開心外食@天樂餐廳 Amy's Kitchen

復活節假期時去了香港大學站周圍行下, 無意中俾我發現這間以前在銅鑼灣區白沙道好出名食店 "天樂餐廳"  他們好出名名菜有 "瑞士汁牛河" “瑞士汁雞翼" "天樂甜心雞卷" "梳乎厘" "鹹豬手" 等等. 他們食物好好味架. 蘇施黃都是他們上客. 價錢又合理, 估不到俾我見番佢. 巧開心呀! 以後我又多個食好嘢蒲點喇!

瑞士汁牛河 ~ 個汁真係好 "掂" 牛肉又夠淋, 味道同我以前食的一樣. 水準 keep 得好好. 
(昨日落完單無耐, 他們伙計就通知河粉剛已沽清, 幸好我仍有得食.)

瑞士汁雞翼 ~ 煮得剛剛好, 雞翼夠晒入味, 又嫩滑. 這個同牛河都是 "必食" 推介.

烚鹹牛脷 ~ 鹹味適中, 牛脷炆得好好, 不錯選擇.

凡點主餐牌菜色加 $20 就送餐湯或鮮果沙律, 甜品及餐飲.

WoW! 我的至愛 "梳乎厘" 好好味架! 熱烘烘, 軟綿綿, 脹卜卜.亦是 "必食" 推介.

天樂餐廳地址: 
西環德輔道西352號地下 (港鐵香港大學站 B1 出口, 步行約 6 分鐘)


請入嚟我 Facebook 專頁按 "讚好" 給我支持啦!