北海道牛奶布甸 (附食譜)

呵呵.........一直都好鍾意食北海道牛奶布甸, 想學整好耐. 所以親呢幾日假期學試整嚟食, 上綱 serach 到 (何師奶 ~ 全職"煮"婦生活逸事烹飪分享) 的食譜介紹整牛奶布甸方法. 非常易煮, 而且做出嚟牛奶布甸好滑溜溜又好美味. Yummy! Yummy!

我家中只有一隻牛奶布甸容器, 所以只能用杯子盛裝其它牛奶布甸, 嘻嘻......日後我必定會買番 d 布甸容器回來裝住我至愛甜品.

材料

北海道特選 3.6 牛乳 (350 ml), 魚膠粉 (7 g), 砂糖 (35 g)
總統牌淡忌廉 (150 ml), 凍滾水 (15 g)

做法
1) 魚膠粉用凍滾水開勻, 然後坐在熱水中繼續開勻變成液態狀, 備用.

2) 牛奶及砂糖用極小火煮熱, 直至砂糖完全煮溶了, 就可熄火.  (但千萬不要煮滾)

3) 倒入魚膠粉拌勻, 再加入淡忌廉拌勻. 靜待涼透, 就用茶隔過濾注入布甸容器或杯子內, 放在雪櫃冷藏 3 - 4小時至凝固就可享受滑溜溜美味甜品了.



請來我 Facebook 專頁按 "讚好" 給我支持啦!