香草烤鴨 (附食譜)

早前睇過明珠台一個教煮高級西餐飲食節目, 其中一到西菜是教煮烤鴨, 烤得好靚好吸引, 所以自己都想嚐試一下, 食材方面我自己略有更改, 烤出嚟都一樣好美味又嫩滑. 親戚家人都好滿意. 個醬汁只用鴨本身精華汁籵加鴨內臟舀煮出嚟, 所以非常原汁原味.

材料

冰鮮鴨 (1 隻), 甘荀 (半條 - 切粒), 洋蔥 (半個 - 切塊)

西芹 (2 條 - 切粒), 檸檬 (4 片)

醃料
 A) 鴨肚內 - 百里香 (1 茶匙), 鹽 (約 1/2 茶匙), 黑胡椒 (約 1/2 茶匙)

B) 鴨身 - 迷迭香 (5 支 - 切碎), 鹽 (約 1/2 茶匙)

黑胡椒 (約 1/2 匙), 油 (約 1 茶匙)

C) 甘荀, 洋蔥及西芹 - 百里香 (半茶匙), 鹽 (少量), 黑胡椒 (少量), 油 (少量)
 
醬汁料

焗鴨後甘荀, 洋蔥, 西芹及汁料 + 暖水 + 鴨頸及鴨內臟

做法
1) 冰鮮鴨解凍, 清洗乾淨 (包括內臟), 隔乾水份, 在鴨肚內搽上 (A) 醃料, 在鴨身搽上 (B) 醃料, 放入雪櫃醃過夜, 備用.

2) 焗之前 2 小時從雪櫃取出鴨解凍, 預熱焗爐, 將甘荀, 洋蔥及西芹用醃料 (C) 醃勻. 與檸檬片一齊放入鴨肚內及封口. 放入焗爐用 200 度火力焗 1 小時.

3) 從焗爐取出鴨, 將鴨肚內甘荀, 洋蔥, 西芹, 汁料及檸檬片取出, 再將鴨放入焗爐用 160 度火力再焗 1 小時, 之後取出靜待 10 分鐘斬件上碟.

4) 將已焗過甘荀, 洋蔥, 西芹及汁料放入小鍋內, 加入暖水及鴨頸及鴨內臟一齊舀煮醬汁料, 煮約 40 分鐘, 然後隔去油份, 用作醬汁點鴨肉食用.


請來我 Facebook 專頁按 "讚好" 給我支持啦!