木瓜雪耳湯圓糖水

今天是中秋節, 人月團圓大好日子. 妳/你係咪同家人或好友一齊慶祝緊呢? 今日我都度過了一個好特別中秋節. 早上返教會崇拜,下午參加了一對弟兄姐妹婚禮, 而且在當中能為她們讀經, 實在好開心又感恩. 願妳們一生一世都甜蜜幸福直到永遠.

今日就同大家分享一個同中秋節有關甜品 "木瓜雪耳湯圓糖水".

祝各位, 中秋節團團圓圓! 甜甜蜜蜜!

材料

雪耳 (2 個), 木瓜 (1 個), 南北杏 (少量)

芝麻湯圓 (份量隨大家), 冰糖 (隨個人口味)

做法
1) 將雪耳浸水, 雪耳發大後剪去硬身, 撕成小塊.

2) 木瓜去皮去核, 切成小塊.

3) 煲一鍋滾水, 加入雪耳, 木瓜及南北杏, 當水再滾時轉細火煲約 45分鐘, 然後加冰糖試味.

4) 再加入湯圓, 見湯圓浮面及漲大, 就可盛起, 一路賞月一路食用喇!