韓汁蘆筍炒肥牛肉 (附食譜)

昨晚突然有客人到訪, 立刻去買餸去煮飯, 幸好都攪掂, 至於咁趕煮出嚟食物仲算味道及賣相都 OK. 其實我本人是好怕突如其來事, 會有點措手不及, 所以今次順利完成, 我都好滿意.
 
材料

肥牛肉 (1 包), 蘆荀 (8 條 - 切去根部, 削去外皮及切段)
紅及黃椒 (各半個 - 去籽及切塊)
蒜頭 (2 粒 - 切粒), 乾蔥 (1 粒 - 切粒)

醃料

韓國醃牛肉汁 (2 湯匙), 生抽 (1 茶匙), 麻油 (少量), 生粉 (1 茶匙)

調味料
韓國醃牛肉汁 (2 湯匙), 黃糖 (1/2 茶匙)
紹興酒 (1 茶匙 - 贊酒用)

做法
1) 肥牛肉清洗乾淨, 抺乾水份, 用醃料醃約 30 分鐘, 備用.

2) 蘆荀切去根部及削去外皮, 清洗乾淨及切段, 紅及黃椒清洗乾淨, 各切一半用, 去籽及切塊.

3) 開火下油, 下肥牛肉炒至 7 成熟, 盛起隔油, 備用.

4) 再開火下油, 下蒜粒及乾蔥粒爆香, 加入蘆荀及紅黃椒炒, 贊酒, 下調味料及肥牛肉兜勻熟透, 就可盛起慢慢食用.



請入嚟我 Facebook 專頁按 "讚好" 給我支持啦!