番紅花 (少量), 魚湯 (1000 ml) 

做法

1) 虎蝦解凍, 剪去蝦鬚及蝦頭尖角, 挑腸, 清洗乾淨, 抺乾水份, 用紅椒粉醃一會, 備用. (已剪去的蝦頭尖角要留起, 用作舀煮魚湯用)

 2) 白蜆用鹽水浸 1 小時, 待吐沙後清洗乾淨.

藍青口解凍, 清洗乾淨. 
將白蜆及藍青口下滾水中汆水約 1 分鐘, 盛起備用.

 3) 蕃茄清洗乾淨, 切粒, 加入 (1 茶匙) 紅椒粉醃勻, 備用.

4) 魚湯加入蝦頭尖角, 煮約 10 分鐘, 熄火, 盛起一飯碗份量魚湯加入蕃紅花浸一陣, 備用. 

5) 開火下油, 下蒜頭及洋蔥爆香, 加入紅黃青椒同煮, 下西班牙 Palacios 臘腸炒至出油及軟身, 下已醃(紅椒粉)蕃茄與食材兜勻, 加入白米拌勻, 先加入已浸(蕃紅花)魚湯拌勻, 再慢慢加入其餘魚湯直至蓋過飯面, 細火煮約 10 分鐘, 其間再灑下 (1/2 茶匙) 紅椒粉在飯面繼續煮.

6) 之後再加入約剩餘 300 ml 魚湯, 及在飯面舖上虎蝦, 藍青口及白蜆, 加蓋細火煮約 8 分鐘, 熄火焗 10 分鐘, 然後放下檸檬及蕃茜作點綴, 就可慢慢享受喇!


請來我 Facebook 專頁按 "讚好" 給我支持啦!