韓醬薯仔炆肉條 (附食譜)

 

我返嚟啦! 這幾天因家中有突發要事, 所以連寫 blog 都要放埋一邊, 感謝神! 有天父看顧保守終於平安渡過. 講番今次這個餸, 好好味架! 是用韓國醃肉汁來煮的, 最好味係薯仔, 索晒汁料, 今餐又食到飽飽喇!~   

  

材料

梅頭豬肉 ($25 - 切條), 薯仔 (2 個 - 切小件)

蒜頭 (4 粒 - 切粒), 乾蔥 (1 粒 - 切粒), 芫茜 (少量 - 切碎)

醃料

韓國醃豬肉汁 (1 湯匙), 生抽 (1 湯匙), 黃糖 (1 茶匙)

紹興酒 (1 茶匙), 麻油 (少量), 生粉 (1 茶匙)

調味料

韓國麵豉醬 (1 湯匙), 蠔油 (1 湯匙), 生抽 (1 茶匙)
黃糖 (1 茶匙), 暖水 (約 150 ml), 紹興酒 ( 1 茶匙 - 贊酒用)

做法

1) 梅頭豬肉清洗乾淨, 抺乾水份, 用醃料醃約 30 分鐘, 備用.

2) 薯仔去皮, 清洗乾淨, 切小件, 備用.

3) 開火下油, 下豬肉炒煮至 8 成熟, 盛起隔油, 備用.

4) 再開火下油, 下薯仔煮至金黃色, 加入蒜粒及乾蔥粒爆香, 贊酒, 下調味料加蓋細火炆煮約 5 分鐘, 加入豬肉同兜勻炒熟, 就可盛起上碟, 灑下芫茜作點綴, 就可食用.

請入嚟我 Facebook 專頁按 "讚好" 給我支持啦!