感動! 好開心! 😍 曾經都同大家分享過我是比較少煎炸食物的, 而今次煎豆腐更是我的第一次, 有耐性不心急, 等一邊煎至金黃色才反轉煎另一邊, 這樣就能煎出理想金黃色豆腐, 再配埋拌菜及汁料, 非常健康好味. 勁有成功感呀! 😚👍
材料
板豆腐 (1 大磚), 甘荀 (1 條 - 切條)
冬菇 (10 粒 - 切半), 蒜頭 (5 粒 - 切粒)
調味料
生抽 (1 1/2 湯匙), 黃糖 (半茶匙), 海鹽 (少量), 清雞湯 (約 80 ml)
暖水 (約 80 ml), 紹興酒 (1 湯匙 - 贊酒用)
做法
1) 板豆腐隔乾水份, 切厚件, 備用,
2) 甘筍去皮, 清洗乾淨, 切條, 備用.
冬菇浸至軟身, 剪去菇蒂, 清洗乾淨, 切半, 備用.
3) 開火下油, 加入板豆腐中火每邊煎至金黃色, 盛起備用.
4) 開火下油, 下蒜粒爆香, 加入甘荀炒, 再加入冬菇炒香, 贊酒, 加入生抽, 黃糖, 清湯及暖水, 再加入板豆腐, 加蓋中細火煮約 8 分鐘, 下適量海鹽調味, 埋獻, 盛起食用.
愛心小貼士
煎豆腐一定要有耐性, 等待一邊煎至金黃色, 才可以反轉煎另一邊.
沒有留言:
張貼留言