糖醋排骨

糖醋排骨係我好喜歡餸菜之一, 但對我嚟講要整一件靚糖醋排骨絕對不容易, 今次呢個煮法係我首次嘗試, 效果都不錯, 但仍有d嚡, 究竟要點樣煮先至唔會嚡呢! 有無人可以話我知呀!?

材料

一字排骨 (6 條), 乾蔥 (1 粒 - 切粒), 蒜頭 (5 粒 - 切粒)

調味料
紹興酒 (1 茶匙), 生抽 (1 1/2 湯匙), 鎮江醋 (100 ml)
暖水 (200 ml), 片糖 (大半條)

做法

1) 清洗乾淨, 抺乾水份, 備用.

2) 燒熱鍋落油, 加入一字排骨煎至微黃色, 撥開一字排骨在邊位, 下乾蔥及蒜頭爆香.

3) 贊酒, 下生抽, 鎮江醋, 暖水及片糖兜勻一字排骨, 細火炆煮約 30分鐘 (其間要留意是否要加暖水及試味), 最後開蓋煮至收汁, 盛起享用.